4 կետ, որոնք ճշգրիտ կբնութագրեն կենդանակերպի նշաններից յուրաքանչյուրին

LIFE 23 July, 2017 12:54

Greatpicture.ru-ն գրում է, որ կենդանակերպի նշանների ներկայացուցիչներին կարող են բնութագրել այս 4 կետերը։

1. Խոյ։ Սիրում են հարստություն և բավարարություն։ Որքան շատ գումար ունեն, այնքան լավ են իրենց զգում։

Տանել չեն կարողանում դանդաղկոտությունը։ Դա վերաբերում է մարդկանց, ովքեր նրանց շեղում են գործից, ինչպես նաև տեխնիկային, որ դանդաղեցնում է աշխատանքը։

Բնույթով խոլերիկ են։

Պաշտամունքային կենդանին՝ արջ (ուժ և խորամանկություն)։

2. Ցուլ։ Սիրում են հաջողություն։ Նրանց համար միշտ կարևոր է աչքի ընկնել մյուսների համեմատությամբ՝ լինի կարիերայում, ինտելեկտով, թե կազմվածքով։

Տանել չեն կարողանում բռիությունը։ Գերադասելի է նրա հետ հնարավորինս սիրալիր լինել, եթե չեք ցանկանում նրան հանել ափերից։ Իհարկե, ոչ մի դեպքում պետք չէ արհամարհել նրան։

Բնույթով ֆլեգմատիկ են։

Պաշտամունքային կենդանին՝ վագր (տղամարդկություն և նպատակասլացություն)։

3. Երկվորյակներ։ Սիրում են բազմազանություն։ Նրանց համար չկա ավելի վախեցնող բան, քան կանխատեսելիությունը, միօրինակությունը։ Նրանց պարբերական փոփոխություններ են հարկավոր։

Տանել չեն կարողանում չափազանց լրջությունը։ Նրանց տեսանկյունից հումորի զգացումը կարևոր հատկություն է։ Պատրաստ են ներել ամեն ինչ, բայց ոչ՝ հումորի բացակայությունը։

Բնույթով սանգվինիկ են։

Պաշտամունքային կենդանին՝ արծիվ (նպատակասլացություն և ներդաշնակություն)։

4. Խեցգետին։ Սիրում են ընտանեկան հարմարավետությունը։ Նրանց համար չկա ավելի լավ բան, քան լավ տրամադրությամբ տեսնել հարազատներին ու մտերիմներին։ Զգացմունքային առումով կախված են մտերիմներից։

Տանել չեն կարողանում տգիտությունը։ Երբ որևէ մեկը ցուցադրում է իր ագրեսիվ հիմարությունը, Խեցգետինը դուրս է գալիս ափերից։

Բնույթով մելանխոլիկ են։

Պաշտամունքային կենդանին՝ կոկորդիլոս (հանգստություն և խորամանկություն)։

5. Առյուծ։ Սիրում են կարգավիճակ։ Նրանց համար չափազանց կարևոր է ուշադրության կենտրոնում լինելն ու շրջապատին հիացնելը։

Տանել չեն կարողանում սեփական սխալներն ընդունելը։ Սեփական աչքերում Առյուծները միշտ հրաշալի են, այդ պատճառով էլ տանել չեն կարողանում իրենց բաղթողումներն ընդունելը։

Բնույթով խոլերիկ են։

Պաշտամունքային կենդանին՝ սիրամարգ (ճանաչում և հայտնիություն)։

6. Կույս։ Սիրում են հասկացված լինել։ Հաճախ են զգում, որ իրենց չեն հասկանում։ Նրանց համար իսկապես դժվար է գտնել մարդկանց, ովքեր մտածում են իրենց նման, բայց երբ դա տեղի է ունենում, նրանք իրենց երջանիկ են զգում։

Տանել չեն կարողանում կամակորությունը։ Որպես կանոն՝ գործից ամենալավն են հասկանում և նյարդայնանում են, երբ իրենց հետ վիճում են՝ իրենց իրավացիությունը միանգամից ընդունելու փոխարեն։

Բնույթով ֆլեգմատիկ են։

Պաշտամունքային կենդանին՝ գայլ (մարդամոտություն և լիդերություն)։

7. Կշեռք։ Սիրում են գեղեցկություն։ Նրանց համար էսթետիկան շատ մեծ նշանակություն ունի։ Սկսած ինտերիերից մինչև հագուստ և սեղանի դասավորվածություն… ամեն ինչ պետք է իդեալական լինի։

Տանել չեն կարողանում դաժանությունը։ Կշեռքները չեն սիրում, երբ մարդիկ օգտագործում են մյուսներին կամ բացահայտորեն ձեռք առնում նրանց։

Բնույթով սանգվինիկ են։

Պաշտամունքային կենդանին՝ բու (իմաստություն և կարեկցելու կարողություն)։

8. Կարիճ։ Սիրում են մրցակցություն։ Ապրում են մարտահրավերներ ընդունելու համար։ Սիրում են պայքար ու մրցակցություն, բոլոր տեղերում միշտ առաջինը հայտնվելու հնարավորություն։

Տանել չեն կարողանում երեսպաշտությունը։ Կարիճներն ուղիղ մարդիկ են, այդ պատճառով էլ նրանց նյարդայնացնում են բոլոր այն անձինք, ովքեր ասում են մի բան, անում մեկ այլ բան։

Բնույթով մելանխոլիկ են։

Պաշտամունքային կենդանին՝ դելֆին (զգուշավորություն և մրցակցություն)։

9. Աղեղնավոր։ Սիրում են արկածներ։ Աղեղնավորները սեփական կյանքը չեն պատկերացնում առանց հետաքրքիր ճանապարհորդությունների, հետաքրքրությունների ու իրադարձությունների։ Միօրինակությունն արագորեն ձանձրացնում է նրանց։

Տանել չեն կարողանում անազնվությունը։ Եթե որևէ մեկն անազնիվ է վարվում, Աղեղնավորը գրեթե ֆիզիկական զզվանք է զգում։

Բնույթով խոլերիկ են։

Պաշտամունքային կենդանին՝ հեպարդ (վճռականություն և արկածախնդրություն)։

10. Այծեղջյուր։ Սիրում են կանխատեսելիություն։ Փորձում են ծրագրել ցանկացած քայլ, ապա հաջորդաբար իրականացնել սեփական ծրագրերը։

Տանել չեն կարողանում ալարկոտությունը։ Այծեղջյուրներին նյարդայնացնում են մարդիկ, ովքեր մշտապես բողոքում են, նվնվում, բայց իրավճակը փոխելու համար ոչինիչ չեն անում։

Բնույթով ֆլեգմատիկ են։

Պաշտամունքային կենդանին՝ փիղ (խոհեմություն և հետևողականություն)։

11. Ջրհոս։ Սիրում են ուրախանալ կյանքով։ Ամենակենսասեր նշաններից են, ում շատ քիչ բան է հարկավոր երջանկության համար։ Ջրհոսի համար ցանկացած նոր օր ուրախանալու առիթ է։

Տանել չեն կարողանում նեղմտությունը։ Նրանց համար տհաճ են մարդիկ, ում տանել չեն կարողանում։ Պրոգրեսիվ հայացքների տեր են։

Բնույթով սանգվինիկ են։

Պաշտամունքային կենդանին՝ կարապ (հավատարմություն և մեծահոգություն)։

12. Ձկներ։ Սիրում են իրենց պահանջված զգալ։ Սովորաբար ստեղծագործ մարդիկ են, ովքեր միշտ ուրախ են սեփական տաղանդն արտահայտելու հնարավորությամբ։

Տանել չեն կարողանում ստախոսներին։ Ձկներին ձեզանից հեռացնելու լավագույն տարբերակը խոստումը չպահելն է։ Տանել չեն կարողանում խաբեությունն ու սուտը։

Բնույթով մելանխոլիկ են։

Պաշտամունքային կենդանին՝ կրիա (հանգստություն և ստղծագործ մտածողություն)։