Կենդանակերպի որ նշանից է հարկավոր խուսափել

Խոյեր, խուսափեք Ձկներից

Ձկները միշտ վատ նշան են եղել Խոյերի համար։ Այս երկու նշանների միջև երբեք չի լինում փոխըմբռնում։ Հարաբերություններում զգայուն և տպավորվող Ձկները չափազանց պահանջկոտ կլինեն, իսկ Խոյերը՝ չհասկանալով, թե ինչում են  մեղավոր, ավելի կոպիտ, նյարդային և ազդակային կլինեն։

Ցուլեր, խուսափեք Երկվորյակներից

Դուք պրակտիկ եք և խելամիտ։ Դուք կայունության, կարգուկանոնի և հստակության  կարիքն ունեք։ Իսկ Երկվորյակները շատ ինքնաբուխ են և անկանխատեսելի։ Նրանք իրենց փոփոխականությամբ հունից  հանելու են  Ձեզ։ Եթե Ձեզ համար թանկ են Ձեր նյարդերը, հեռու մնացեք Երկվորյակներից։

Երկվորյակներ, խուսափեք Կույսերից

Այնպես, ինչպես Ցուլը, Կույսը միշտ ձգտում է կարգուկանոնին և հստակությանը։ Պատրաստվեք հրաժեշտ տալ Ձեր լիբերալիզմին և ազատությանը, եթե ցանկանում եք հարաբերություններ ստեղծել Կույսի հետ, որովհետև Կույսերը երբեք Ձեզ չեն զիջի ոչ մի հարցում։

Խեցգետիններ, խուսափեք Այծեղջյուրներից

Բոլորին հայտնի է, որ Դուք կարեկցող և էմոցիոնալ մարդ եք, դրա համար էլ Ձեզ համար շատ բարդ կլինի ընդհանուր լեզու գտնել Այծեղջյուրների հետ, որոնք սովոր չեն ցուցադրել իրենց զգացմունքները։ Բացի այդ, նրանք քննադատում են ցանկացած կապվածություն և արհամարհանքով են նայում այն մարդկանց, որոնք ինչ-որ մեկից կախում ունեն։

Առյուծներ, խուսափեք Կշեռքներից

Դուք սովոր եք լինել անկանխատեսելի, աղմկոտ և շրջապատի անձնավորություն։ Սա Ձեր բնույթն է։ Դուք գիտեք, թե ինչ եք ուզում կյանքից և հասկանում եք, թե ինչպես հասնել դրան։ Համեստությունը Ձեր հատկությունը չէ։ Իսկ Կշեռքները մարդկանց մեջ ամենից շատ գնահատում են զսպվածություննն ու համեստությունը։ Նրանք քննադատում են Առյուծների քայլերը, և վեճերն այստեղ անխուսափելի են։

Կույսեր, խուսափեք Աղեղնավորներից

Ձեզ համար կարևոր է վստահ լինել ապագայի համար։ Դուք հետևում եք կանոններին, սեփական ծեսերին և տրամաբանությանը։ Իսկ Աղեղնավորը Ձեր հակապատկերն է։ Մշտական արկածներ փնտրող այս նշանը ունակ է ոչնչացնել Ձեր հստակեցված կանոնները և քաոսի վերածել Ձեր կարգավորված կյանքը։ Սակայն Դուք ինքներդ էլ զգում եք, որ այս մարդկանց ընկերակցությունը Ձեզ հարմար չէ։

Կշեռքներ, խուսափեք Խեցգետիններից

Խեցգետինները սիրում են վառ զգացմունքներ և երբեմն նրանք են դրանք ստեղծում։ Իսկ Ձեր համար ներդաշնակությունն ու հանգստությունն է առաջնային։ Դուք առողջ ռիսկի և վտանգի սիրահար եք։ Իսկ Խեցգետինները կսադրեն Ձեզ և դիսկոմֆորտ կհաղորդեն՝ խախտելով ներքին հավասարակշռությունը։

Կարիճներ, խուսափեք Առյուծներից

Առյուծների հետ Դուք ավելի շատ ընդհանուր բան ունեք, քան կարող է թվալ առաջին հայացքից։ Սակայն այս հանգամանքը բերում է կոնֆլիկտների։ Ձեզանից ոչ ոք պատրաստ չէ գնալ փոխզիջման։ Վեճերը Ձեր միջև անխուսափելի են։ Աշխատեք խուսափել Առյուծներից, բացառությամբ այն իրավիճակներից, երբ դա անհրաժեշտ է։ 

Աղեղնավորներ, խուսափեք Ցուլերից

Դուք շրջագայությունների, ակտիվ կյանքի և ինքնաբուխ որոշումների սիրահար եք։ Տնային և կարգավորված Ցուլերին բարդ է համակերպվել այս հանգամանքի հետ։ Դուք երկուսդ ձգտելու եք փոխել մեկը մյուսի կյանքը։ Ոչ մի լավ բան սրանից, իհարկե, դուրս չի գա։ 

Այծեղջյուրներ, խուսափեք Խոյերից

Դուք շատ նման եք ձեր համառությամբ և չզիջելու բնավորությամբ։ Այծեղջյուրները մի փոքր գաղտնապահ են, պահպանում են իրենց անձնական տարածքը և չեն ցանկանում ոչ ոքի առաջ բացել սիրտը։ Անկեղծ Խոյերը ծաղրում են Այծեղջյուրների այս դիրքորոշումը՝ համարելով նրանց տարօրինակ։ Մի խոսքով, երկխոսություն ձեզ մոտ չի ստացվի, դե, իսկ, փոխըմբռման մասին խոսելն անիմաստ է։

Ջրհոսներ, խուսափեք Կարիճներից

Դուք անզուսպ եք և էմոցիաների ներքո կարող եք վիրավորել ինչ-որ մեկին՝ չհասկանալով դա։ Դուք, իհարկե, պատրաստ եք ներողություն խնդրել նույնիսկ նրա համար, ինչը չեք արել։ Սակայն Կարիճները երբեք չեն ներում։ Եթե Դուք ցավ պատճառեք նրանց, ապա վստահ եղեք, որ նրանք ընդմիշտ կհիշեն վիրավորանքը։ 

Ձկներ, խուսափեք Ջրհոսներից

Դուք նման եք։ Երկուսդ էլ էմոցիոնալ եք, կարեկցող և պատրաստ եք օգնության հասնել։  Սակայն երբ խոսքը Ձեր հարաբերությունների մասին է, զգացմունքների ավելցուկը օգուտ չի բերում։ Եվ Ձկներին, և Ջրհոսներին հարկավոր է այն զուգընկերը, որը կարող է հավասարակշռել էմոցիաները, կայունություն և հանգստություն ապահովել հարաբերություններում։