«Միշտ էլ կներեմ, բայց վերաբերմունքս անտարբերության կվերածվի». Կարո Բալյան

Exclusive

Past.am-ի բլից հարցերին պատասխանում է ռեժիսոր Կարո Բալյանը:

- Ձեր օրն սկսվում է...

- Արթնանալով: ))

- Ո՞վ կամ ի՞նչն է Ձեր ոգեշնչման աղբյուրը:

- Ամեն ինչ կարող է լինել:

- Գեղեցիկը Ձեզ համար...

- Հարաբերական է:

- Ու՞մ եք դիմում, երբ հուսահատ եք:

- Պահից է կախված:

- Կյանքում երբեք չեք ների...

- Կարծում եմ՝ այդպիսի խնդիր չկա, միշտ էլ կներեմ, բայց վերաբերմունքս անտարբերության կվերածվի:

- Ձեր ամենամեծ հիասթափությունը...

- Երբ 94 թվին Իտալիան պարտվեց Բրազիլիային: ))

- Մի բան, որի համար շատ եք ափսոսել...

- Չկա այդպիսի բան, երբեք արածներիս համար չեմ ափսոսում:

- Ձեր կյանքի ամենառոմանտիկ հանդիպումը...

- Ախր ես այդքան ռոմանտիկ մարդ չեմ: )) Բայց հիմա ինչքան ուզում եմ հիշել, ամեն ինչ Մարիամի հետ է կապված:

- Երբ բարկացած եք...

- Հնարավոր է՝ ինչ-որ բան ջարդեմ, հնարավոր է՝ ոչ, ինչպես բոլոր սովորական մարդիկ:

- Ձեզ հասկանալու համար դիմացինը պետք է...

- Պետք է կարողանա համբերել ինձ:

- Ընտանի կենդանի ունե՞ք:

- Թութակներ ունեմ, որոնք հիմա տանը չեն, գործուղման են: ))

- Եթե լինեիք ամենազոր...

- Դա կարող էր օգնել աշխարհի բոլոր անկյուններում պատերազմների վերացմանը, քանի որ վրաս շատ է ազդում հեռուստացույցով ամեն անգամ այս ամենը լսելը:

- Հայրենիքը Ձեզ համար...

- Բառերով չեմ կարող ասել, բնականաբար, ամենաթանկն է:

- Ձեր կյանքի ամենամեծ ձեռքբերումը...

- Եթե պատասխանեմ, պաթետիկ պետք է հնչի, ուստի չեմ ուզում պատասխանել:

- Ամենաշատը երազում եք...

- Ուղղակի երազում եմ:

- Երբեք չեք փորձի...

- Բայց ինչու՞ չեմ փորձի:

- Աշխարհի լավագույն վայրը Ձեզ համար...

- Երևան:

- Միշտ վախեցել եք...

- Անորոշությունից:

- Մարդ, ով փոխել է Ձեզ...

- Այդպիսի բաների վրա չեմ կենտրոնանում:

- Տանել չեք կարողանում, երբ...

- Մարդն այն չէ, ինչ իրեն ներկայացնում է:

- Տարվա ո՞ր եղանակի հետ եք Ձեզ ասոցացնում:

- Չեմ ասոցացնում:

- Իր, որ միշտ Ձեզ հետ է...

- Մեքենայիս բանալիները, հեռախոսս:

- Երջանկության՝ Ձեր բանաձևը...

- Շատ չֆիքսվել վատ բաների վրա, որովհետև դրանք միշտ լինում են, ամեն ինչին պետք է թեթև նայել, չծանրացնել:

- Առանց ինչի՞ չեք կարող ապրել:

- Հայրս լիներ՝ կասեր՝ առանց հեռախոսի, բայց չգիտեմ: ))

- Ամենակարևորը՝ կյանքում…

- Կարողանալ երջանիկ լինել, որովհետև մի անգամ ենք ապրում:

- Վերջին անգամ ե՞րբ եք արտասվել:

- Մարդկային կորստից:

- Այս պահին կուզենայիք...

- Արագ վերջացնեինք, որ ես գնայի: ))

- Ձեր գերագույն նպատակն այս կյանքում...

- Գերագույն նպատակը թերևս փոփոխական է, բայց տվյալ պահին, լինելով արվեստի ոլորտում, կուզենայի Հայաստանից ինչ-որ բան դեպի միջազգային ասպարեզ փոխանցողը լինեի:

- Ուրիշ ի՞նչ հարցի կցանկանայիք պատասխանել, որը չհնչեց:

- Չունեմ այնպիսի հարց, որը կուզենայի ինձ տալ:

- Եվ վերջում...

- Ո՞նց եք: ))

 

Մարիամ Նալբանդյան