Տեխնիկական «full» հագեցվածություն խոշորացված համայնքներում
BLOGՄանե Զաքարյանը ֆեյսբուքյան իր էջում գրում է.
Հայաստանի բազմաթիվ համայնքներ տեխնիկական միջոցների և սարքավորումների պահանջներ ունեն, որը ձեռք բերելու համար քայլեր են ձեռնարկվում: Այսպես, ԱՄՆ Միջազգային Զարգացման Գործակալության (USAID) «Աջակցություն տեղական ինքնակառավարման բարեփոխումներին» ծրագրի շրջանակներում և ՀՀ-ում Շվեյցարական համագործակցության գրասենյակի աջակցությամբ մի շարք խոշորացված համայնքներում արդեն մեկնարկել է շուրջ 2 մլն 580 հազար դոլարի տեխնիկական միջոցների և սարքավորումների տրամադրման գործընթացը: Մասնավորապես, Սյունիքի մարզի Տաթև, Տավուշի մարզի Դիլիջան և Լոռու մարզի Թումանյան խոշորացված համայնքներին տրամադրվել են կոմբայններ, ավտոգրեյդերներ, բազմաֆունկցիոնալ էքսկավատորներ, աղբատար մեքենաներ, ինքնաթափ բեռնատարներ և այլ տեխնիկական միջոցներ և սարքավորումներ:
Առաջիկայում համայնքները կստանան նաև այլ տեխնիկական միջոցներ, միկրոավտոբուսներ, բոլոր բնակավայրերում կկառուցվեն կանգառներ: Նախատեսվում է համայնքներում կառուցել տեխնիկայի սպասարկման կայանատեղիներ: Ընդհանուր առմամբ, տեղական ինքնակառավարման բարեփոխումների ծրագրի շրջանակներում 2018 թվականի ընթացքում 18 խոշորացված համայնքները կստանան ավելի քան 11 մլն դոլար արժողության առաջին անհրաժեշտության մեքենաներն ու տեխնիկական միջոցները: