Շրջված տուն. Այս կառույցը գտնվում է լեհական Շիմբարկ գյուղում և ստեղծվել է ճարտարապետ և նկարիչ Դանիել Չապյևսկու կողմից: Այս կառույցի յուրահատկությունը նաև կայանում է նրանում, որ իմիտացվում են նաև խոտը, հողը, որոնք քարե հիմքի վրա են: Սակայն տունը բավականին կայուն է և այնտեղ հնարավոր է ապրել: Այս տան կուռուցումը տևել է 114 օր: Չնայած տարօրինակ նախագիծը զարմանք էր առաջացրել մի շարք շինարարների մոտ, այնուամենայնիվ կառուցվել է համաձայն նախագծի: Այժմ այս տունը լեհական ամենահայտնի տեսարժան վայրերից մեկն է: 

Կոր տուն լեհական Սոպոտում: Այս տանը մշտական բնակություն են հաստատել հայտնի լեհ նկարազարդող Յան Մարսին Սզենսերը և շվեդ նկարիչ Պեռ Դախլբերգը: Տան շինարարությունը  սկսվել է 2003թ.ի հունվարին և ավարտին է հասցվել մեկ տարում: Այժմ տունը գրավում է մի շարք զբոսաշրջիկների ուշադրությունը:

Տուն-փորձություն. Այս կառույցը գտնվում է Տոկիոյի Միտակի ավանում, որտեղ տեղակայված է այսպես կոչված «Շրջվող բախտի» համալիրը, որը բաղկացած է 9 կոր և անհեթեթ տներից, որոնցից յուրաքանչյուրում բնակվելը վերածվում է փորձության: Այնտեղ անհասկանալի է որտեղ են գտնվում վարթակները, կամ զուգարանը, քանի որ ոչինչ իր տեղում չէ:

Մոլորակ-տուն. Այսպիսի շարժական տունը արաբ շեյխ Խամադի քմահաճույքն է, ով ԱՄԷ-ի թագավորական ընտանիքի անդամ է: Այն նախատեսված է անապատում ճամփորդելու համար: 1993թ.ին տունը հայտնվել է Գինեսի ռեկորդների գրքում: Բարձրությունը 12 մետր է, լայնությունը՝ 20մետր է: Երկրագնդի ներսում բնակելի տարածքը 4 հարկից է բաղկացած, որտեղ տեղավորվում են 4 ննջարան և 6 լոգարան: 

Գիրք-տունը  գտնվում է ԱՄՆ-ի Կանզասում: Այն ոչ միայն հետաքրքիր կառույց է, այն նաև հանդիսանում է նահանգի Կենտրոնական գրադարանը: Շինության նախագծման աշխատանքներին մասնակցել են նաև քաղաքի բնակիչները, ովքեր պետք է առաջարկեին գրքեր, որոնք այս կամ այն կերպ կապ ունեին Կանզաս-Սիթիի հետ: Հենց այդ գրքերն էլ ընտրվեցին գրադարանի համար: 

Տուն բանկնոտ Լիտվայում. Բացվել է 2008թ.ին և կոչվում է Office Center 1000: Կաունասում գտնվող թղտադրամի տեսք ունեցող այս կառույցը վարձակալվում է երկու բանկի կողմից: Ճակատամասին ձևավորման համար օգտագործվել են տարբեր չափի և ձևի 4500 հոլանդական ապակե սալիկներ: 

Պղպջակե տունը նախագծվել է հատուկ Պիեռ Կարդենի համար իր ընկեր Անտի Լովագի կողմից: Կառույցը ցույց է տալիս ժամանակակից ճարտարապետության բոլոր հնարավորությունները: Արդյունքում ստացվեց և գեղեցիկ, և բնակության համար շատ հարմարավետ տուն: 

Պարող տուն Պրահայում. Այս տունը նաև անվանում են վալս պարող: Տունը կառուցվել է Պրահայի պատմական կենտրոնում, սակայն այն խստորեն տարբերվում է քաղաքի ընդհանուր տեսքից: Ի սկզբանե պահպանողականները խստորեն դեմ էին այս շինության կառուցմանը, սակայն հետագայում այս կառույցը դարձավ 20-րդ դարի ճարտարապետությունների շարքում լավագույններից մեկը: 

Երկաթե տուն:  Ռոբերտ Բրունոն այս տան կառուցման վրա ծախսել է 110 տոննա պողպատ և 30 տարի: Չնայած նրան, որ տան մակերեսը 3000մ² է, այնտեղ բնակվել անհնար է:  

Պարկուճե (Капсульный) ամրոց. Այս կառույցը գտնվում է Ճապոնիայում, հեղինակը ճարտարապետ Կիշո Կուրիկովան է: Սա «հակիրճ» ճարտարապետության աշխարհում առաջին օրինակն է: Տունը բաղկացած է իրարից անկախ պարկուճներից կամ մոդուլներից: Այս կառույցի առանձնահատկությունը նրանում է, որ ամեն բաժին կարող է գործել բացարձակապես ինքնուրույն, բացի այդ հնարավորություն կա դրանք միմյանց հետ կապելու: