Yerevan, 20.November.2026,
00
:
00
BREAKING

Կատարելությունն ինձ համար կատարյալ թափթփվածությունն է․ Նվարդ Ավետիսյան

LIFE

Cityife.am- Նվարդ, ե՞րբ ցած դրեցիր գիրքը և  ձեռքդ առար գրիչը՝ ստաղծագործելու նպատակով, և իհարկե ունենալով գրքին վերադառնալու հեռանկարը։

Նվարդ– Առաջին գիտակցումը ունեցա 6-րդ դասարանում, երբ հանձնարարված շարադրության փոխարեն ինձ մոտ բանաստեղծություն ստացվեց։ Հիշում եմ՝ թեման «Արարատն» էր։ Դա ինձ համար ինչ-որ յուրատեսակ բացահատում էր, և բացի այն, որ երեխայաբար ինձ հպարտ էի զգում, առավել հետաքրքիր էր այն, թե ինչպես շարադրությունն ինձ մոտ դարձավ բանաստեղծություն․ հասկացա, որ ունեմ ինչ-որ բնատուր հանգի զգացողություն։ Հավանաբար հենց այդ օրվանից սկսեցի գրել, սակայն ոչ ոքի դատին չէի հանձնում և կարծես լուրջ չէի վերաբերում։ Ես վստահ էի, որ բոլորն էլ գրում են, չէի պատկերացում, թե ինչպե՞ս կարող է ինչ-որ մեկը չստեղծագործել․չէ՞ որ եթե նա մտքեր է ունենում պիտի անպայման թղթին հանձնի։ Հետո հասկացա, որ ոչ, բոլորը չեն, որ գրում են։ Առաջին քիչ թե շատ լուրջ քայլը 17-18 տարեկանում էր, երբ ես սովորում էի առաջին կուրսում։ Գրեցի ինչ-որ մի բան, անգամ ցույց տվեցի շատերին․ կարծում եմ հենց դա էր առաջին ինքնագիտակցման պահը որպես ստեղծագործող ինքս ինձ համար ու նաև շրջպատի աչքերում։

Cityife.am- Նվարդ, որքանո՞վ ես կարևորում շրջապատի գնահատականը, որքանո՞վ ես քեզ պատասխանատու զգում ընթերցողիդ արջև։

Նվարդ – Սկզբնական շրջանում՝ 17-ից 19 տարեկան հասակում քիչ էի կարևորում, ավելի ազատական գաղափարներով էի տարված և կարծում էի, որ արվեստը քնադատության կարիք չունի։ Ամեն բան փոխվեց, երբ առաջին անգամ ստեղծագործություններիցս մեկը ցույց տվեցի մի մարդու, ում աշխատանքն ինձ համար ժամանակակից արվեստի նմուշներից մեկն է, նա ինձ բավական չոր քննադատության արժանացրեց, ինչից հետո մոտ մեկ տարի ոչինչ չգրեցի։ Սակայն մեկ տարի անց, երբ կրկին գրեցի արդեն պատրաստ էի լուրջ քննադատության և ստեղծագործությունս վստահ ներկայացրի գրաքննադատներին՝ պատրաստ լինելով անգամ մերժման։

 

Cityife.am- Գրականությունը միջոց է ինքնաարտահայտվելու և գուցե ասելու այն, ինչի մասին չես կարող բարձրաձայն խոսել հասարակ, մարդկային շփման ընթացքում։ Այս դեպքում գրականությունն ու հասարակ թուղթը դառնում է յուրատեսակ զրուցակից․ ինչպիսի՞ զրուցակից է այն քեզ համար, որքանո՞վ ես դու անկեղծ իր հետ։

Նվարդ – Վերջերս մի խորհուրդ կարդացի ուղված երիտասարդ գրողներին․ասվում էր՝ գրեք այն մասին, ինչն ամենից շատ է ձեզ ցավեցնում։ Եթե անգամ ցավը դնենք մի կողմ, ամենաուժեղ ապրումների մասին ես ուղղակիորեն չեմ գրում, այլ թղթին եմ հանձնում վերափոխված, առհասարակ, կարծում եմ՝ լավագույն արվեստի գործերը ստեղծվում են ապրումի վերապրումից, երբ զգացմունքը մի ամբողջ ճանապարհ է անցնում նյութականացման։ Իսկ, թե ինչպիսի զրուցակից է այն․ կարծում եմ՝ այն ես եմ, թերևս իմ ավելի սառը տեսակը։ Ես սառեցնում եմ իմ զգացողությունն ու տալիս թղթին, երևի թե դա միջոց է, որ այն, ինչ կրում եմ իմ մեջ ինքս ինձ համար առավել հասկանալի և դյուրամարս դառնա։

Cityife.am- Գիտեմ, որ սիրում ես քաղաքը․ արի փորձենք ստանալ Երևանի «բաղադրատոմսը» քո պատկերացմամբ։

Նվարդ – Երևանը բազմազան է, այն միանշանակ մեկ կերակրատեսակի բաղադրատոմս չէ, այլ մի ամբողջ մրգատու այգի, որտեղ կա ծիրանի քաղցրությունը, սալորի թեթև դառնահամը, բալի կարմիրը, տարբեր գույների խաղողներ։ Եվ այդ ամբողջությունը քաղցր է, թթու է, կծու է․ բազմերանգ է։

Cityife.am- Նվարդ ասում են՝ գրքերը, ֆիլմերը, առհասարակ արվեստը, միջոց է փախչելու գոյություն ունեցող իրականությունից․ որո՞նք են այսօր մեր իրականության այն երևույթները որոնց հետ առավելապես համաձայն չես․ պատկերավոր ասած՝ ինչի՞ց ես փախչում դու։

Նվարդ– Ինքս իմ կյանքի և ոչ մի ոլորտում փորձում եմ «չփախչել», որքան էլ, որ այն ձեռնտու կլիներ, նախընտրում եմ մեկ անգամ լավ սուզվել և բոլոր խնդիրները լուծել, քան անվերջ վախենալ խեղդվելուց։ Այն երևույթները, որոնց հետ համաձայն չեմ շատ են թե՛ մեր անձնական, թե՛ հասարակական կյանքում։ Օրինակ Երևանը, եթե կա խնդիր ինչ-որ փողոցում ես չեմ դադարում այդ փողոցով անցնել, այլ փորձում են հնարավոր բոլոր հարթակներում բարձրաձայնել, որ կա խնդիր, այն պետք է լուծել։ Պատկերացնենք ամեն խնդիր շրջանցվի, ապա շուտով կունենանք բացարձակ անհարմար իրականություն Նույնպես անձնական խնդիրները, լուծման են սպասում, այլապես մեզ կկործանեն։

Cityife.am- Նվարդ, կա՞ երազանք, որն առաջացել է անկատար մնալու գիտակցությամբ, ու գուցե հենց անկատար մնալու համար։

Նվարդ– Կուզենայի հայտնվել տիեզերքում։ Այդ միտքն ինձ շունչս չհերիքելու աստիճան գրավում է․ բացարձակ այլ իրականություն, որը գուցե բերեր արժեքների կորդինալ փոփխության, հայացք կողքից այս մոլորակին, որը թվում է, թե այդքա՜ն ծանոթ է։

Cityife.am- Իսկ չի՞ գործում է այն տարբերակը, որ հեռվից խնդիրները շատ ավելի փոքր են երևում։

Նվարդ– Միանշանակ։

Cityife.am- Այնուամենայնիվ, վերադառնալով Երկիր՝ թվում է, թե դու հենց այնտեղ ես, որտեղ պիտի լինես (խոսքը բնակության վայրի մասին չէ)։ Թվում է, թե դու գոհ ես այն քեզնից, ով կա հիմա։ Ո՞րն է այդ ուղին՝ ունենալու առաջ գնալու միտումներ, սակայն չմոռանալու ապրել հենց այս պահին ու հենց այստեղ, և գնահատելու այն քեզ, ով կա հիմա։

Նվարդ – Գուցե դետալներ տեսնելու իմ ունակությունը։ Ես կարող եմ առավոտյան մի փոքր ավելի շուտ արթնանալ, միայն նրա համար, որ շնչեմ յասամանների բույրը․այդ պահին ինձ ոչինչ ավելին հարկավոր չէ, գուցե միայն Pink Floyd միացնեմ։ Կարևոր է պահի գիտակցումը և պահը որսալը։ Ինչ վերաբերվում է ինքս ինձ հերիքելուն․ կարծում եմ միակ նախապայմանը ներքին խաղաղությունն է։

 

Cityife.am- Հասել ես արդյո՞ք դրան։

Նվարդ– Գիտե՞ս, ժամանակին կարծում էի, որ դա ամենակարևոր բանն է, որ խաղաղության հասած մարդուն այլևս ոչինչ պետք չէ, և պետք չէ այն խախտել։ Այժմ հասկանում եմ, որ ստաբիլ խաղաղ վիճակը բնականոն չէ։ Իմ գտած խաղաղությունն անվերջ շարժման մեջ է, բայց այդ շարժման ընթացքում մի փոքրիկ, ամուր հենարան ունենալու։

Cityife.am- Այն Նվարդն, ում ես ճանաչում եմ սոց․ կայքերից, ում լսում եմ հիմա գնահատում և կարևորում է գեղեցիկը․ դա ինչ-որ հատու՞կ ունակություն է։ Եվ արդյո՞ք այդ էսթետիկան ձեր առօրյա կյանքում, կենցաղում նույնպես արտահայտվում է։

Նվարդ– Ես նկարիչ չեմ, բայց ունեմ նկարչի աչք։ Մանրուքներ, համաչափություն իր ոչ բացարձակ արտահայտությամբ․կատարելությունն ինձ համար կատարյալ թափթփվածությունն է, գեղեցիկի զգացումն էլ՝ շատ ավելի զգայական քան նյութական։ Կրկին վերադառնալով Երևանին՝ գեղեցիկի պակասը լավագույնս լրացնում եմ հենց այստեղ՝ մեր քաղաքում քայլելիս, և ինձ համար ոչ միայն գեղեցիկ է քաղաքի փողոցներին համբուրվող սիրահար զույգը, այլ նաև՝ այն բոլոր խնդիրները որոնք առկա են նրանց շուրջը։
Ինձ դուր է գալիս մեր այգին․այն գեղեցիկ է։ Գիտե՞ս, ինչ վերաբերում է ինքս ինձ և գեղեիկին՝ իմ մեջ․երևի թե ինձ կկոչեմ «կինոյի աղջիկ», ով մի քիչ խաղում է, ստանում իրավիճակին համապատասխան կերպար։ Աղջիկ, ով առավոտյան կրում է ջինսե շորտ, սպորային կոշիկներ ու թինեյջերի պես քայլում փողոցով, իսկ երեկոյան՝ հագնում բարձրակրունկներն ու գնում օպերա լսելու։

Cityife.am- Նվարդ, ի՞նչ է սերը․ հոգեվիճա՞կ, ներշնչա՞նք, ցանկությու՞ն, թե՞, գուցե, ուղղակի քիմիա։

Նվարդ – Հավանաբար ուղղակի քիմիա։ Գիտե՞ս, երիտասարդների զգալի հատված ամեն օր շփվելով միմյանց հետ, հաճախելով նույն վայրերը, ունենալով միանման հետաքրքրություններ ստեղծում են ինչ-որ սիրո իմիտացիյա։ Բնականաբար, միմյանց հետ հաճելի և հետաքրքիր լինելը հարաբերությունների համար որոշակի հիմք է ստեղծում։ Կարծում եմ՝ դա անկայուն հիմք է։

Cityife.am- Ուրեմն, ո՞րն է կայուն հիմքը։

Նվարդ – Տեսնելն ու զգալը, որ ինչ-որ բան կատարվեց, կամ շփման ինչ-որ պահի ունենալ այդ գիտակցոմը։ Կարծում եմ՝ այն ավելի մետոֆիզիկական երևույթ է։ Մանկուց քիմիա չեմ սիրել, սակայ վերջինիս առաջին գիտակցումը որպես դրական երևույթ այն էր, երբ բարձրաձայն ասացի, որ սերը քիմիա է։

Cityife.am- Իսկ արդյո՞ք այն պարտավոր է հավերժանալ և միայն հավերժանալու դեպքում ապացուցել իր սեր լինելը։

Նվարդ– Ոչ, միանշանակ չունի։ Այն գոնե իրավունք ունի փոխակերպվելու մեկ այլ բանի։ Հիշում եմ՝ հայրիկիս ընկերներից մեկը մի առիթով ասաց, որ եթե ձեզ համար սեր է, երբ նա ձեր նախընտրած շոկոլադն է ուղարկում աշխատավայր, ապա իմ ծնողների փայ սերն այն է, երբ մայրս գիտի, թե հորս որ տոնայնությամ «ա՜խ»-ի դեպքում ինչ դեղ է հարկավոր։

Cityife.am- Նվարդ, Ինչպիսի՞ ստեղծագործական զբաղվածություն ունես այսօր։
Նվարդ– Կյանքը էնպիսին է, որ չգիտես, թե պոեզիա երբ կգրվի, որքան էլ որ Էդգար Պոն հրաշալի բնութագրում է տեխնիկան։ Որպես մեծ աշխատանք այժմ գրում եմ վիպակ «#ու_կլինի» վերնագրով։ Դա ինձ համար ծավալուն արձակի առաջին փորձն է։ Ընկերախմբի մասին է, որի նմանը մենք ենք, մեր քաղաքում շատ ընկերներ են. Այն մեր երիտասարդության մասին է պատմում մասնավոր դեպքերի միջոցով:

 


Cityife.am- Արթնանալու համար՝

Նվարդ– Դառը սուրճ

Cityife.am- Համեղ սուրճի՝

Նվարդ– Մամա

Cityife.am- Մի զույգ նրբաճաշակ բարձրակրունկներ՝

Նվարդ– Քամու ու շրջազգեստի սիրո համար

Cityife.am- Դիմանալու համար, երբ սեղմում են բարձրակրունկները՝

Նվարդ– Իսկ ինչու դիմանալ

Երևանը ոտաբոբիկ էլ է քայլվում

Cityife.am- Տնից աշխատանքի՝

Նվարդ– Կես ժամ՝ մի երթուղային, մետո՝ 3 կայարան

Cityife.am- Աշխատելու համար՝

Նվարդ– Մի գրասեղան, սուրճ ու աշխատանք

Cityife.am- Եթե չարևահարվելու համար՝ լայնեզր գլխարկ

Ապա արևը տեսնելու համար՝

Նվարդ– Սիրտ

Cityife.am- Անծանոթին սիրահարվելու համար՝

Նվարդ- Մետրոյի երեք կանգառ

Cityife.am- Իսկ սերեը մոռանալու`

Նվարդ– Մետրոյով շաբաթական 3 ու ավելի երթևեկություն

Cityife.am- Եթե հագուստը փոխելու համար՝

Նվարդ– 5 րոպեանոց դեֆիլեներ 10-20 անգամ

Cityife.am- Ապա քո մեջ ինչ-որ բան փոխելու՝

Նվարդ– 5 րոպեանոց պորտրետ հայելու առաջ

Cityife.am- Երաժշտությունն էլ՝

Նվարդ– Դիմանալու համար

Cityife.am- Լավ երաժշտության համար՝

Նվարդ– Հայրիկին տալ ընտրելու հնարավորություն

Cityife.am- Եթե գտնելու համար՝ չփնտրել է պետք

Ապա կորցնելու համար բավական է՝

Նվարդ– Չսիրելը

Cityife.am- Թեյելու համար՝

Նվարդ- 1 րոպե անորոշության

Cityife.am- Իսկ որպեսզի «թեյախմությունը ծես դառնա»՝

Նվարդ– Մարդ պետք է մարդ ունենա

Cityife.am- Խաղաղ գիշերվա համար՝
Նվարդ– Ծես դարձած թեյախմություն

Cityife.am- Արթնանալու համար՝

Նվարդ– Սպասող քո բաժին տուն։

Ucom and Impact Hub Yerevan Wrap Up the Third Edition of Their Green Entrepreneurship Program SoftConstruct and the French University in Armenia Sign A New Memorandum of UnderstandingIDBank to Present a Unified Ecosystem Concept at DigiTec 2026Ucom Supports Annual Mini Whoop Drone Racing Armenia 2026 Competition in YerevanIDBank Presents the Rate.Trading Digital Platform at Toon Expo.Invest 2026The Second Khachaturian International Youth Competition Concludes at China National Opera House Under the Artistic Direction of Sergey Smbatyan "The network this time for COP17 was the most one of exceptional network we have ever had." The service quality by Team was highly appreciated by UN representative Rate.Trading: Large Transactions with Digital Management of Exchange Rate RisksVIVA Foundation Named November Beneficiary of “The Power of One Dram”Special Mortgage Offers: IDBank at Toon Expo: Invest 2026Vahe and Vigen Badalyan File Lawsuit Against 1in.am Seeking Protection of Their Business ReputationIDBank at the UBA Regional Conference: From Travel Solutions to Business OpportunitiesJoint statement by the parties consolidatted around the national agenda35% Discount for the 35th Anniversary on Selected IDBank CardsConverse Bank Expands Its International Capabilities Through Cooperation with Citibank N.A.Business loan pre-approval in five minutes — what did Unibank showcase in Gyumri?Converse Bank Expands Its International Capabilities Through Cooperation with Citibank N.A.Bratislava forum to debate Armenia’s strategic future Ucom Service Center in Artashat Reopens at a New Address Ucom and Republican Union of Employers of Armenia Sign Cooperation MemorandumCreate your Visa Digital from Unibank for purchases and transfers Ucom – Main Sponsor of the 21st International Microelectronics Olympiad IDBank and Idram Hold Financial Literacy Session for Young Chess PlayersUcom Supports Silicon Mountains 2026, Driving Innovation and Technological Development IDBank has issued perpetual coupon bonds for the first timeIDBank Supports the Reconstruction of the Spandaryan Canal: Commemorative Plaque Dedicated to the Project SignedIDBank and Idram Presented Several Environmental Initiatives at COP17Ucom Shares Its Experience in Private Sector Engagement in Nature Conservation at COP17 Blue Zone«Here’s the screenshot, the money has been transferred»: IDBank warns of fake payment scamsFirst Steps in Your Career with IDBank: 16th Cycle of IDream LaunchedDigital Architecture for a Sustainable Future: IDBank's Article in Regional Post MagazineRate.Trading. New Digital Culture of Currency ExchangeDigital Future and Sustainable Development: IDBank's Chairman of the Management Board in an Interview with ForbesApplications Now Open: Armenian Virtuosos International Academy-Festival 2027Book Published with Ucom’s Support Presented at COP17: “The Secret Path of Hovazadzor”Ucom Highlights the Role of Technology in Nature Conservation at COP17“The people of Stepanavan will show through their votes that every attempt to deceive them with videos is doomed to fail”: “Strong Armenia” Party With Ucom’s Support, SunChild Brings Cinema and Environmental Conservation TogetherYoung Musicians of the “Armenian Virtuosos” Program Perform in the COP17 A Birthday in Italy with UnibankIdram and IDBank Participated in the Opening of My Forest Armenia’s Pavilion at COP17Unibank Receives B++ Sustainability Alignment Rating from Agents for Impact GmbH Ucom Supported Yerevan Conservation Symposium 2026 as Strategic PartnerIDBank to Showcase Environmental and Innovative Initiatives at COP17New AI-Powered Wildlife Monitoring Camera Installed in Paruyr Sevak with the Support of Ucom35 Years of Trust: IDBank Celebrates with Its CustomersBusiness and mining leader Mark Cutifani to deliver keynote speech at the 3rd Mining Armenia Forum“From Classroom to Orbit”: With Ucom’s Support, “Space 1.0” Is Being Introduced in 15 Schools Across ArmeniaAfeyan Initiatives for Armenia Awards Grant to the Armenia Education Initiative to Expand the Teach For Armenia’s Seroond School Turnaround Program Ucom to Participate in COP17 Together with FPWC, Showcasing Their Environmental Partnership