Bentley-ն կթողարկի ավտոմեքենաներ՝ հարդարված սունկերից եւ մեդուզաներից ստացված կաշվով
LIFEBentley ավտոմոբիլային ընկերությունն սկսում Է իր ավտոմեքենաների սալոնների հարդարման համար մշակել արհեստական կաշի, որն ստեղծված կլինի պրոտեինի, սունկերի եւ մեդուզաների հիման վրա, տեղեկացնում Է BBC-ն:
Այս որոշումն ընդունվել Է վեգան գնորդների պահանջները գոհացնելու համար, գրում Է Auto Express-ը՝ վկայակոչելով դիզայնի գծով Bentley-ի տնօրեն Շտեֆան Զիլաֆին:
«Դուք չեք կարող վեգան հաճախորդին վաճառել Bentley-ն, որի հարդարման համար կենդանիների մինչեւ 20 կաշի Է օգտագործվում: Մենք Կալիֆոռնիայում խոսել ենք նման սպառողների հետ եւ լսել, թե նրանք ինչ կցանկանային մեր ավտոմոբիլներից»,- պատմել Է Զիլաֆը:
«Շուտով մենք կներկայացնենք Bentley՝ վեգանների համար հարդարմամբ: Սենսացիա պերճանքի աշխարհում. կաշի պրոտեինների, սունկերի կեղեւի եւ մեդուզաների մզվածքի հիման վրա»,- ճշտել Է ընկերության կառավարիչը:
Ավելի վաղ վեգանների համար Model X քրոսովերը, որտեղ սալոնի հարդարման նյութերը լիովին պատրաստված են սինթետիկ, այլ ոչ թե կենդանական ծագման նյութերից, արդեն պատրաստել Է Կալիֆոռնիայի Tesla ընկերությունը:
1
IDBank Presents the Rate.Trading Digital Platform at Toon Expo.Invest 2026
2
The Second Khachaturian International Youth Competition Concludes at China National Opera House Unde...
3
"The network this time for COP17 was the most one of exceptional network we have ever had." The se...
4
IDBank to Present a Unified Ecosystem Concept at DigiTec 2026
5
Ucom Supports Annual Mini Whoop Drone Racing Armenia 2026 Competition in Yerevan



