35 իմաստուն և սրամիտ ասացվածքներ հրեաներից

Blognews.am-ը գրում է.

Հրեաները շատ իմաստուն ժողովուրդ են: Նրանց խորաթափանց մտածողությունը հայտնի է ողջ աշխարհում: BlogNews-ը ձեզ է ներկայացնում 35 իմաստուն և սրամիտ ասացվածքներ հրեաներից, որոնք կօգնեն հասկանալ այս աշխարհը:

1. Փողով այնքան լավ չէ, ինչքան վատ է առանց փողի:
   
   
2. Ադամն առաջին հաջողակն է, քանի որ չի ունեցել զոքանչ:
   
   
3. Եթե խնդիրը հնարավոր է լուծել փողով, ապա դա խնդիր չէ, այլ ծախս է:
   
   
4. Աստված մարդուն տվել է երկու ականջ և մեկ բերան, որպեսզի նա ավելի շատ լսի և ավելի քիչ խոսի:
   
   
5. Թող Աստված քեզ պահպան լինի վատ կանանցից, իսկ լավերից փրկվիր ինքդ:
   
   
6. Ցանկացած հրեա գիտի, թե ինչպես է ավելի լավ:
   
   
7. Աստված չի կարող ամեն տեղ միանգամից լինել, այդ պատճառով էլ նա ստեղծել է մայրերին:
   
   
8. Մի՛ եղիր շատ քաղցր, որ քեզ կուլ չտան, մի՛ եղիր շատ դառը, որ քեզ չթքեն:
   
   
9. Զգուշացիր այծից դիմացից, ձիուց՝ հետևից, իսկ հիմարից՝ բոլոր կողմերից:
   
   
10. Ե՛վ հյուրը, և՛ ձուկը երեք օրից սկսում են վատ հոտ արձակել:
    
    
11. Գիտելիքները շատ տեղ չեն զբաղեցնում:
    
    
12. Ավելի լավ է հրեա առանց մորուքի, քան մորուք՝ առանց հրեայի:
    
    
13. Մարդը պետք է ապրի գոնե հետաքրքրասիրությունից ելնելով:
    
    
14. Խուլը լսել է՝ ինչպես է համրը պատմել, որ կույրը տեսել է՝ ինչպես է կաղն արագ-արագ վազում:
    
15. Աստված պահպանում է աղքատներին, համենայն դեպս, թանկարժեք մեղքերից:
    
    
16. Եթե բարեգործությունը ոչինչ չարժենար, բոլորը կլինեին բարեգործներ:
    
    
17. Երբ պառաված օրիորդն ամուսնանում է, նա  միանգամից վերածվում է երիտասարդ կնոջ:
    
     
18. Ծնողները երեխաներին խոսել են սովորեցնում, իսկ երեխաները ծնողներին՝ լռել:
    
    
19. Հեռավորության վրա բոլոր մարդիկ էլ վատը չեն:
    
    
20. Գուցե և ձվերն ավելի խելացի են, քան հավերը, սակայն դրանք ավելի շուտ են հոտում:
    
    
21. Տղամարդիկ ավելի շատ բան կանեին, եթե կանայք ավելի շատ լռեին:
    
    
22. Լավ լռելն ավելի դժվար է, քան լավ խոսելը:
    
    
23. Վատ կինն անձրևից էլ վատ է. անձրևը մարդուն տուն է շտապեցնում, իսկ վատ կինը տնից դուրս է հանում:
    
    
24. Աշխարհը կվերանա ոչ թե այն պատճառով, որ շատ են մարդիկ, այլ այն պատճառով, որ շատ են տմարդիները:
    
    
25. Աստված իմ, օգնիր ինձ կանգնել, ընկնել ինքս էլ կարող եմ:
    
    
26. Եթե կյանքը դեպի լավը չի փոխվում, ապա մի փոքր սպասեք, այն կփոխվի դեպի վատը:
    
    
27. Որքան էլ քաղցր լինի սերը, դրանից կոմպոտ չես պատրաստի:
    
    
28. Երբ անելու բան չի լինում, մարդիկ մեծ գործեր են ձեռնարկում:
    
    
29. Երկու չարիքից ընտրություն կատարելիս հոռետեսն ընտրում է երկուսն էլ:
    
    
30. Բոլորը բողոքում են փողի պակասից, սակայն ոչ ոք չի բողոքում խելքի պակասից:
    
    
31. Նա, ով երեխա չունի, լավ է դաստիարակչական խորհուրդներ տալիս:
    
    
32. Ավելի լավ է մահանալ ծիծաղից, քան վախից:
    
    
33. Փորձն այն բառն է, որով մարդիկ արդարացնում են իրենց սխալները:
    
    
34. Սպիտակած մազերը ծերության նշան են, այլ ոչ իմաստնության:
    
    
35. Ծերանալով մարդը սկսում է ավելի վատ տեսնել, սակայն ավելի շատ բան է տեսնում: