Ի՞նչ են հուշում աստղերը ձեր առողջական վիճակի մասին. շաբաթվա աստղագուշակը (01.05.2017-07.05.2017)

Med.tert.am-ը գրում է.

Խոյ (21.03-20.04)

Այս շաբաթ Խոյերը պետք է շատ ուշադիր լինեն իրենց աղիների հանդեպ և ճիշտ սնվեն, այլապես չեն խուսափի աղեստամոքսային համակարգի խնդիրներից: Աստղերը խորհուրդ են տալիս ճաշին ու ընթրիքին ավելի շատ մանրաթելերով հարուստ սնունդ օգտագործել և խուսափել սոուսներից ու համեմունքներից: Բացի այդ, ցանկալի է խուսափել սրճարաններից ու ռեստորաններից և սնվել միայն տանը:

Ցուլ (21.04-22.05)

Այս շաբաթ Ցլերի մոտ կարող են նկատվել գլխացավեր, անքնություն, արյան ճնշման բարձրացումներ և նույնիսկ ուշագնացություններ: Այս ամենը պայմանավորված կլինի հոգնածությամբ, ուստի հարկավոր է հետևել օրգանիզմի տված ազդանշաններին, ավելի շատ հանգստանալ, քիչ ծանրաբեռնվել ու կարգավորել քունը:

Երկվորյակներ (23.05-22.06)

Երկվորյակներին խորհուրդ է տրվում շատ ուշադիր լինել սնունդ ընտրելիս, քանի որ այս շաբաթ բարձր է մարսողական համակարգի խնդիրների կամ թունավորումների վտանգը: Հարկ է հիշել, որ սննդամթերքը պետք է լինի հնարավորինս թարմ, իսկ համեմունքներից անհրաժեշտ է խուսափել: Բացի այդ, մրգերն ու բանջարեղենը պետք է շատ ուշադիր լվանալ, իսկ սննունդը ցանկալի է պատրաստել տանը:

Խեցգետին (23.06-23.07)

Շատ հարմար շաբաթ է արտաքին տեսքով զբաղվելու համար: Եթե մաշկի վիճակը, վարսերի որակն ու կազմվածքը բարելավելուն ուղղված պրոցեդուրաները ցանկալի արդյունք չեն տալիս, ապա հարկավոր է դիմել կոսմետիկ միջոցների և ճիշտ ընտրված հագուստի օգնությանը: Արեք ամեն բան՝ ինքներդ ձեզ դուր գալու համար, քանի որ ներկայում դա շատ կարևոր է:

Առյուծ (24.07-24.08)

Առյուծներին խորհուրդ է տրվում հոգատար գտնվել իրենց աչքերի հանդեպ: Չորությունը, կարմրությունը, այտուցվածությունը, արցունքահոսությունը կամ փայլի կորուստը խոսում են աչքերի գերհոգնածության մասին: Աշխատեք քիչ ժամանակ անցկացնել համակարգչի կամ հեռուստացույցի առջև, իսկ գրքերն ընթերցել միայն լավ լուսավորության ներքո: Շատ օգտակար կլինեն նաև աչքերի դիմակները (թեյով, երիցուկի թուրմով կամ վարունգի հյութով):

Կույս (25.08-23.09)

Այս շաբաթ Կույսերի ինքնազգացողությունը բավական լավ կլինի: Կարևորն այն է, որ այն շատ կայուն կլինի, ինչը հատկապես լավ է նրանց համար, ովքեր առողջ են ու էներգիայով լի: Հնարավոր է լինեն վնասվածքներ, սակայն անվտանգության կանոններին հետևելու դեպքում ոչ մի լուրջ բան չի լինի: Հիվանդների համար շաբաթը կարող է մի փոքր անհաջող լինել, քանի որ նրանց ինքնազգացողությունը նույնպես կայուն կլինի, սակայն աստղերը խորհուրդ են տալիս չհուսահատվել և շարունակել հետևել բժշկի ցուցումներին: 

Կշեռք (24.09-23.10)

Կշեռքներին խորհուրդ է տրվում ավելի համբերատար լինել և չակնկալել վայրկենական արդյունքներ: Դրական արդյունքների համար անհրաժեշտ է հետևել բժշկի բոլոր խորհուրդներին և չզբաղվել ինքնաբուժությամբ:

Կարիճ (24.10-22.11)

Կարիճները ներկայում շատ առույգ են ու էներգիայով լի, իսկ աննշան առողջական խնդիրները նրանց համար վտանգավոր չեն, քանի որ նրանց իմունային համակարգը կպաշտպանի ցանկացած լուրջ խնդրից: Աստղերը չեն բացառում մանր վնասվածքները, սակայն լուրջ խնդիրներ չեն լինի: Ցանկալի է օրվա ընթացքում ակտիվ լինել, իսկ երեկոները հանգստանալ ու վերականգնել ուժերը:

Աղեղնավոր (23.11-22.12)

Այս շաբաթ Աղեղնավորներին խորհուրդ է տրվում հետևել իրենց սննդակարգին: Հարկավոր է որոշ ժամանակ սնվել մրգերով ու բանջարեղենով և բացառել սննդամթերքի մյուս տեսակները: Ըմպելիքներից լավագույն տարբերակը կլինի ջուրը, սակայն կարելի է նաև սուրճ խմել (բացառել լուծվող սուրճը): Շատ օգտակար կլինի նաև մեկ օր քաղցած մնալը: Նման սննդակարգը կօգնի մաքրել օրգանիզմը, էներգիա կհաղորդի և դրական կանդրադառնա արտաքինի վրա:

Այծեղջյուր (23.12-20.01)

Այծեղջյուրներին խորհուրդ է տրվում այս շաբաթը նվիրել ախտորոշմանը՝ հասկանալու համար, թե ինչ է կատարվում օրգանիզմի հետ: Սա կօգնի ստանալ առողջական վիճակի ընդհանուր պատկերը: Բացի այդ, հիանալի շաբաթ է նաև առողջության բարելավմանն ուղղված պրոցեդուրաների կուրս սկսելու համար:

Ջրհոս (21.01-19.02)

Ներկայում Ջրհոսների առողջական վիճակն ու ինքնազգացողությունը կախված են միայն իրենցից, ուստի հարկավոր է վարել առողջ ապրելակերպ, զբաղվել հիվանդությունների կանխարգելմամբ և խուսափել խոլեստերինով ու ճարպերով հարուստ սննդից, ծխախոտից ու քնի խանգարումներից:

Ձկներ (20.02-20.03)

Շաբաթը կարող է բավական լարված լինել, սակայն աշխատեք զսպել հույզերը: Լիցքաթափվելու և հույզերն արտահայտելու հիանալի միջոց կարող է լինել սպորտը, սակայն այս դեպքում նույնպես պետք չէ չարաշահել: Ցանկության ու հնարավորության դեպքում կարելի է փորձել նաև արտ-թերապիա: