Արևելյան մոտիվներ. Կարապետյանի ձախողված այցը Իրան

Վարչապետ Կարապետյանն աշխատանքային այցով Իրանում է: Թվում է, թե Հայաստանը բոլոր մակարդակներում արդեն Իրանի հետ կառուցել է բավարար հիմքեր հարաբերությունները նոր, ավելի զարգացած տնտեսական մակարդակի բերելու համար: Կարապետյանի՝ որպես վարչապետի այցը Իրանը, պիտի փաստեր, որ հայ-իրանական հարաբերություններում քաղաքական ճշգրտումներն արդեն մտցվել են ու հիմա ժամանակն է տնտեսական հարաբերություններ կառուցելուն: Խոսքը ոչ թե սովորական առևտրաշրջանառության կամ տուրիզմի մասին է, այլ լուրջ նախագծերի, մասնավորապես գազի հետ կապված:

Կարապետյանի այցը, սակայն, որևէ բան չտվեց այս առումով: Նախ որովհետև Հայաստանով իրանական գազը տարանցիկ ձևով դեպի Վրաստան վաճառելու նախաձեռնությունը, որով հանդես էր եկել նախկին վարչապետ Աբրահամյանը, Կարապետյանի գալստյան հենց սկզբից էվակուացվեց: Սրա համար թերևս կան կաշկանդող պատճառներ ՝ Կարապետյանը ներկայացնում է գազային մեկ այլ իմպերիա ՝ Գազպրոմը և իրանական գազի հեռանկարը, թեկուզև ոչ թե ներքին սպառման, այլ տարանցման համար, Կարապետյանին ոչ խոստումնալից թվաց:

Այլ օրակարգ Իրանում Կարապետյանը պիտի չունենար, բացի գազից: Քաղաքական հարաբերություններում ամեն ինչ նորմալ է: Միջէթնիկ հարաբերություններում ՝ ևս: Համայնքի հետ կապերը նույնպես ամուր են: Մնում է տնտեսական բլոկը: Բայց Կարապետյանը սահմանափակվեց պարզապես համայնքին «դուխ տալով», իսկ տնտեսական տիպի հարցերը այդպես էլ մղվեցին երկրորդ պլան:

Արտակ Ասլանյան