«Իսկանդեր»-ն ու «Սկադ»-ը բավարար են Ադրբեջանի ամբողջ տնտեսական ներուժը ոչնչացնելու համար

Ադրբեջանը չի կարող «Իսկանդեր»-ի նման զենք ձեռք բերել, դրանից հզոր մեր պարագայում պետք է լինի միջուկային զենքը: Ինչը նա նույնպես չի կարող ձեռք բերել: «Արմենպրես»-ի մամուլի սրահում հրավիրված ասուլիսում այս մասին նշեց ՀՀ պաշտպանության նախկին նախարար Վաղարշակ Հարությունյանն՝ անդրադառնալով Ադրբեջանի նախագահ Իլհամ Ալիևի այն հայտարարությանը, թե ձեռք են բերել հզոր, կործանարար նոր զինատեսակ:

«Թող նման բաներ գնա և իր համագյուղացիներին պատմի: Նախ, նման զենքը հնարավոր չէ թաքցնել, երկրորդ, մեր ունեցած «Իսկանդեր»-ն ու «Սկադ»-ը բավարար են Ադրբեջանի ամբողջ տնտեսական ներուժը ոչնչացնելու համար: Իրենց մամուլում են մասնագետները խոսում, որ եթե գործի դնենք այդ զինատեսակները ու թիրախավորենք համապատասխան օբյեկտները, ապա Ադբեջանի 2/3-ը կմնա ջրի տակ: Դա ես չեմ ասում, իրենք են խոսում»,-ասաց Վաղարշակ Հարությունյանը:

Նա նշեց, որ հայկական կողմի ունեցած զինատեսակները ռազմավարական առավելություն ունեն: Այսօր Իլհամ Ալիևը բանակցում է Իսրայելի հետ, որ ձեռք բերի «Երկաթե գմբեթ» հակահրթիռային պաշտպանության համակարգը, բայց, ըստ Վաղարշակ Հարությունյանի, դա էլ չի փրկի:

«Իրենք ստիպված են միլիարդներ ծախսել: Մենք, պատերազմի մեջ չմտնելով, ստիպեցինք Ադրբեջանին մտնել տնտեսական մրցավազքի մեջ, մեծ փողեր  ծախսել, դա այն դեպքում, երբ իր ֆինանսական միջոցները կրճատվում են»,-ասաց նա:

Անդրադառնալով Ալիևի այն հայտարարությանը, թե ապրիլյան պատերազմից հետո Ադրբեջանը ուժեղացել է` Վաղարշակ Հարությունյանը նշեց, որ փաստերն այլ բանի մասին են խոսում:

«Ալիևը PR սիրող մարդ է: Տեսեք, թե ինչով է զբաղվում, իրենց հսկողության տակ եղած մի գյուղում Ալիևը մեծ փողեր է նեդրել ու Ադրբեջանի հասարակությանը  ցույց է տալիս, թե այն «ազատագրել» է, շոու է սարքում: Հիմա ինքն ասում է, որ ապրիլյան պատերազմը ցույց տվեց, որ ինքը ուժեղացել է, այդ դեպքում ինչո՞ւ համանախագահող երկրները ընդունեցին Հայաստանի` հետաքննության մեխանիզմներ ներդնելու մասին առաջարկները, այդ դեպքում ինչո՞ւ է Ադրբեջանը բողոքում ԵԱՀԿ Մինսկի խմբից: Ինքը շատ բան է խոսելու, որովհետև դա ուղղված է ներքին սպառողին»,-ասաց Վա ղարշակ Հարությունյանը:

Ապրիլի 1-ի լույս 2-ի գիշերը Ադրբեջանը Լեռնային Ղարաբաղի զորքերի շփման գոտում սանձազերծել են լայնածավալ ռազմական գործողություններ: Հայկական կողմը, ընդունելով հակառակորդի մարտահրավերը, անցել է պաշտպանական հակահարձակ գործողությունների, որոնց արդյունքում հակառակորդին հասցվել են հսկայական մարդկային եւ նյութական կորուստներ:

Քառօրյա պատերազմի հետևանքով թե հայկական, թե ադրբեջանական կողմը ունեցան զոհեր և վիրավորներ: Ապրիլի 5-ին կրակիդադարեցման պայմանավորվածություն ձեռք բերվեց, որը հնարավոր դարձավ Մոսկվայում Հայաստանի և Ադրբեջանի Զինվածուժերի շտաբի պետերի հանդիպման արդյունքում:

ԼՂ հակամարտության գոտում ապրիլյան լայնածավալ ռազմական գործողություններից հետո, Հայաստանի և Ադրբեջանինախագահներն առաջին անգամ հանդիպեցին Վիեննայում: Ֆրանսիայի, ԱՄՆ-ի եւ ՌԴ արտաքին գերատեսչություններիղեկավարների մասնակցությամբ կայացած Սարգսյան-Ալիև հանդիպմանը մի շարք համաձայնություններ ձեռք բերվեցին ԼՂհակամարտության վերաբերյալ: Մասնավորապես, նախագահները վերահաստատեցին հրադադարին և հակամարտության խաղաղկարգավորմանն ուղղված իրենց հանձնառությունը: Հետագա բռնությունների վտանգը նվազեցնելու համար նրանք համաձայնեցինշփման գծում ամենակարճ ժամկետներում ավարտին հասցնել ԵԱՀԿ-ի հետաքն նության մեխանիզմների ներդրմանաշխատանքները և ավելացնել հակամարտության գոտում միջազգային դիտորդների թվաքանակը՝ ընդլայնելով ԵԱՀԿ-ի գործողնախագահի անձնական ներկայացուցչի գրասենյակի լիազորությունները:

Հաջորդ հանդիպումը տեղի ունեցավ 2016թ. հունիսին Հայաստանի, Ռուսաստանի և Ադրբեջանի նախագների միջև ՍանկտՊետերբուրգում, որի ժամանակ վերահաստատվեցին Վիեննայում ձեռք բերված պայմանավորվածությունները: Մինչ օրս այդ պայամանավորվածությունները կյանքի չկոչվեցին: