«Կյանքիս ամենամեծ հիասթափությունն ամուսնությունս էր». Լուսինե Կիրակոսյան

Past.am-ի բլից հարցերին պատասխանում է սիրված դերասանուհի Լուսինե Կիրակոսյանը:

 

 

- Ձեր օրն սկսվում է...

- Կենդանիներիս կերակրելով:

- Ո՞վ կամ ի՞նչն է Ձեր ոգեշնչման աղբյուրը:

- Լավ աշխատանքը թատրոնում կամ հեռուստատեսությունում:

- Գեղեցիկը Ձեզ համար...

- Բարի մարդն է:

- Ու՞մ եք դիմում, երբ հուսահատ եք:

- Երբ հուսահատ եմ, լաց եմ լինում:

- Կյանքում երբեք չեք ների...

- Սուտը, առավել ևս, երբ այն փորձում են հաստատել:

- Ձեր ամենամեծ հիասթափությունը...

- Իմ ամուսնությունն էր, երբ սիրահարվեցի, ամուսնացա շատ լավ արտաքինով երիտասարդի հետ, բայց ահավոր մարդ էր: Այդպես հիասթափվեցի ու մենակ մնացի:

- Մի բան, որի համար շատ եք ափսոսել...

- Որ դերասանուհի դարձա, որովհետև ամբողջ կյանքս, երջանկությունս, առողջությունս նվիրեցի դերասանուհի դառնալուն, բոլորն ասում են, որ ես տաղանդավոր եմ, բայց դեր չկա, եղածն էլ՝ ցածր աշխատավարձով: Արդյունքում՝ մնացել եմ մենակ ու անտեր, ոչ մեկի կողմից ուշադրության չեմ արժանանում:

- Ձեր կյանքի ամենառոմանտիկ հանդիպումը...

- Եղել են, բայց ամենառոմանտիկը չեմ կարող առանձնացնել:

- Երբ բարկացած եք...

- Երգում եմ, որ բարկությունս անցնի:

- Ձեզ հասկանալու համար դիմացինը պետք է...

- Ուղղակի հավատա ինձ, չնայած՝ ինձ ճանաչողները գիտեն, որ ես այն մարդն եմ, ում կարելի է հավատալ:

- Եթե լինեիք ամենազոր...

- Էդ ադրբեջանցիների «քոքը» կվերացնեի, մուսուլմաններին կարգի կհրավիրեի ու սահմաններ չէի դնի ոչ մի տեղ:

- Հայրենիքը Ձեզ համար...

- Ամենաառաջնայինն է: Ես այդքան ցավ ու վիշտ, վատ բաներ տեսնելուց հետո մնացել եմ Հայաստանում: Ես կարող էի տարբեր երկրներ գնալ՝ Ֆրանսիա, Ամերիկա, Բեյրութ և այլն, բայց մնացի, որովհետև ուրիշ ոչ մի տեղ չեմ կարող շնչել բացի Հայաստանից:

- Ձեր կյանքի ամենամեծ ձեռքբերումը...

- Ձեռքբերում չէ, ես այդպես ծնվել եմ, որ իմ սերը, բարությունը բաժանեմ մարդկանց:

- Ամենաշատը երազում եք...

- Սեփական անկյուն ունենամ, թեկուզ սարի գլխին, որտեղ մարդկանցից շատ հեռու կլինեմ:

- Երբեք չեք փորձի...

- Վատություն անել:

- Աշխարհի լավագույն վայրը Ձեզ համար...

- «Լեննագանը»:

- Միշտ վախեցել եք...

- Հարազատի կորստից, բայց շատ տեսա:

- Մարդ, ով փոխել է Ձեզ...

- Ինձ ոչ ոք չի փոխել: Եթե մարդ ինքն իրեն չփոխի, ուրիշ ոչ ոք չի կարող:

- Տանել չեք կարողանում, երբ...

- Երբ կանգնում են առջևդ ու դերասանություն անում:

- Մի բառով բնորոշ եք ինքներդ Ձեզ:

- Բարի մարդ:

- Տարվա ո՞ր եղանակի հետ եք Ձեզ ասոցացնում:

- Աշնան:

- Իր, որ միշտ Ձեզ հետ է...

- Հարազատներիս նկարները:

- Երջանկության՝ Ձեր բանաձևը...

- Հարազատության մեջ ամուր կապը, որ արյունը ջուր չդառնա:

- Առանց ինչի՞ չեք կարող ապրել:

- Կենդանիներիս:

- Ամենակարևորը՝ կյանքում…

- Որ մարդը գտնի իր տեղն ու զբաղվի իր սիրած գործով:

- Վերջին անգամ ե՞րբ եք արտասվել:

- Այսօր:

- Այս պահին կուզենայիք...

- Ինչ-որ համեղ բան ուտել:

- Ձեր գերագույն նպատակն այս կյանքում...

- Մենակ չմնալն է:

- Ուրիշ ի՞նչ հարցի կցանկանայիք պատասխանել, որը չհնչեց:

- Էնքան խուճուճ հարցեր տվեցիք ))

- Եվ վերջում...

- Ցանկանում եմ, որ մեր նորընտիր պատգամավորներն իրենց տված խոստումների որոշ մասն իրականություն դարձնեն:

 

Մարիամ Նալբանդյան