ՊԱՏՄՈՒԹՅԱՆ ԱՅՍ ՕՐԸ (25 ՍԵՊՏԵՄԲԵՐԻ)․ Արցախի «Տատիկն ու պապիկը» «երիտասարդացել» են

ՏՈՆԵՐ

Մոզամբիկ՝ Հեղափոխության օր, Ֆրանսիա՝ Խարկիների հարգանքի ազգային օր (խարկիները ալժիրցի մուսուլման զինծառայողներ են):

ՀԱՅ-ՀԱՅԱՍՏԱՆ

1796 – ծնվել է բանաստեղծ, մանկավարժ, հասարակական-քաղաքական և եկեղեցական գործիչ, Հայ Առաքելական եկեղեցու Վիրահայոց թեմի առաջնորդ Հարություն Ալամդարյանը:

1939 –ծնվել է հայազգի մեծանուն բևեռախույզ, գիտնական, հասարակական-քաղաքական գործիչ Արթուր Չիլինգարովը:

1944 –վախճանվել է բանասեր, գրականագետ, բառարանագիր Մանուկ Աբեղյանը:

1944-ծնվել է քաղաքական, պետական գործիչ Բաբկեն Արարքցյանը:

1991-սկսվել է Ստեփանակերտի ռմբակոծությունը «Ալազան» հակակարկտային կայանքներով, որը շարունակվել է 120 օր:

1992- Ադրբեջանի և Հայաստանի միջև կնքվել է կրակի դադարեցման համաձայնագիր:

2005- ամերիկյան«Ֆորբս» հանդեսը գրել է, որ ամերիկահայ մեծահարուստ Քըրք Քըրքորյանը իր կարողությունը հասցրել է 10 միլիարդ դոլարի և ներկայումս 19-րդ հարուստ մարդն է աշխարհում:

2007-Հայաստանի նախագահ Ռոբերտ Քոչարյանը հայտարարել է, որ եթե Տեր-Պետրոսյանը մասնակցի առաջիկա նախագահական ընտրություններին, ապա կդառնա «շարքային ընդդիմադիր գործիչ»:

2013-ղարաբաղցի «Տատիկն ու պապիկը» «երիտասարդացել են»: Արցախի ամենահայտնի տեսարժան վայրը վերանորոգվել և բարեկարգվել է։

2017-Աբովյան քաղաքում գործող «Սիփան» պահածոների և ոչ ոգելից ըմպելիքների գործարանում տեղի է ունեցել պայթյուն, որի հետևանքով երկու քաղաքացի տեղափոխվել է հիվանդանոց:

ԱՇԽԱՐՀ

275 – վախճանվել է Հռոմի կայսր Ավրելիանոսը:

275 – Հռոմի Սենատը կայսր է հռչակել Տակիտոսին:

1066-կայացել է Ստամֆորդ-Բրիջի ճակատամարտը, որը վիկինգների՝ 200 տարի տևած «անգլիական արշավանքների» վերջին ճակատամարտն է. նորվեգական թագավոր Հարալդի բանակը գլխովին ջախջախվել է Գոդվինսոնի ղեկավարած անգլոսաքս բանակի կողմից:

1396– Նիկոպոլիսի ճակատամարտում թուրքերի կողմից կրած ջախջախիչ պարտությամբ ավարտվել է խաչակրաց վերջին լայնածավալ արշավանքներից մեկը:

1493– Քրիստափոր Կոլումբոսը սկսել է իր երկրորդ ճանապարհորդությունը դեպի Ամերիկա:

1513 —իսպանացի կոնկիսկադոր Վասկո դը Բիլբաոն իր ջոկատով հատել է Պանամայի պարանոցը և դարձել Խաղաղ օվկիանոս հասած առաջին եվրոպացին:

1555– ստորագրվել է Աուգսբուրգի հաշտությունը (Աուգսբուգի համաձայնագիր)՝ կնքված Աուգսբուրգ քաղաքում Սրբազան Հռոմեական Կայսրության կայսր Կառլոս 5-րդի և Շմալկալդինյան դաշինքի միջև։

1644 –ծնվել է դանիացի աստղագետ Օլե Ռյոմերը:

1683– ծնվել է ֆրանսիացի նշանավոր երգահան Ժան Ֆիլիպ Ռամոնը:

1789-ռուսական բանակի գեներալ-մայոր Դոն Խոսե դը Ռիբասը գրավել է թուրքական Հաջի-Բեյ ամրոցը (ներկայիս Օդեսա քաղաքը):

1818 -անգլիացի բժիշկ Ջեյմս Բլանդելը աշխարհում առաջին անգամ իրականացրել է արյան փոխներարկում մարդուց մարդուն: 

1897– ծնվել է ամերիկացի գրող, Նոբել յան մրցանակի դափնեկիր Ուիլ յամ Ֆոլքները: 

1906 –ծնվել է ռուս կոմպոզիտոր Դմիտրի Շոստակովիչը:

1926 -Հենրի Ֆորդն իր աշխատողների համար սահմանել է 5-օրյա աշխատանքային շաբաթ և 8-ժամյա աշխատանքային օր:

1932– ծնվել է կանադացի դաշնակահար, կոմպոզիտոր Գլեն Գուլդը:

1943-Երկրորդ համաշխարհային պատերազմի ընթացքում խորհրդային բանակը ազատագրել է Սմոլենսկը:

1949– ծնվել է իսպանացի ռեժիսոր, մեր օրերի նշանավոր կինոգործիչներից մեկը՝ Պեդրո Ալմոդովարը:

1956– շահագործման է հանձնվել տրանսատլանտյան հեռախոսային հաղորդալարը:

1968- ծնվել է ամերիկացի դերասանուհի, երգչուհի Քեթրին Զետա-Ջոնսը:

1970– վախճանվել է գերմանացի հանրահայտ գրող Էրիխ Մարիա Ռեմարկը:

1972 - Նորվեգիայում անցկացված հանրաքվեում ընտրողները մերժել են Եվրամիությանն անդամակցելը:

1974 - «Սայենս» ամսագրում առաջին անգամ բերվել են տվյալներ այն մասին, որ աէրոզոլները քայքայում են Երկրի օզոնային շերտը:

2002 -Ռուսաստանի Իրկուտսկի մարզի Մամսկո-Չույսկի շրջանի Մամա և Վիտիմս ավանների շրջանում ընկել է Վիտիմյան բոլիդը՝ ուղեկցված նշանակալի լուսային և ձայնային էֆեկտներով:

Կամո Խաչիկյան