Yerevan, 20.November.2026,
00
:
00
BREAKING

ԷԺԱՆ ՀԱՆԳԻՍՏ. 10 ՎԱՅՐ, ՈՐՏԵՂ ԿԱՐԵԼԻ Է ՀԱՆԳՍՏԱՆԱԼ ԱՅՍ ՏԱՐԻ

LIFE

Ճանապարհորդելու համար միլիոնատեր լինել պետք չէ: Կազմել ենք վայրերի ցանկ, ուր կարելի է գնալ ավելի էժան, էկոնոմ ու լավ հանգստանալ:

 
 

Վրաստան

 

 

Ռեժիմը` առանց վիզայի
Երբ գնալ. մայիսից, մինչև սեպտեմբեր-հոկտեմբեր

Մեկ օրվա գինը

  • Բնակություն. Հոսթելում երկու տեղը` 5000 դրամից է սկսվում, հյուրանոցի երկու տեղանոց համարն արժե մոտ 9000 դրամ:
  • Սնունդ. Իմերեթական մեծ խաչապուրին արժե մոտ 1200 դրամ, 10 խինկալին` 1000 դրամ, տավարի խորովածը`2000 դրամ:
  • Ժամանց. Էքսկուրսիա Թբիլիսիում`13. 0000 դրամ, Բուսաբանական այգին ու ճոպոնուղով էքսկուրսիան արժեն մոտ 1000 դրամ:

Ինչով զբաղվել

  • Ճոպանուղիով բարձրացեք Նարիկալայի ամրոց, այցելեք հնոտիների շուկա, Շարեդանի փողոցն ու Բուսաբանական այգին:
  • Հետաքրքիր են Մծխեթի հին քաղաքը, Սվանետիի լեռներն ու ջրվեժները, և, իհարկե, Կախեթին` իր գինիներով:
  • Ծովափնյա հանգիստ նախընտրողներին դուր կգան Բաթումը, Քոբուլեթն ու Սարպին: Սարպիի ծովափը Աջարիայի ամենալավ ափերից է:

Լեհաստան, Կրակով

 

 

Վիզան. Շենգենյան
Երբ գնալ. Կաթոլիկական Սուրբ ծննդյան տոներին կամ մայիսից մինչև սեպտեմբեր

Մեկ օրվա գինը

  • Բնակություն. Երկու հոգու համար հոսթելը` 7000 դրամ, երկտեղանի հյուրանոցային համարը` 15. 000 դրամ:
  • Սնունդ. Միջուկով բագետը` 1000 դրամ, գարնիրով ու աղցանով կոտլետը` 2000 դրամ, լցնովի գարեջուրը` 700 դրամ:
  • Ժամանց. Դղյակների ու թանգարանների տոմսերը սկսվում են 1300 դրամից, աղի հանքերի տոմսի գինը` 13. 000 դրամ է:

Ինչով զբաղվել

  • Ուզում եք տեսնել իրական Լեհաստանը, գնացեք Կրակով: Կրակովն աշխարհի ամենագեղեցիկ քաղաքներից է համարվում: Այն երկրի նախկին մայրաքաղաքն է:
  • Թափառեք Կրակովի Հին քաղաքում, Շուկայի հրապարակում, այցելեք Բաբելոնյան բլրի ճարտարապետական համալիրը: Դեկտեմբերին գնացեք Ծննդյան տոնավաճառ:
  • Վելիչկա քաղաքում են գտնվում Եվրոպայի ամենամեծ աղի հորերը: Ձեզ կտանեն խուճուճ արահետներով, որտեղ ամենուր աղից քանդակներ ու ստորգետնյա լճեր կան:

Չերնոգորիա

 

Ռեժիմը. առանց վիզայի
Երբ գնալ.մայիսից, մինչև նոյեմբեր

Մեկ օրվա գինը

  • Բնակություն. Հոսթելում` երկու հոգու գինը` մոտ 12. 000 դրամ, հյուրանոցում` սկսած 10. 000-ից:
  • Սնունդ. Տապակած պանիրն արժե 3000 դրամ, խորոված իշխանը`4000 դրամ:
  • Ժամանց. Էքսկուրսիա դեպի Օստրոգ` սկսած 24. 000 դրամից, Դուրմիտոր այգի` 3000 դրամ:

Ինչով զբաղվել

  • Բնության հրաշքներ տեսնելու համար գնացեք Դուրմիտոր: Քարանձավների արանքով հոսող Տարա գետը`ամերիկյան Մեծ կանյոնի չերնոգորյան տարբերակն է: Այն Եվրոպայի ամենամեծ կանյոնն է: Խորությունը հասնում է 1 300 մետրի:
  • Միջին դարերի ճարտարապետությամբ հետաքրքրվողները կարող են այցելել պատմական Բուդվան: Հետո մեկնեք Օստրոգի վանք, այն գտնվում է 900 մետր բարձրության վրա:
  • Ծովի ընտրությունը կարող եք անել ինքներդ. կամ ընտրեք Ադրիատիկ ծովի ափերը, կամ էլ`Կատորի ծովախորշի նեղուցը:

Վիետնամ

15 օր մնալու դեպքում` վիզա պետք չէ
Երբ գնալ. Հանոյ`սեպտեմբերից մինչև փետրվար, Նյաչանգ`փետրվարից մինչև օգոստոս, Մույնե` դեկտեմբերից մինչև հունիս, Հոյան` հունվարից մինչև օգոստոս:

Մեկ օրվա գինը

  • Բնակություն. Երկու հուգո համար հոսթելի գինը սկսած` 6000 դրամից, հյուրանոցային երկտեղ համարն արժե մոտ 8000 դրամ:
  • Սնունդ. Ֆո ապուրը կարելի է ճաշակել մոտ 700 դրամով, ծովամթերքով բրինձը` մոտ 1300 դրամով, 0,3 լիտր թարմ քամած հյութը`400 դրամով:
  • Ժամանց. Կուտի թունելում էքսկուրսիան կարժենա 19. 000 դրամ, Վինպերլի այգի կարող եք գնալ 27. 000 դրամով:

Ինչով զբաղվել

  • Կարող եք վիշապի ստեղծած ծովախորշը տեսնել: Այն Վիետնամի ամենագեղեցիկ տեսարաններից է:
  • Խոշմինից գնացեք դեպի Կուտի թունել: Այն փորել են վիետնամական պատերազմի ժամանակ` ամերիկյան զորեքերին անսպասելի հարված հասցնելու համար:
  • Ծովափնյա հանգիստը Վիետանում նույնպես գայթակղիչ է: Կարող եք գնալ Նյաչանգ, Մույնե կամ Խոյան:
  • Նյաչանգում այցելեք ժամանցային Վինպերլ այգի, այնտեղ կարելի է հասնել երեք կիլոմետրանոց ճոպանուղով: Սա բյուջետային տուրիստի համար իսկական դրախտ է: Խելամիտ գումարով կարելի է ամբողջ օրն օգտվել ատրակցիոններից, տեսնել դելֆինների շոուն, գնալ ակվապարկ:

Շրի Լանկա

Կարելի է ձևակերպել էլեկտրոնային վիզա:
Երբ գնալ. դեկտեմբերից մինչև ապրիլ

Մեկ օրվա գինը

  • Բնակություն. Երկու հոգու համար հոսթելում կարելի է մնալ 6000 դրամով, հյուրանոցում` սկսած 12. 000-ից:
  • Սնունդ. Քարիով բրինձը 600 դրամ է , բանանով ու շոկոլադով բլիթը` 400 դրամ:
  • Ժամանց. Էքսկուրսիա Կոլոմբոյով` 36. 000 դրամ, փղերին տեսնելու համար պետք է ծախսել մոտ 16. 000 դրամ:

Ինչով զբաղվել

  • Դեպի նիրվանա ճանապարհն անցնում է ոսկե եռանկյունով` Անուրադխապուր, Պոլոնառուվա ու Կանդի քաղաքներով: Այստեղ են գտնվում ամենախոշոր ու կարևոր բուդդայական վանքերն ու մենաստանները:
  • Լավ թեյի սիրահարները կարող են մեկնել Նուվարա-Էլիա քաղաք: Տեսեք, ինչպես են թեյի թփերը աճում ու փիրուզի պես փայլում արևի տակ: Dilmah, Akbar` ամեն ինչ այստեղ է:
  • Փղերի կացարանը Պինավելում է: Առանց չափազանցության, սա բացառիկ վայր Է: Այստեղ դաստիարակում ու խելք են սովորեցնում որբ փղերին: Կարելի է տեսնել, թե ինչպես են փղերն ուտում կամ լողանում:

Թունիս

90 օրից պակաս մնալու դեպքում` վիզա պետք չէ:
Երբ գնալ. Մարտից, մինչև հունիս կամ սեպտեմբերից, մինչև հոկտեմբեր

Մեկ օրվա գինը

  • Բնակություն. Երկու հոգու համար հոսթելն արժե 12. 000 դրամ, հյուրանոցային համարը` մոտ 23. 000 դրամ:
  • Սնունդ. Հավի քաբաբը, ձկով կուսկուսն արժեն մոտ 3000 դրամ, նանայով թեյը` 400 դրամ:
  • Ժամանց. Թունիսից, մինչև Կարթագեն տաքսիով գնալ-գալն արժե մոտ 5000 դրամ, երկօրյա այցը Սահարա` մոտ 123. 000 դրամ:

Ինչով զբաղվել

  • Եթե բառի բուն իմաստով, ուզում եք ձեռք տալ հնությունների, այստեղ կգտնեք այն, ինչ փնտրում եք: Կարելի է սկսել մայրաքաղաքից` այն, ինչպես երկիրը, կոչվում է Թունիս: Գնացեք հին քաղաք, քայլեք նեղլիկ, լաբիրինթ հիշեցնող փողոցներով:
  • Տուրիստները շատ են սիրում Կարթագենի ավերակները, ժամանակին այն Միջերկրական ծովի ափի ամենախոշոր քաղաքն էր: Հիմնադրվել է մ.թ.ա. 814 թվականին: Շքեղ քաղաքից մնացել են ամֆիթատրոնը, ջրագիծն ու Անտոնի Պիյաի բաղնիքը:
  • Գնացեք Սահարա, ամեն օր չէ, որ անապատ տեսնելու հնարավորություն կա:

Մարոկկո

90 օրից քիչ մնալու դեպքում` վիզա պետք չէ:
Երբ գնալ. մայիսից, մինչև հոկտեմբեր

Մեկ օրվա գինը

  • Բնակություն. Երկու հոգու համար հյուրատունը` սկսած 10. 000 դրամ, հյուրանոցը`15. 000 դրամ:
  • Սնունդ. Շոգեխաշած հավն ու ոսպով ապուրն արժեն մոտ 2000 դրամ, մեկ բաժակ սուրճը` 600 դրամ:
  • Ժամանց. Էքսկուրսիա Ագադիրից դեպի Մարակեշ կարժենա մոտ 70. 000 դրամ, տեղացի գիդերի հետ Սահարա այցելությունը` սկսած 65. 000 դրամից:

Ինչով զբաղվել

  • Կասաբլանկայում գնացեք «Ռիկի մոտ» բարը, այնտեղ կգտնեք Մայքլ Քյորտիսի կուլտային Կասաբլանկա ֆիլմի միջավայրը:
  • Ծովափնյա հանգստի համար տուրսիտները կարող են գնալ երկրի արևմուտքում գտնվող ափերը, Ատլանտյան օվկիանոսի 47 կմ ավազե երկայնքով: Կարելի է գնալ Սահարա:
  • Ով է ասել, որ Աֆրիկայում չկա դահուկային սպորտ: Ձմռանն Ատլասի լեռներում կարելի է սահել: Առավոտյան կարելի է դահուկ քշել, իսկ երեկոյան լողալ տաք օվկիանոսում:
  • Եթե լավ կամքի ուժ ունեք, գնացեք տեղական շուկա`հուշանվերներ գնելու: Սակարկեք, ինչքան ուժ ու կամք ունեք, այստեղ պետք է հաճույք ստանալ ոչ թե գնումից, այլ պրոցեսից:

Նյու Յորք, ԱՄՆ

Ռեժիմը. ամերիկյան վիզա
Երբ գնալ. մարտից, մինչև հոկտեմբեր

Մեկ օրվա գինը

  • Ապրուստն ու սնունդը. Նյու Յորքում էժան չեն
  • Բնակություն. Երկու հոգու համար հոսթելը կարժենա մոտ 33. 000 դրամ, հյուրանոցային երկտեղ համարը` սկսած 50. 000 դրամից:
  • Սնունդ. Հնդկահավով սենդվիչը, բեկոնով ու չեդեր պանրով բուրգերը կգնեք մոտ 3000 դրամով, իսկ շոկոլադե քափքեյքը` մոտ 2000 դրամով:
  • Ժամանց. Սողոմոն Գուգենհեյմի թանգարանի տոմսի գինը մոտ 24. 000 դրամ է, Ազատության արձանը տեսնելու կամ Կենդանաբանական այգի այցելելու համար պետք է վճարել մոտ 17. 000 դրամ:

Ինչով զբաղվել

  • Անպայման, շրջեք քաղաքում. թափառեք Բրոդվեյով, Հինգերորդ ավենյույով, տեսեք Ազատության խորհրդանիշը, Թայմս սքվերը` Կենտրոնական այգում:
  • Տեղական թանգարաններից արժե գնալ Սողոմոն Գուգենհեյմի , մադամ Տյուսոյի թանգարանները, Բուսաբանական ու Կենդանաբանական այգիներ: Իհարկե, պարտադիր է լինել նաև Նյու Յորքի • ժամանակակից արվեստի թանգարանում, որտեղ հավաքված են Մատիսի, Վան Գոգի, Պիկասոյի ու Դալիի աշխատանքները: Ի դեպ, ուրբաթ օրերը, 16-20.00-ն մուտքն այստեղ ազատ է, եթե, իհարկե, չեք վախենում երկար հերթերից:
  • Ժամանցը Նյու Յորքում բազմազան է` համերգ Մետրոպոլիտեն-օպերայում, բասկետբոլի խաղեր: Փող չունեք, Բրուքլինի կամուրջից հիանալի տեսարան է բացվում: Անվճար է նաև Մանհեթնից Սթեյթն Այլենդ լաստանավով գնալը:

ՌԴ, Կալինինգրադ

Ռեժիմը. առանց վիզայի
Երբ գնալ. Մայիսից մինչև սեպտեմբեր

Մեկ օր մնալու գինը

  • Բնակությունը. Հոսթելում երկու տեղը 7380 դրամից սկսած, երկտեղանի հյուրանոցային համարը`սկսած 9000 դրամից:
  • Սնունդ. Խմորով մսով կամ սնկով ուտեստի մեկ չափաբաժինը 2091 դրամ է, կարտոֆիլով կամ խոզապուխտով երշիկը` 2255 դրամ:
  • Ժամանց. Համաշխարհային օվկիանոսի թանգարան այցելության տոմսը երկու հոգու համար արժե 3280 դրամ, նույն գինն ունի նաև Սաթի թանգարանի մուտքը:

Ինչով զբաղվել

  • Գնացեք երգեհոնի համերգի կամ այցելեք Էմանուել Կանտի գերեզմանը:
  • Գնացեք Ձկան գյուղ կամ բարձրացեք Б-413 սուզանավի վրա, հետո գնացեք Սաթի թանգարան, ու, անպայման, գնեք սաթից հուշանվեր:
  • Հետազոտեք Կալինինգրադի մարզը, քաղաքից ոչ հեռու գտնվում են Տեվտոնական ուխտի դղյակները:
  • Զբոսնեք Կուրշսկի` հետիոտների համար նախատեսված վայրում, այն ՅՈՒՆԵՍԿՈ-ի համաշխարհային ժառանգության ցանկում է: Հիացեք Պարող անտառի գեղեցկությամբ:

ՌԴ, Կարելիա

 

Ռեժիմը. առանց վիզայի
Երբ գնալ. մայիսից, մինչև սեպտեմբեր

Մեկ օր մնալու գինը

  • Բնակություն. Երկու հոգով հոսթելում կարելի է մնալ 7790 դրամով, հյուրանոցում` 8000 դրամից սկսած:
  • Սնունդ. Կարտոֆիլով կալիտկան (կարելիական կարկանդակ)` 500դրամ, իշխանով ուխան` 3000դրամ:
  • Ժամանց. Այց «Ռուսկեալ»` 3900 դրամ, էքսկուրսիա դեպի Կիժի` 56,580դրամ, Պետրոզավոդսկից դեպի Վալամ` 63000դրամ:

Ինչով զբաղվել

  • Այստեղ կա 60 հազար լիճ ու 27 հազար գետ: Կարող եք հաճելի ժամանակ անցկացնել բայդարկայով Շույա գետի վրա, կամ ձուկ որսալ: Եթե էքստրիմ չեք սիրում, հիացեք Կիվաչի ջրվեժով:
  • Չի կարելի լինել Կարելիայում ու չգնալ Կիժի արգելոց, այստեղ հավաքված են փայտից պատրաստված գլուխգործոցներ: Լեգենդը պատմում է, որ եկեղեցին կառուցել է մի ատաղձագործ` ընդամենը մեկ կացնով: Կառուցելուց հետո, նա իր կացինը նետել է լիճը, որպեսզի ոչ ոք էլ իր շեդեվրը չկրկնի:
  • Ֆինլանդիայի հետ սահմանին է գտնվում Ռուսկեալա լեռնային այգին: Մի ժամանակ այնտեղից պեղում էին մարմար, հիմա այդ տարածքում մարմարե ափերով լիճ կա: Տարածքում ջրվեժ էլ կա:
Ucom and Impact Hub Yerevan Wrap Up the Third Edition of Their Green Entrepreneurship Program SoftConstruct and the French University in Armenia Sign A New Memorandum of UnderstandingIDBank to Present a Unified Ecosystem Concept at DigiTec 2026Ucom Supports Annual Mini Whoop Drone Racing Armenia 2026 Competition in YerevanIDBank Presents the Rate.Trading Digital Platform at Toon Expo.Invest 2026The Second Khachaturian International Youth Competition Concludes at China National Opera House Under the Artistic Direction of Sergey Smbatyan "The network this time for COP17 was the most one of exceptional network we have ever had." The service quality by Team was highly appreciated by UN representative Rate.Trading: Large Transactions with Digital Management of Exchange Rate RisksVIVA Foundation Named November Beneficiary of “The Power of One Dram”Special Mortgage Offers: IDBank at Toon Expo: Invest 2026Vahe and Vigen Badalyan File Lawsuit Against 1in.am Seeking Protection of Their Business ReputationIDBank at the UBA Regional Conference: From Travel Solutions to Business OpportunitiesJoint statement by the parties consolidatted around the national agenda35% Discount for the 35th Anniversary on Selected IDBank CardsConverse Bank Expands Its International Capabilities Through Cooperation with Citibank N.A.Business loan pre-approval in five minutes — what did Unibank showcase in Gyumri?Converse Bank Expands Its International Capabilities Through Cooperation with Citibank N.A.Bratislava forum to debate Armenia’s strategic future Ucom Service Center in Artashat Reopens at a New Address Ucom and Republican Union of Employers of Armenia Sign Cooperation MemorandumCreate your Visa Digital from Unibank for purchases and transfers Ucom – Main Sponsor of the 21st International Microelectronics Olympiad IDBank and Idram Hold Financial Literacy Session for Young Chess PlayersUcom Supports Silicon Mountains 2026, Driving Innovation and Technological Development IDBank has issued perpetual coupon bonds for the first timeIDBank Supports the Reconstruction of the Spandaryan Canal: Commemorative Plaque Dedicated to the Project SignedIDBank and Idram Presented Several Environmental Initiatives at COP17Ucom Shares Its Experience in Private Sector Engagement in Nature Conservation at COP17 Blue Zone«Here’s the screenshot, the money has been transferred»: IDBank warns of fake payment scamsFirst Steps in Your Career with IDBank: 16th Cycle of IDream LaunchedDigital Architecture for a Sustainable Future: IDBank's Article in Regional Post MagazineRate.Trading. New Digital Culture of Currency ExchangeDigital Future and Sustainable Development: IDBank's Chairman of the Management Board in an Interview with ForbesApplications Now Open: Armenian Virtuosos International Academy-Festival 2027Book Published with Ucom’s Support Presented at COP17: “The Secret Path of Hovazadzor”Ucom Highlights the Role of Technology in Nature Conservation at COP17“The people of Stepanavan will show through their votes that every attempt to deceive them with videos is doomed to fail”: “Strong Armenia” Party With Ucom’s Support, SunChild Brings Cinema and Environmental Conservation TogetherYoung Musicians of the “Armenian Virtuosos” Program Perform in the COP17 A Birthday in Italy with UnibankIdram and IDBank Participated in the Opening of My Forest Armenia’s Pavilion at COP17Unibank Receives B++ Sustainability Alignment Rating from Agents for Impact GmbH Ucom Supported Yerevan Conservation Symposium 2026 as Strategic PartnerIDBank to Showcase Environmental and Innovative Initiatives at COP17New AI-Powered Wildlife Monitoring Camera Installed in Paruyr Sevak with the Support of Ucom35 Years of Trust: IDBank Celebrates with Its CustomersBusiness and mining leader Mark Cutifani to deliver keynote speech at the 3rd Mining Armenia Forum“From Classroom to Orbit”: With Ucom’s Support, “Space 1.0” Is Being Introduced in 15 Schools Across ArmeniaAfeyan Initiatives for Armenia Awards Grant to the Armenia Education Initiative to Expand the Teach For Armenia’s Seroond School Turnaround Program Ucom to Participate in COP17 Together with FPWC, Showcasing Their Environmental Partnership