Առաջիկա 3 օրվա եղանակի կանխատեսում

Առաջիկա օրերին հանրապետությունում սպասվում է օդի ջերմաստիճանի անկում՝ 5-7 աստիճանով: Նոյեմբերի 1-ին  հանրապետությանն է մոտենում հերթական սառը հոսանքը: Արմենպրես-ի փոխանցմամաբ՝ հոկտեմբերի 31-ին լրագրողների հետ հանդիպմանն այս մասին ասաց ՀՀ ՏԿԱԻՆ Հիդրոմետ ծառայության օդերևութաբանության կենտրոնի պե տի տեղակալ Գագիկ Սուրենյանը:

«Այսօր երեկոյան ժամերից սկսած, հիմնականում լեռնային շրջաններում՝ Լոռիում,  Տավուշում , Սյունիքի լեռներում և Արցախում տեղումները կվերափոխվեն ձյան: Այս մարզերում այսօր երեկոյան ժամերից տեղումները կդիտվեն ձյան և թաց ձյան տեսքով: Մյուս շրջաններում՝ Արարտյան դաշտում և Երևանում հնարավոր է միայն թույլ անձրև, էական տեղումներ չեն սպասվում: Նոյեմեբրի 2-ից ցիկլոնը կհեռանա հանրապետության տարածքից, հանրապետությունը կընդգրկվի անտիցիկլոնային գոտում և տեղումները ամենուրեք կդադարեն»,- ասաց մասնագետը:

Նոյեմբերի 2-ի լույս 3-ի գիշերը, Սուրենյանի փոխանցմամբ, արկտիկական ցուրտ օդային հոսանքների ներթափանցմամբ և եղանակի պարզեցմամբ պայմանավորված՝ օդի ջերմաստիճանը կնվազի ևս 3-4 աստիճանով:  Արարտյան դաշտում նոյեմբերի 2-ի լույս 3-ի գիշերը օդում սպասվում է մինչև -2 աստիճան ցուրտ, իսկ գետնի մակերևույթին մինչև -4 աստիճան ցուրտ:

«Նոյեմբերի 2-ի լույս 3-ի գիշերը Արարատյան դաշտում կգրանցվեն այս տարվա առաջին սառնամանքիները, նոյեմբերի 4-ի ցերեկվանից օդային հոսանքները կփոխեն իրենց ուղղությունն ու կդառնան հարավարևմտյան, հանրապետություն կներթափանցեն արևադարձային տաք հոսանքներ և նոյեմեբրի 4-7-ին օդի ջերաստիճանը կբարձրանա 3-5 աստիճանով, առանց տեղումների եղանակը կպահպանվի մինչև նոյեմբերի 7-ը ներառյալ»,- նշեց մասնագետը` հավելելով, որ եթե մինչև նոյեմբերի 7-ն Արարտյան դաշտավայրում և Երևանում  սպասվում է  10-12 աստիճան տաքություն, ապա  նոյեմբերի 5, 6,7-ին օդի ջերմաստiճանը ցերեկային ժամերին կբարձրանա մինչև +13  +15 աստիճան:

Այսօր և վաղը, ըստ նրա, անկայուն եղանակը հանրապետթյունում կպահպանվի: Քանի որ հանրապետությունը դեռևս գտնվում է ցիկլոնի ազդեցության գոտում, ընդ որում ցիկլոնը հատկապես ակտիվ կլինի Լոռիում, Տավուշում և Արցախում, մնացած մարզերում կդիտվի փոփոխական ամպամածություն և կա թույլ տեղումների հավանականություն, իսկ Լոռիում Տավուշում և Արցախում, տեղումները պարբերաբար կշարունակվեն:

«Այս տարվա նոյեմբերին օդի ամսական միջին ջերմաստիճանը հանարապետության ողջ տարածքում կանխատեսվում  է նորմայից 1 աստիճանով ցածր, իսկ տեղումների քանակը ակնկալվում է ամենուրք նորմայից  ավելի: Շիրակի, Կոտայքի, Գեղարքունիքի, Արագածոտնի և Վայոց ձորի լեռնային շրջաններում ամսվա առաջին տասնօրյակում ցերեկային ժամերին ակնակալվում է օդի ջերմաստիճանի բարձրացում մինչև +7  +9 աստիճան, իսկ 2-րդ և 3-րդ տասնօրյակում, երբ կներթափանցեն արկտիկական ցուրտ օդային հոսանքներ , այս մարզերում գիշերային ժամերին ջերմաստիճանը կնվազի մինչև -15  -18 աստիճան& raquo;,- նշեց Հիդրոմետ ներկայացուցիչը:

 Լոռու մարզում, ըստ Սուրենյանի,  ամսվա առաջին օրերին ջերմաստիճանը կբրաձրանա մինչև +12 +15 աստիճանով, իսկ ամսվա 2-րդ կեսին օդի ջերմաստիճանը գիշերը կնվազի -8 -13 աստիճանով: Տավուշում նոյեմբերի առաջին օրեին, ցերեկային ժամերին կդիտվի օդի ջերմաստիճանի բարձրացում, +13 +16  աստիճան , իսկ ամսվա 2-րդ և 3-րդ տասնօրյակում գիշերային ժամերին ջերմաստիճանը կնվազի -2 -7 աստիճան: Սյունիքի մարզում ամսվա առաջին օրերին ջերմաստիճանը կբարձրանա +14 +17 աստիճանո, իսկ ամսվա 2-րդ և 3-րդ կեսին կնվազի 3-6 աստիճան:

«Արարատի, Արմավիրի մարզերում և Վայոց ձորի նախալեռներում ամսվա առաջին օրերին ցերեկային ժամերին օդի ջերմաստիճանը կբարձրանա մինչև +12 +15 աստիճան, իսկ 2-րդ տասնօրյակում գիշերը օդի ջերմաստիճանը կնվազի -5  -7 աստիճան: Երևանում ամսվա առաջին օրերին սպասվում է ջերմաստիճանի բարձրացում մինչև +12 +14 աստիճան , իսկ ամսվա 2-րդ և 3-րդ տասնօրյակում գիշերային ժամերին սպասվում է մինիև -5 -7 աստիճան ցուրտ»,- ասաց նա:

Օդերևութաբանը նշեց նաև, որ լեռնային շրջաններում տեղումները հիմնականում կդիտվեն ձյան տեսքով: Արարատյան դաշտում և հովտային գոտում առանձին օրեր հնարավոր է դիտվեն ձյան տեսքով տեղումներ,  առանձին օրեր ձնախառն անձրևի և առանձին օրեր անձրևի տեսքով: Արարտյան դաշտում և մայրաքաղաքում նոյեմբերը ըստ ջերմաստիճանի դեռևս համարվում է աշուն, քանի որ ձմեռ անվանվում է, երբ օդի օրական միջին ջերաստիճանն իջնում է 0-ից ցածր, իսկ Արարատյան դաշտում և Երևանում օդի ջերաստիճանը 0-ից ցածր իջնում է դեկտեմբրի 15-ից հետո, այսինքն` կլիմայական առումով այս տարածքներում ձմեռը գալիս է դեկտեմբերի 15-ից, իսկ  լեռնային շրջաններում տեղումները հիմնականում դիտվում են ձյան տեսքով: