ՎԵՏՕ-ի տեսլականը և իրականացման որոշ գաղտնիքներ

Past.am

Վերջին օրերին ՎԵՏՕ շարժման օրակարգին միանալու նախաձեռնությամբ հանդես են գալիս հարյուրավոր մարդիկ: Միայն անցյալ շաբաթվա հանդիպումների արդյունքում մեզ իրենց աջակցությունը հայտնեցին երկու հարյուրից ավել երիտասարդներ: Մինչև օգոստոսի վերջ ՎԵՏՕ-ի նախաձեռնող խմբի գրաֆիկը գերծանրաբեռնված է հանդիպումներով: Այս ամենը հաշվի առնելով կարիք է առաջացել պարզաբանել որոշ կոնցեպտուալ հարցեր, որոնք առնչություն ունեն ՎԵՏՕ-ի նպատակների և գործիքակազմի հետ:ԵՒ այսպես, ՎԵՏՕ-ն դեռևս ամիսներ առաջ փաստերով ապացուցեց, որ ՀՀ տարածքում քսաներկու տարի շարունակ անխափան գործել է արտասահմանյան գործակալական ցանց, որը այս տարիների ընթացքում հավաքագրել է մեր երկրի ամենաստոր մարդկանց: Հավաքագրված գործակալները չունեն որևէ սրբություն: Նրանք հանուն փողի պատրաստ են եռանդով քանդել մեր պետականությունը, նսեմացնել Արցախյան հաղթանակները և հերոսներին, փառաբանել ադրբեջանցիներին, հերոսացնել մարդասպաններին, վարկաբեկել եկեղեցին, ոչնչացնել ընտանեկան արժեքները, առաջ տանել տրնսգենդեր մարմնավաճառների շահերը և այլն: Ինչպես արդեն նշեցի այս ցանցը գործում է մեր երկրում արդեն քսաներկու տարի: Այս ցանցի գործունեության համար հավասարաչափ մեղավոր են այդ տարիների բոլոր նախագահները: Որպես հավելում, նշեմ, որ անձամբ ես կատաղի, անզիջում և անհավասար պայքար եմ մղել այդ գործակալական ցանցի դեմ դեռևս երբ աշխատում էի ՀՀ ոստիկանությունում: Շնագայլերի ոհմակի հարձակումները իմ նկատմամբ պարբերական բնույթ են կրել իմ պաշտոնավարման տարիներին: 
Լավ, ի՞նչն է հարցը, ինչու հենց հիմա մենք սկսեցինք մեր գործողությունները, ինչու՞ հենց հիմա ՎԵՏՕ-ն վետո ներկայացրեց գործակալական ցանցին, միթե՞ այսօր չկան ավելի հրատապ խնդիրներ մեր պետության ներսում:Պատասխանեմ.
Բանն այն է, որ քսանմեկ տարիների ընթացքում Սորոսի գործակալական ցանցը ՀՀ տարածքում գործել է բացառապես ընդդիմադիր տրամաբանության շրջանակներում: Այսինքն արտասահմանյան գործակալական ցանցի հասցրած վնասները եղել են մինիմալ: Անձամբ ես եթե այդ տարիներին ազդեցություն ունենայի որոշումների կայացման վրա, կփորձեի մի քանի օրենսդրական փոփոխությամբ թուլացնել ու ՀՀ տարածքից դուրս մղել սորոսի վաստակներին, որովհետև ըստ իս պետության վնասը վնաս է՝նշանակություն չունի մեծ թե փոքր: Սակայն ցավոք ես երբեք չեմ ունեցել նման ազդեցություն, իսկ եթե անկեղծ լինեմ շատ հաճախ եղել եմ չհասկացված որոշում կայացնող մարդկանց մոտ, մարդկանց՝ ովքեր այսօր հետ հայացքով փոշմանում են, որ հինգ-վեց տարի առաջ ինձ ամբողջ թափով չեն աջակցել…Մեր օրերում արտասահամանյան գործակալական ցանցը ձեռք է բերել իշխանական լծակներ: Արտասահմանյան գործակալները այսօր ունեն այնքան հզոր լծակներ, որոնցով կարողանում են իրենց ցանկությամբ իրականացնել ամեն տեսակի պիղծ երևույթներ: Իմ կողմից հատվածային պայքարների օրինակները մշտապես ավարտվել են հաղթանակներով, սակայն հարցը հատվածային լուծում չունի: Հարցի լուծումը քաղաքական է:Հիշեցնեմ, որ սորոսականները որոշել էին բանտից ազատել և հերոսացնել վտանգավոր փսիխոպատ մարդասպանի, որը կանխվեց հանրային կոնսոլիդացիայի արդյունքում: Այդ հանցագործին հերոսացնելու համար նրա կինը ստացել էր Սորոսից տաս հազար դոլար գրանտ: Հետո Սորոսի փողերով տպված գրքերով փորձում էին մեր 3-6 տարեկան երեխաների սեռական գիտելիքների ավելացմամբ զբաղվել: Արդյունքը նույնը եղավ՝ սորոսի վաստակներին խայտառակեցինք, սսկվեցին…Հետո ադրբեջանասիրության քարոզն էր, հետո հարձակումները իրավապահների վրա, հետո սորոսական օրակարգի պարտադրումը, հետո տրանսգենդեր մարմնավաճառների աննախադեպ ակտիվությունը: Ի տարբերություն մեր իշխանությունների, սորոսականները ունեն հստակ օրակարգ: Նրանք իրենց հրահանգները ստանում են մեկ կենտրոնից ու առանց քննարկելու կատարում են: Սորոսականները ունեն իրենց մեդիածածկույթը: Այս տարիների ընթացքում կարողացել հանրային կարծիքի մանիպուլացման գործիքներ ստեղծել: Իհարկե վերջին ամիսներին մեր գործունեության արդյունքում սորոսական ԶԼՄ-ները զրկվել են հանրային աջակցությունից և հանրությունը հիմա մեծամասմաբ թույլ չի տալիս իրեն էշի տեղ դնել, բայց վտանգը դեռ կա:Հաշվի առնելով վերոգրյալը և շատ ու շատ այլ բաներ որոնցով այս պահին չեմ ցանկանում ձեր ուղեղները ծանրաբեռնել ՎԵՏՕ-ն հայտարարում է իր այս պահի դրությամբ գլխավոր խնդիրը և գլխավոր թիրախին:Այսօր հապաղելը հավասար է պետականություն կորցնելուն: Սորոսականները օրենսդրական փոփոխությունների մեծ փաթեթ են պարտադրում մեր իշխանություններին, որոնք անցկացնելուց հետո Հայաստանից Հ տառը կմնա: Տրանսգենդեր մարմնավաճառները, լայնորեն լուսաբանվող ահաբեկիչները, հերոսացվող մարդասպանները, պոռնոինդուստրիայի նախապատրաստվող 3-6 տարեկան հայ երեխաները, բռնաբարությունների մասին կեղծ նամակները, սրանք այս պահին աղետի տեսանելի մասերն են: Թաքնված հատվածը շատ ավելի մեծ է ու վտանգավոր: Այդ պատճառով մենք՝ ՎԵՏՕ շարժման նախաձեռնող խումբը իրականացնում է և էլ ավելի մեծ թափով իրականացնելու է ՀՀ-ում օտարերկրյա գործակալական ցանցի ՈՉՆՉԱՑՄԱՆ գործընթացը: Այս գործունեության ընթացքում սորոսի վաստակների կողմից իմ նկատմամբ բազմաթիվ քաղաքացիական և քրեական հետապնդումներ են իրականացվել, գիշերով խմբակային հանցավոր հարձակում և առևանգման փորձ է իրականացվել Սորոսի կողմից հիմնադրված և ֆինանսավորվող Ռեստարտ խուլիգանախմբի կողմից…Վերջում ի գիտություն.ՎԵՏՕ-ն հաղթելու է, մենք որևէ պարտություն առ այս պահը չունենք: Իշխանությունը այս թեմայի շուրջ ունի ընդամենը երկու տարբերակ՝1. Դուրս գալ սորոսականների ազդեցության տակից, զրկել գործակալական ցանցը իշխանական լծակներից, այսպիսով կանխելով պետականության և ինքնիշխանության կորուստը: Գիտեմ դժվար է, բայց անհնար չի: Այդ քայլով իշխանությունը և նրա մաս կազմող մարդիկ, իրենց կապահովագրեն ՀՀ պետականությունը կործանող դավաճանների պիտակներից, որը հակառակ պարագայում խոստանում եմ սերնդեսերունդ կփոխանցվի նրանց ողջ գերդաստանի վրա:2. Հեռանալ, հեռացվել սորոսականների հետ միասին…Որոշումը ձերն է, իրականացնողը կլինենք մենք՝ ՎԵՏՕ-ն: