Ադրբեջանը լայնածավալ պատերազմ սկսելու ռեսուրս չունի. Վաղարշակ Հարությունյան

Ադրբեջանը լայնածավալ պատերազմ վերսկսվելու ոչ ռազմական, ոչ քաղաքական ռեսուրսներ չունի: Տարածաշրջանում միակ երկիրը, որի շահերից բխում է պատերազմի վերսկսումը, Թուրքիան է: Այս մասին «Արմենպրես»-ի մամուլի սրահում հրավիրված ասուլիսում նշեց  ՀՀ պաշտպանությա ն նախկին նախարար Վաղարշակ Հարությունյանը:

«Երբ գնահատում ենք պատերազմի հավանականությունը, ապա պետք է հաշվի առնենք մի կարևոր բան: Ինչպես գիտենք, Ադրբեջանը վերջին 6-7 տարիների ընթացքում հսկայական միջոցներ է ծախսել բանակը հզորացնելու համար: Հայտնի է, որ Ադրբեջանի բյուջեի առյուծի բաժինը կազմվում է նավթային դոլարներից:  Ի՞նչ է տեղի ունեցել. Ադրբեջանի տնտեսական ռազմական պիկն անցել է: Նա ստիպված կրճատել է ծախսերը, ռազմական բյուջեն կրճատել է  3 անգամ: Ադրբեջանը տեխնիկա է վերցրել ու պետք է այն սպասարկի,  բայց այդ աշխատանքը մեծ ծախսեր են պահանջում, իսկ այդ գումարն արդեն չունի, որովհետև նավթի գինն ընկել է, նավթային պաշարներն էլ նվազում են»,-ասաց Վաղարշակ Հարությունյանը:

Նա նշեց, որ ապրիլյան գործողություների դրդապատճառներից մեկն էլ հենց դա էր, ֆինանսական ռեսուրսների կրճատումը: Ադրբեջանը պատերազմով փորձում էր արագ լուծել խնդիրը, ինչը չհաջողվեց և շտապեց Մոսկվա` խնդրելու միջամտություն կրակը դադարեցնելու համար:

«Դրա համար, հասկանալով, որ ռազմական լայնածավալ գործողությունների ռեսուրս չունի, Ադրբեջանը դիմում է դիվերսիոն գործողությունների հայ հասարակությանը թուլացնելու համար: Հետևաբար մարտունակ, հզոր բանակ ունենալը մեր անվտանգության թիվ մեկ երաշխիքն է»,-հավելեց Վաղարշակ Հարությունյանը:

Ապրիլի 1-ի լույս 2-ի գիշերը Ադրբեջանը Լեռնային Ղարաբաղի զորքերի շփման գոտում սանձազերծել են լայնածավալ ռազմական գործողություններ: Հայկական կողմը, ընդունելով հակառակորդի մարտահրավերը, անցել է պաշտպանական հակահարձակ գործողությունների, որոնց արդյունքում հակառակորդին հասցվել են հսկայական մարդկային եւ նյութական կորուստներ:

Քառօրյա պատերազմի հետևանքով թե հայկական, թե ադրբեջանական կողմը ունեցան զոհեր և վիրավորներ: Ապրիլի 5-ին կրակիդադարեցման պայմանավորվածություն ձեռք բերվեց, որը հնարավոր դարձավ Մոսկվայում Հայաստանի և Ադրբեջանի Զինվածուժերի շտաբի պետերի հանդիպման արդյունքում:

ԼՂ հակամարտության գոտում ապրիլյան լայնածավալ ռազմական գործողություններից հետո, Հայաստանի և Ադրբեջանինախագահներն առաջին անգամ հանդիպեցին Վիեննայում: Ֆրանսիայի, ԱՄՆ-ի եւ ՌԴ արտաքին գերատեսչություններիղեկավարների մասնակցությամբ կայացած Սարգսյան-Ալիև հանդիպմանը մի շարք համաձայնություններ ձեռք բերվեցին ԼՂհակամարտության վերաբերյալ: Մասնավորապես, նախագահները վերահաստատեցին հրադադարին և հակամարտության խաղաղկարգավորմանն ուղղված իրենց հանձնառությունը: Հետագա բռնությունների վտանգը նվազեցնելու համար նրանք համաձայնեցինշփման գծում ամենակարճ ժամկետներում ավարտին հասցնել ԵԱՀԿ-ի հետաքն նության մեխանիզմների ներդրմանաշխատանքները և ավելացնել հակամարտության գոտում միջազգային դիտորդների թվաքանակը՝ ընդլայնելով ԵԱՀԿ-ի գործողնախագահի անձնական ներկայացուցչի գրասենյակի լիազորությունները:

Հաջորդ հանդիպումը տեղի ունեցավ 2016թ. հունիսին Հայաստանի, Ռուսաստանի և Ադրբեջանի նախագների միջև ՍանկտՊետերբուրգում, որի ժամանակ վերահաստատվեցին Վիեննայում ձեռք բերված պայմանավորվածությունները: Մինչ օրս այդ պայմանավորվածությունները կյանքի չկոչվեցին: