5 տարածված միֆեր ալկոհոլի մասին, որոնց պետք չէ հավատալ

PHOTO 4 May, 2017 22:23

Եթե ալկոհոլն օգտագործում եք չափավոր քանակությամբ և չեք չարաշահում, այն չի կարող վնաս հասցնել Ձեր օրգանիզմին:

1. Տարբեր տեսակի ալկոհոլային խմիչքներն իրար խառնելը վատացնում է վիճակը

Այն, որ երեկույթը շատ ավելի լավ կլինի սկսել գարեջրով, իսկական հիմարություն է: Գարեջրի, լիկյորի և գինու համադրումը խումհարը սվորականից ավելի ավելի ծանր չի դարձնում: Բանն այն չէ, թե ինչ հերթականությամբ կընդունեք խմիչքները, այլ թե ինչպես կխմեք, ինչքան կխմեք և ինչքան արագ եք խմում: Անգամ եթե երեկոյի ընթացքում միայն գինի կամ օղի խմեք, միևնույն է, խումհարը նույն կերպ կտանջի Ձեզ առավոտյան:

2. Ալկոհոլը վատթարացնում է ուղեղի գործառույթը

Այո, ալկոհոլը դանդաղեցնում է ռեակցիան, դա ապացուցված փաստ է: Իսկ այժմ լավ լուրեր: 2012 թ. հետազոտողները պարզել են, որ ալկոհոլն ու մարդու ստեղծարարությունն անմիջական կապ ունեն իրար հետ: Այնպես որ, կարող եք ինչ-որ հանճարեղ մտքի շուրջ մտածելիս մի բաժակ խմել: Մի քանի այլ հետազոտություններ ցույց են տվել, որ ալկոհոլն ազդում է ուղեղում դոֆամինի արտադրման վրա: Դա նշանակում է, որ մի քանի բաժակը կբարձրացնի Ձեր տրամադրությունը, սակայն որոշ ժամանակ անց դեպրեսիայի մեջ կընկնեք: Ամենահետաքրքրաշարժ ուսումնասիրությունը կատարվել է Լոնդոնի համալսարանական քոլեջի գիտնականների կողմից, որոնք ասում են, որ ալկոհոլի փոքր չափաբաժնի կանոնավոր օգտագործումը նպաստում է ուղեղի ընդհանուր գործառույթների բարելավմանը՝ հատկապես կանանց մոտ, քանի որ այն լայնացնում է անոթները և մեծացնում է արյան հոսքը:

3. Ալկոհոլից չեն տաքանում

Իրականում ալկոհոլ օգտագործելուց հետո Ձեզ թվում է, թե Դուք տաքանում եք, մինչդեռ Ձեր մարմինը գնալով սառչում է: Երբ խմում եք, ալկոհոլը լայնացնում է արյունատար անոթները, որն էլ հանգեցնում է ոչ միայն նրան, որ Դուք Ձեզ ավելի տաք զգաք, այլև կարմրում եք: Արյան ներհոսքը բերում է մարմնի ջերմաստիճանի անկման, իսկ ահա մաշկը տաքանում է:

4. Ալկոհոլն օգնում է քնել

Ըստ հայտնի միֆի՝ ալկոհոլը նպաստում է լավ քնին, սակայն իրականում այն օգնում է ուղղակի արագ քնել, իսկ ահա տանջանքներն սկսվում են գիշերվա կեսին: Երբ ալկոհոլի ազդեցությունն անցնում է օրգանիզմից, Ձեր քունը անհանգիստ և մակերեսային է դառնում, երբեմն նաև հանկարծակի անքնություն է առաջանում: Այլ բացասական կողմեր ևս կան: Ալկոհոլի օգտագործումը ստիպում է մղձավանջային երազներ տեսնել, իսկ եթե ունեք այնպիսի հիվանդություններ, ինչպիսին, օրինակ, լուսնոտությունն է, ապա դրանք ավելի կսրվեն:

5. Գինին առողջության համար օգտակար միակ ալկոհոլային ըմպելիքն է

Ինչպես շատերն են մտածում, գիշերը մեկ բաժակ գինի ըմպելն օգտակար է առողջության համար: 2016 թ. Փենսիլվանիա նահանգի համալսարանը հրապարակեց իր եզրակացությունները, որոնք կատարել էր 80 հազար չափահաս մարդկանց վրա փորձարկումներ անցկացնելուց հետո: Ոչ թե գինին, այլ գարեջուրն է օգնում կարգավորել արյան մեջ խոլեստերինի մակարդակը, ինչպես նաև նվազեցնում է սրտային հիվանդություններ ստանալու ռիսկը: Դրա չափավոր օգտագործումը կանխում է երիկամներում քարերի առաջացումը, աթերոսկլերոզը, Ալցհայմերի հիվանդությունը, կատարակտը և դիաբետը, ինչպես նաև նպաստում է ոսկրերի ամրացմանը: Ինչպես նաև պարզ է դարձել, որ գարեջուրը պարունակում է քիմիական նյութեր, որոնք օգնում են օրգանիզմին կանխել յուրաքանչյուր հիվանդության տարածումը: