Ամբողջական հավը այս եղանակով պատրաստելու դեպքում ստացվում է անչափ համեղ:
Սա կարող է դառնալ ձեր տոնական սեղանի զարդը, նաև երեկոյան ճաշի սեղանի շուրջ կհավաքի ընտանիքի անդամներին և ընտանեկան պատմության մեջ ևս մի հաճելի երեկո կգրանցվի:
Հյուրերը կհեռանան հիացած: Այս ուտեստը պատրաստելը ունի մի փոքրիկ գաղտնիք: Այն պատվում է թթու-քաղցր ջեմով: Այս դեպքում մենք օգտագործել ենք ծիրանի ջեմ:
Բաղադրիչներ
Հավ 1 հատ
Աղ 3 թեյի գդալ
Քարրի 0,5 թեյի գդալ
Համեմի սերմ 0,5 թեյի գդալ
Մշկընկույզ 0,3 թեյի գդալ
Բուսայուղ ըստ ճաշակի
Ծիրանի ջեմ
Կարագ 50 գ
Սխտոր 2 ատամիկ
Սոյայի սոուս 45 մլ
Պղպեղ ըստ ճաշակի
Պատրաստման եղանակը
Հավը կտրել կրծքամսի երկայնքով և հարթեցնել:
Խառնել աղը, քարրին, համեմի սերմը, մշկընկույզը, և այդ խառնուրդով լավ պատել հավը: Դնել սննդային թաղանթի մեջ և դնել սառնարանը 2-3 ժամ:
Սառնարանից դուրս բերել, դնել ջեռոցի տապակի վրա, և պատել բուսայուղով: Դնել ջեռոցը, եփել 20 րոպե 200 աստիճանի տակ, այնուհետև ջերմաստիճանը իջեցնել մինչև 170 աստիճան և եփել ևս 30 րոպե:
Կարագը հալեցնել, ավելացնել ծիրանի ջեմը, մանրացված սխտորը, պղպեղը, սոյայի սոուսը: Հավը դուրս բերել ջեռոցից և վրան քսել այդ ջնարակը: Այնուհետև կրկին դնել ջեռոցը և եփել 5 րոպե 200 աստիճանի տակ:
