Yerevan, 20.November.2026,
00
:
00
BREAKING

Իմ հեղինակային հաղորդումը կլինի մարդու, աշխարհի, ճանապարհների և այդ ճանապարհներին իմ բացահայտումների մասին. Արտյոմ Կարապետյան

LIFE

Ասելով հայկական եթեր` մենք  անմիջապես մտաբերում ենք մի քանի անուններ: Այդ անունների թվին է պատկանում հաղորդավար Արտյոմ Կարապետյանը: Նա` իր ազդեցիկ ձայնով, գրավիչ արտաքինով, բարձր ինտելեկտով, տարիներ շարունակ գեղեցկացնում է հայկական հեռուստատեսությունը: Citylife.am-ը այսօր զրուցել է Արտյոմ Կարապետյանի հետ իր անցած ճանապարհի և հայկական եթերի մասին:

Citylife.am- Արտյոմ, վերհիշենք, թե ինչու՞ ընտրեցիք հենց լրագրությունը որպեսմասնագիտություն:

Արտյոմ– Այդ ամենը կանխորոշված էր: Ինը-տասը տարեկանում արդեն ինձ պատկերացնում էի որպես լրագրող, և ոչ միայն լրագրող: Ես պատկերացնում էի ինձ հեռուստատեսությունում: Իմ բոլոր մանկական խաղերը կապված էին այդ աշխարհի հետ: Հայելու առաջ խոսում էի, հաղորդումներ էի պատրաստում, ձայնագրում էի ձայնս, սենյակս վերածել էի մի փոքրիկ ստուդիայի, և այդ ամենը սուղ պայմաններում, երբ չկար համակարգիչ, ինտերնետ: Մասնագիտության վերաբերյալ հարց երբեք չի եղել, քանի որ ամեն ինչ պարզ էր: Ծնողներս, նկատելով այդ ամենը, ինձ տարան հեռուստատեսություն: Ես վարում էի մանկական հաղորդումներ: Հետագայում ընդունվեցի ԵՊՀ լրագրության ֆակուլտետ և երրորդ կուրսից արդեն սկսեցի աշխատել ռադիոյում: Վերջին կուրսում էի, երբ սկսեցին հեռուստատեսության ոլորտում լուրջ քայլերս: Հանրային հեռուստաընկերությունում վարում էի քաղաքական-վերլուծական հաղորդում:Citylife.am- Արտյոմ, ինչպես նշեցիք, սկզբնական շրջանում գործունեություն եք ծավալել ռադիոյում, ի՞նչ տվեց  ձեզ ռադիոաշխարհը:

Արտյոմ-  Ի սկզբանե որոշել էի աշխատել հեռուստատեսությունում. ինձ դուր էր գալիս կադրում աշխատելը, երևալը: Բայց աշխատելով ռադիոյում` ես այդ աշխարհն այլ կողմից բացահայտեցի, այն սկսեց ինձ դուր գալ: Ռադիոն ունի իր յուրահատկությունը: Այնտեղ տեսախցիկ, կադր չկա, պետք է կարողանալ միայն ձայնի միջոցով արտահայտել, փոխանցել ողջ ասելիքը, էմոցիաները, տպավորությունները, այս առումով հեռուստատեսությունում ավելի հեշտ է: Ռադիոյում աշխատելը յուրաքանչյուր լրագրողի և հաղորդավարի հետագա գործունեության համար լուրջ հիմք և մեծ փորձ է:

Citylife.am- Այժմ չկա՞ ցանկություն կրկին աշխատել ռադիոյում:

Արտյոմ–  Այդ ցանկությունը միշտ եղել է ու կա: Այժմ, եթե առաջարկ լինի, մեծ սիրով կընդունեմ:
Citylife.am– Ներգրավված եք եղել և´ ռադիոյում, և´ լրատվական դաշտում, և´ ժամանցային հաղորդումներում. ի՞նչ խորհուրդներ կտաք ապագա հաղորդավարներին, ի՞նչ ճանապարհով դառնալ, այսպես ասած, «ունիվերսալ» հաղորդավար:

Արտյոմ– Շատ դժվար է: Մարդն իր բնույթով պետք է լինի ունիվերսալ, ինքը պետք է հասկանա կկարողանա՞ համատեղել, թե՞ ոչ: Եթե չկա այդ բազմակողմանի էությունը, ավելի լավ է ընտրել մեկ ուղղություն և փորձել դառնալ պրոֆեսիոնալ: Իմ տեսակն այդպիսին է, ես սիրում եմ բազմազանություն, ես բոլոր ժանրերում ուզում եմ լինել: Մոտ հինգ տարի առաջ ընդունված չէր, որ լրատվական հաղորդման մեկնաբանը լինի նաև ժամանցային հաղորդումներում: Բայց այսօր ողջ աշխարհը կատարում է այդ էքսպերիմենտը: Շատ դեպքերում հեռուստադիտողը չի ընկալում այդ փոփոխությունը, բայց իմ դեպքում այդպես չեղավ. կարծես` իմ այդ տեսակն էլ ընդունվեց: Եվ եթե հիմա էլ առաջարկ լինի, ես կընդունեմ. ինձ դուր եկավ ժանրային համատեղելիությունը:Citylife.am- Նշեցիք, որ սիրում եք փոփոխություններ: Եվ վերջերս սոցիալական կայքերից մեկում ձեր լուսանկարը մեկնաբանել էիք այսպես. <<Գուցե մի օր փորձեմ նաև թատերական ոլորտը>>:

Արտյոմ– Մարդը մեծանալուն զուգահեռ նոր հետաքրքրություններ է ձեռք բերում, նոր բացահայտումների կարիք է ունենում: Ես սիրում եմ փոփոխություններ. գուցե մի օր ընտրեմ նոր ասպարեզ և հնարավոր է` այն չլինի հեռուստատեսության ոլորտ: Ես չունեմ թատերական կրթություն, բայց ֆիլմում նկարահանվողներից ոչ բոլորը ունեն այդ կրթությունը: Եվ, այո´, ես ուզում եմ նկարահանվել ասելիք ունեցող գեղարվեստական ֆիլմում և կերտել մի շատ հետաքրքիր կերպար: Այն, ինչ ես ցանկանում եմ, կատարվում է, գուցե, մի փոքր ուշ, բայց կատարվում է:

Citylife.am-  Խոսենք հեռուստատեսային էմոցիաների մասին. ի՞նչ է տալիս և վերցնում հեռուստատեսությունը:

Արտյոմ- Հեռուստատեսությունը, եթերը տալիս են անբացատրելի, դրական էմոցիաներ, ադրենալին: Այդ զգացողություններին զուգահեռ կա նաև շատ մեծ պատասխանատվություն, պարտականությունները շատ են. չպետք է ուշանալ, սխալվել, պետք է միշտ լինել պատրաստված: Եթերն իմ ինքնաարտահայտման հարթակն է, այնտեղ իմ ողջ ստեղծագործական էներգիան սպառվում է: Այդ դրական էմոցիաների հակառակ կողմը հենց այդ սպառումն է: Հատկապես լրատվական դաշտում սպառվում է ողջ եռանդը, այստեղ սթրեսը շատ է, մեկնաբանի մեջ նստվածք է թողնում յուրաքանչյուր վատ լուր: Իսկ ժամանցային ծրագրերն ավելի շատ լիցքավորում են: Շատ հաղորդավարներ խոսում են հեռուստատեսությունից կախվածության մասին: Կախվածություն լինում է սկզբնական շրջանում` մինչև և´ որպես մարդ, և´ որպես մասնագետ կայանալը:

Citylife.am- Արտյոմ, ըստ ձեզ ինչպիսի՞ն  պետք է լինի լրագրողը:

Արտյոմ- Լրագրողը պետք է լինի փնտրող, հետաքրքրվող, մարդասեր, չպետք է լինի եսակենտրոն, անտարբեր: Լրագրողը պետք է տեսնի այն, ինչ մնացածը չեն նկատում, յուրաքանչյուր հայացքի, խոսքի տակ թաքնված շերտերը պետք է նկատի: Անկեղծությունը ևս շատ կարևոր է եթերում: Հեռուստադիտողը միանգամից նկատում է կեղծ պահվածքը, խոսելաձևը, իսկ անկեղծության համար անձնական փորձ է պետք:  Դժվար է անկեղծ խոսել ու արտահայտվել շատ բաների մասին, երբ դու 16 տարեկան ես:

Citylife.am- Դուք նաև դասավանդում եք <<TV իդեալ>> դպրոց-ստուդիայում, ի՞նչ սկզբունքով եք առաջնորդվում ապագա մասնագետների հետ աշխատելիս:

Արտյոմ- Ես նրանց համար խորհրդատու եմ: Մեր դասերը նման են շփման: Մենք ընտրում ենք թեման և սկսում քննարկել, դասը վերածվում է զրույցի: Ուսանողները տալիս են իրենց հուզող հարցերը, թեմաների շուրջ ես արտահայտում եմ իմ կարծիքը և, միանշանակ, լսում նաև նրանց կարծիքը:

Citylife.am- Հետևու՞մ եք արտասամանյան լրատվական դաշտին: Զարգացման ի՞նչ փուլում է գտնվում հայկականը:

Արտյոմ- Իհարկե, հետևում եմ: Հայաստանում լրատվական ոլորտը զիջում է շատ այլ ոլորտների: Եթե կան ոլորտներ, որոնք համաշխարհային միտումներին համաքայլ են, լրագրությունը հետ է մնացել: Պատճառներից առաջնայինը տեխնիկապես թույլ զարգացված լինելն է: Մյուս պատճառն այն է, որ մեր լրագրողները հնարավորություն չեն ունենում դուրս գալ, շփվել, սովորել, ծանոթանալ ներկայիս զարգացած լրագրության ոլորտի հետ: Այժմ փոխվել է տեխնիկան, մարդիկ, բայց մեր լրատվական դաշտը անփոփոխ է: Մենք ունենք հիանալի մասնագետներ, բայց չունենք այդ հնարավորությունները:Citylife.am.Արտյոմ, հնարավո՞ր է` ապագայում տեսնենք որևէ հեղինակային հաղորդում:

Արտյոմ- Իհարկե, հնարավոր է, ասեմ ավելին` դա իմ նպատակներից մեկն է: Ես հիմա ունեմ սիրելի ու հետաքրքիր աշխատանք, բայց կգա մի պահ, երբ կձանձրանամ: Լրատվական հաղորդումը թիմային աշխատանք է, բայց մարդ պետք է ներկայանա նաև որպես առանձին անհատ,  ներկայացնի իր մտքերն ու գաղափարները: Հեղինակային հաղորդում կլինի և այն կապված կլինի ճամփորդության հետ` երկրներ, քաղաքներ, մշակույթ, մարդիկ: Իմ հաղորդումը կլինի մարդու, աշխարհի, ճանապարհների և այդ ճանապարհներին իմ բացահայտումների մասին:

Citylife.am. Շնորհակալ եմ բովանդակալից զրույցի համար: Մաղթում եմ նորանոր հաջողություններ:

Ucom and Impact Hub Yerevan Wrap Up the Third Edition of Their Green Entrepreneurship Program SoftConstruct and the French University in Armenia Sign A New Memorandum of UnderstandingIDBank to Present a Unified Ecosystem Concept at DigiTec 2026Ucom Supports Annual Mini Whoop Drone Racing Armenia 2026 Competition in YerevanIDBank Presents the Rate.Trading Digital Platform at Toon Expo.Invest 2026The Second Khachaturian International Youth Competition Concludes at China National Opera House Under the Artistic Direction of Sergey Smbatyan "The network this time for COP17 was the most one of exceptional network we have ever had." The service quality by Team was highly appreciated by UN representative Rate.Trading: Large Transactions with Digital Management of Exchange Rate RisksVIVA Foundation Named November Beneficiary of “The Power of One Dram”Special Mortgage Offers: IDBank at Toon Expo: Invest 2026Vahe and Vigen Badalyan File Lawsuit Against 1in.am Seeking Protection of Their Business ReputationIDBank at the UBA Regional Conference: From Travel Solutions to Business OpportunitiesJoint statement by the parties consolidatted around the national agenda35% Discount for the 35th Anniversary on Selected IDBank CardsConverse Bank Expands Its International Capabilities Through Cooperation with Citibank N.A.Business loan pre-approval in five minutes — what did Unibank showcase in Gyumri?Converse Bank Expands Its International Capabilities Through Cooperation with Citibank N.A.Bratislava forum to debate Armenia’s strategic future Ucom Service Center in Artashat Reopens at a New Address Ucom and Republican Union of Employers of Armenia Sign Cooperation MemorandumCreate your Visa Digital from Unibank for purchases and transfers Ucom – Main Sponsor of the 21st International Microelectronics Olympiad IDBank and Idram Hold Financial Literacy Session for Young Chess PlayersUcom Supports Silicon Mountains 2026, Driving Innovation and Technological Development IDBank has issued perpetual coupon bonds for the first timeIDBank Supports the Reconstruction of the Spandaryan Canal: Commemorative Plaque Dedicated to the Project SignedIDBank and Idram Presented Several Environmental Initiatives at COP17Ucom Shares Its Experience in Private Sector Engagement in Nature Conservation at COP17 Blue Zone«Here’s the screenshot, the money has been transferred»: IDBank warns of fake payment scamsFirst Steps in Your Career with IDBank: 16th Cycle of IDream LaunchedDigital Architecture for a Sustainable Future: IDBank's Article in Regional Post MagazineRate.Trading. New Digital Culture of Currency ExchangeDigital Future and Sustainable Development: IDBank's Chairman of the Management Board in an Interview with ForbesApplications Now Open: Armenian Virtuosos International Academy-Festival 2027Book Published with Ucom’s Support Presented at COP17: “The Secret Path of Hovazadzor”Ucom Highlights the Role of Technology in Nature Conservation at COP17“The people of Stepanavan will show through their votes that every attempt to deceive them with videos is doomed to fail”: “Strong Armenia” Party With Ucom’s Support, SunChild Brings Cinema and Environmental Conservation TogetherYoung Musicians of the “Armenian Virtuosos” Program Perform in the COP17 A Birthday in Italy with UnibankIdram and IDBank Participated in the Opening of My Forest Armenia’s Pavilion at COP17Unibank Receives B++ Sustainability Alignment Rating from Agents for Impact GmbH Ucom Supported Yerevan Conservation Symposium 2026 as Strategic PartnerIDBank to Showcase Environmental and Innovative Initiatives at COP17New AI-Powered Wildlife Monitoring Camera Installed in Paruyr Sevak with the Support of Ucom35 Years of Trust: IDBank Celebrates with Its CustomersBusiness and mining leader Mark Cutifani to deliver keynote speech at the 3rd Mining Armenia Forum“From Classroom to Orbit”: With Ucom’s Support, “Space 1.0” Is Being Introduced in 15 Schools Across ArmeniaAfeyan Initiatives for Armenia Awards Grant to the Armenia Education Initiative to Expand the Teach For Armenia’s Seroond School Turnaround Program Ucom to Participate in COP17 Together with FPWC, Showcasing Their Environmental Partnership