Խրախուսում 90 աշխատատեղ ստեղծող կազմակերպությանը
BLOGԱրմեն Վարդանյանը Ֆեյսբուքյան իր էջում գրում է.
Մշտապես խոսվում է ՀՀ ձեռնարկատիրության զարգացման ու դրա խթանների առարկայական դարձնելու մասին: Գործադիրի նիտում որոշվել է արտոնություն տալ «Արմյանսկիյ ուրաժայ» ընկերությանը։ Վերջինիս կողմից ապրանքների ներմուծման դեպքում ավելացված արժեքի հարկի գումարների վճարման ժամկետը մինչև 3 տարի ժամկետով կհետաձգվի։
Ներդրումային ծրագրի շրջանակներում «Արմյանսկիյ ուրաժայ» ընկերությունը նպատակ է դրել վերազինել և գյուղմթերքի արտադրությունը փոխարինել բարձր որակի հոլանդական վարդերի աճեցմամբ՝ գրավելով արտաքին շուկայի, հատկապես Ռուսաստանում վարդերի իրացման շուկայի զգալի մասը։
Վերը նշված արտոնություններին «Արմյանսկիյ ուրաժայ» կազմակերպությունը արժանացել է այն պատժառով, որ Կոտայքի մարզում կառուցված 11 հա ջերմոցային տնտեսությունում ընկերության նախատեսմամբ բարձր որակի հոլանդական վարդերի աճեցումը իրականացնելու համար ընկերությունը նախատեսում է ներդրումներ իրականացնել շուրջ 1.637 մլրդ դրամի չափով, որից մոտ 1.337 մլրդ դրամը կուղղվի սարքավորումներ ձեռք բերելուն։
Հարկ է նշել, որ ներդրումային ծրագրի իրագործման արդյունքում կստեղծվի մոտ 90 աշխատատեղ (ջերմոցային տնտեսության ամբողջական հզորությամբ աշխատելու դեպքում)՝ միջին աշխատավարձը կազմելով 2016թ.՝ 125 hազար, 2017թ.՝ 130 հազար եւ 2018թ.՝ 140 հազար դրամ։