Շիրակում հրատապ խնդիրների լուծման ծրագրով հիմնականում իրականացվել են ճանապարհաշինական աշխատանքներ

ՀՀ կառավարությունն այս տարի էլ մարզերին գումար տրամադրեց ամենահրատապ խնդիրների լուծման համար: Հատկացված գումարի շրջանակներում յուրաքանչյուր մարզ ինքն է ներկայացնում աշխատանքների ցանկը՝ ըստ առաջնահերթության: Թեև մի փոքր ուշացած, սակայն այս տարի ևս, ինչպես հանրապետության մյուս մարզերը, այնպես էլ Շիրակը մի շարք աշխատանքներ իրականացրեց հրատապ խնդիրների լուծման ծրագրի շրջանակներում:

Ինչպես  տեղեկացրեց Շիրակի մարզպետարանի աշխատակազմի քաղաքաշինության վարչությա պետ Ալբերտ Մարգարյանը, մարզպետարանին այս  տարի հրատապ խնդիրների լուծման 6-րդ ծրագրի իրականացման համար հատկացվել էր 530 մլն դրամ գումար: «Մարզում հրատապ լուծում պահանջող խնդիրները բավական շատ են. գրեթե բոլոր համայնքներում խնդիրներ կան, բայց մենք ընտրել ենք ամենահրատապ խնդիրները: Ճիշտ է, գումարը ուշ հատկացվեց, բայց ծրագրերն իրենց բնույթով ու ծավալով այնպիսին են, որ մենք արդեն աշխատանքների 90 տոկոսն իր ակացրել ենք»,-նշեց Ալբերտ Մարգարյանը:

Շիրակի մարզում հրատապ խնդիրների լուծման 6-րդ ծրագրի շրջանակներում իրականացվելու էր 17 ծրագիր՝ շինարարական, շին-վերանորոգման, հիմնանորոգման աշխատանքեր: Ինչպես միշտ, այս անգամ ևս գումարի առյուծի բաժինը ճանապարհաշինությանն էր՝ 9 ծրագիր (Գյումրու Մադոյան փողոցի հիմնանորոգում՝ քարային տարբերակով, Ռուսթավելի, Չայկովսկի փողոցների վերանորոգումը, Մարալիկում՝ Բարեկամության և Արթիկում՝ Գարեգին Նժդեհ  փողոցների մասնակի նորոգում, Արթիկ-Նահապետավան ճանապարհի կառուցում, Փանիկ-Արևշատ ճանապարհի Փանիկի հատվածի փոսային նորոգում, Նոր Ախուրյան տ անող  ճանապարհի մի հատվածի կառուցում, Ամասիայի թիվ 26 փողոցի մասնակի վերանորոգում):

Մնացածը տարբեր օբյեկտների շինարարական-վերանորոգման աշխատանքեր են. 2-ը դպրոցների՝ Գյումրու թիվ 7 և Մայիսյանի դպրոցների  ջեռուցման համակարգերի կառուցման աշխատանքներ, ինչպես նաև Արևշատ համայնքի մշակույթի տան մասնակի նորոգման, Ամասիայի և Աշոցքի գյուղապետարանների  վարչական շենքերի տանիքների հիմնանորոգման Ջաջուռի բժշկական ամբուլատորիայի մասնակի վերանորոգման, ինչպես նաև Ջրափի համայնքի  ոռոգման համակարգի ներքին ցանցի վերանորոգման աշխատանքները:

«Այս 17 ծրագրերի մեծ մասի աշխատանքերն ավարտված են` բացառությամբ Գյումրու Ռուսթավելի փողոցի, որի ծավաը մեծ էր՝ շուրջ 100 մլն դրամի ասֆալտապատման աշխատանքներ: Այս փողոցի հիմնանորոգման աշխատաքները կավարտվեն այս շաբաթվա վերջին, այդ ժամանակ կավարտվեն նաև Ջրափի համայնքի ոռոգման ներքին ցանցի հիմնանորոգման աշխատանքները: Մնացած աշխատանքերն ավարտված են, մնում են թերությունների վերացման մանր-մունր աշխատանքները»,-նշեց մարզպետարանի քաղաքաշինության վարչության պետը՝ հավելելով, որ տնտեսված գումարների հաշվին այս 17 ծրագրին ավելացել է ևս մեկ ծրագիր՝ Գեղանիստ համայնքի միջնակարգ դպրոցի կտուրի վերանորոգման աշխատաքները,  շուտով այս  շինարարական աշխատաքները ևս կմեկնարկեն:

Պատասխանատուն հույս հայտենց, որ Գեղանիստում աշխատաքները կավարտվեն 10 օրից: Ի դեպ, աշխատանքների ավելի շուտ ավարտին խոչընդոտեցին եղանակային պայմանները. 7-10 օրերի ընթացքում տեղումների պատճառով աշխատանքները հետաձգվեցին:

Չնայած վերջին տարիներին գումարի սղության պատճառով մարզերին հրատապ խնդիրների լուծման համար հատկացվող գումարը նվազեց, սակայն մարզի քաղաքաշինության պատասխանատուն հույս է հայտնում, որ հաջորդ տարի ևս գումար կհատկացվի: «Ամեն տարի կառավարությունը ձգտում է, որ այս խնդիրները լուծվեն, սակայն ունեցած հնարավորությունների սահմաններում է գումար հատկացվում: Ճիշտ է, վերջին երկու տարիների ընթացքում գումարը նվազեց, սակայն հույս ունենք, որ հաջորդ տարի կիրականացվեն այն ծավալի աշխատանքներ, ինչ նախատեսում ենք»,-ավելացերց Ալբերտ Մարգարյանը: