Տիգրան Ավինյանի գրասենյակում աշխատանքի բովանդակությունը չի եղել կուսակցական, նորմալ է այլ քաղաքական հայացքներ ունենալը. «Քաղաքացու որոշում» կուսակցության անդամ Միքայել Նահապետյան

դ տեղում Արեգ Թադևոսյանն է ստացած ձայների թվով:

Այս մասին Tert.am-ին հայտնեց գործադիր մարմնի անդամ ընտրված, ՀՀ փոխվարչապետի պաշտոնակատար Տիգրան Ավինյանի նախկին օգնական Միքայել Նահապետյանը: «Վարչության անդամներն ընտրվել են բոլորի հավասար քվեարկությամբ, և ըստ կարգի՝ նրանցից, ով ավելի շատ անդամի քվե է ստանում, ինքնաբերաբար վարչության նախագահ է հանդիսանում»,-ասաց նա:

Վերջինս նշեց, որ առաջիկա օրերի ընթացքում որոշում կկայացվի ընտրություններին մասնակցելու առումով: Ինչ վերաբերում է դաշինքով մասնակցելու հավանականությանը, ապա նա ասաց, որ դեռևս ո՛չ իրենք են այդպիսի առաջարկ անելու մասին քննարկում ունեցել, ո՛չ էլ իրենց են դաշինք կազմելու վերաբերյալ առաջարկ ներկայացրել:

Միքայել Նահապետյանը նշեց, որ Տիգրան Ավինյանի գրասենյակում աշխատել է որպես կառավարության պաշտոնյա և կառավարության աշխատանքի մեջ մտնող պարտականությունները, աշխատանքի բովանդակությունը չեն եղել կուսակցական, այլ կազմակերպչական, և այդ առումով նորմալ է քաղաքական այլ հայացքներ ունենալը: Նա ասաց, որ մինչ աշխատանքի անցնելը հայտնել է, որ կուսակցական այսպիսի նախաձեռնություններ ունի:

Ինչ վերաբերում է «Քաղաքացիական պայմանագրին» ընդդիմադիր լինելու հարցին, ապա նա ասաց, որ մինչ այս կառավարության գործունեության արդյունքում եղել են քննադատության արժանի կետեր, և եղել են գովասանքի արժանի կետեր:

«Եղել են հայտարարություններ, որոնք ընդունելի և ողջունելի են, նոր շունչ են պարունակում իրենց մեջ, եղել են հայտարարություններ, որոնք իրենց բովանդակությամբ կրկնում են հին շունչը, հին տրամաբանությունը»,-ասաց նա և նշեց, որ քաղաքականությունը դինամիկ պրոցես է, և ՔՊ-ն ինչ-որ պահի կբյուրեղացնի իր հիմնական ուղերձները:

Նա թեև համաձայնեց՝ շատ լայն առումով ճանաչելիության խնդիր ունեն, սակայն նշեց, որ իրենց ճանաչում է որոշակի քաղաքականապես, առավել քաղաքացիական շրջանակ, և այդ շրջանակը կընդլայնեն և հանրության լայն շերտերի համար կդառնան ճանաչելի:

Հարցին, թե հաշվի առնելով, որ Հայաստանում բազմաթիվ կուսակցություններ կան, տարբեր գաղափարի,  «գույնի»՝ որն է լինելու ձեր գույնը այս կուսակցական ներկապնակում, Միքայել Նահապետյանը պատասխանեց. «Հիմնական երկու ուղերձ կա, առաջինը` սոցիալական արդարության, համերաշխության վրա հենված համընդհանուր բարեկեցության պետությունն է: Այսինքն՝ մենք ասում ենք, որ պետությունը պետք է գործընկեր լինի քաղաքացու համար նրա զարգացման ճանապարհին հավասարապես արդարացի կերպով, ոչ թե հարուստներից խլելով՝ աղքատներին տալ կամ հակառակը, այլ սերմանել բոլորին շարունակաբար դեպի զարգացում: Երկրորդը քաղաքական պատասխանատվության թափանցիկության, հաշվետվողականության ուղերձն է, որի ամենավառ դրսևորումն այն է, որ մեր գործադիր մարմնի նիստերն ուղիղ եթերով հեռարձակվելու են, և այդ պայմաններում ենք կայացնելու որոշումներ, քննարկումներ անելու»,-ասաց նա:

Ինչ վերաբերում է Սաակաշվիլու հետ կուսակցության առնչության քննարկումներին, ապա նա ասաց. «Ես կարծում եմ, որ այդ քննարկումներում կա՛մ միտում կա, կա՛մ հասունության խնդիր, որովհետև ՀՀ քաղաքացին Վրաստանի նախկին նախագահին կարող է վերաբերել այնպես, ինչպես ՀՀ քաղաքացին կարող է վերաբերել Վրաստանի նախկին նախագահին»,-ասաց նա և նշեց, որ լինել որևէ մեկի թարգմանիչը չի նշանակում լինել նրա բարեկամը կամ գործընկերը:

Նա նշեց, որ Հայաստանում Աթաթուրքի և այլ գործիչների գրքեր են թարգմանվել, որոնց հետ թարգմանիչը որևէ առնչություն չունի: «Սաակաշվիլու հետ երբևէ չեմ հարաբերվել, հարաբերվել եմ նրա իրավաբանական ներկայացուցչի հետ, ով լիազորված է եղել ստորագրել այն թույլտվությունը, որ ես կարող եմ նրա գիրքը թարգմանել»,-հավելեց նա: