ՊԱՏՄՈՒԹՅԱՆ ԱՅՍ ՕՐԸ (1 ՀՈԿՏԵՄԲԵՐԻ)․ Երևանում մեկնարկել են շուրջօրյա հանրահավաքներ

ՏՈՆԵՐ

Ծերերի համաշխարհային օր, Բուսակերության համաշխարհային օր, Բժիշկների համաշխարհային օր, Կամերուն՝ Միավորման օր, Կիպրոս՝ Անկախության օր, Չինաստան՝ ՉԺՀ-ի ստեղծման օր, Նիգերիա՝ Անկախության օր, Տուվալու՝ Տուվալուի օր, Ռուսաստան՝ Ցամաքային զորքերի օր, Ուզբեկստան՝ Ուսուցչի և դաստիարակի օր:

ՀԱՅԱՍՏԱՆ

1387- երկու տարի Հայաստանը ասպատակելուց հետո Լենկ-Թեմուրը վերադարձել է Սամարղանդ

1827- ռուս-պարսկական պատերազմի ժամանակ հայկական զորքերը Իվան Պասկևիչի գլխավորությամբ գրավել են Երևանի բերդը: Ընկել է պարսկական ամենաամուր ու վերջին հենակետը Հայաստանում: Գերի են վերցվել բերդի երեքհազարանոց կայազորը և Հասան խանը, առգրավվել է 100 թնդանոթ և մեծ քանակությամբ զենք-զինամթերք:

1866– ծնվել է նկարիչ Արշակ Ֆեթվաճյանը:

1878 –ծնվել է հեղափոխական, քաղաքական գործիչ Ստեփան Շահումյանը:

1883– վախճանվել է նշանավոր երգահան, երաժշտագետ, խմբավար և մանկավարժ Ռոմանոս Մելիքյանը:

1905 – վախճանվել է գյուղագիր, մանկավարժ, հրապարակախոս Արշակ Ագապյանը:

1924- ծնվել է գրող Շահեն Թաթիկյանը:

1992- ղարաբաղյան պատերազմի ժամանակ ադրբեջանցիները անհաջող փորձեր են կատարել Լաչինի միջանցքը զավթելու ուղղությամբ. մարտերը տևել են 19 օր:

1996-Հայաստանը դիվանագիտական հարաբերություններ է հաստատել Բահրեյնի հետ:

2010- հարյուրավոր թուրք ազգայնականներ նամազ են արել միջնադարյան հայկական մայրաքաղաք Անիի Մայր տաճարում: 

-Թուրքիայի տարածքում գտնվող Աղթամարի Սուրբ Խաչ եկեղեցում վերջապես տեղադրվել է խաչը:

2011- Երևանի Ազատության հրապարակում տեղադրվել է շուրջ երկու տասնյակ վրան. Հայաստանի առաջին նախագահ Լևոն Տեր-Պետրոսյանը հանրահավաքում ազդարարել էր շուրջօրյա հանրահավաքների մեկնարկի մասին:

2013-փակ գաղտնի քվեարկությամբ` 103 կողմ և 3 դեմ ձայներով Ազգային ժողովը Գևորգ Կոստանյանին հաստատել է գլխավոր դատախազի պաշտոնում:

2018 - հանքը շահագործող «Թեղուտ» ընկերության վարկային պարտավորությունների դիմաց Թեղուտի հանքավայրի կառավարումն ամբողջությամբ անցել է ռուսաստանյան ՎՏԲ բանկին։

2018 –վախճանվել է ֆրանսահայ նշանավոր երգիչ, երգահան, գրող, կինոդերասան և հասարակական գործիչ, մեծ շանսոնյե Շառլ Ազնավուրը:

ԱՇԽԱՐՀ

Մ.թ.ա. 331– տեղի է ունեցել Գավգամելայի ճակատամարտը, որը վճռորոշ էր Ալեքսանդր Մակեդոնացու բանակի և պարսկական թագավոր Դարեհ 3-րդի բանակների միջև պատերազմում: Մարտից հետո Աքեմենյան կայսրությունը դադարել է գոյություն ունենալ:

208 -ծնվել է Հռոմի կայսր Ալեքսանդր Սևերոսը:

1684 -վախճանվել է ֆրանսիացի դրամատուրգ Պիեռ Կորնելը, որը համարվում է «ֆրանսիական ողբերգագրության հայրը»: 1795 - Ֆրանսիան նվաճել է Բելգիան:

1847 -Վերներ ֆոն Սիմենսը և նրա եղբայրները Իոհան Գալսկիի հետ ստեղծել են «Telegraphenbauanstalt Siemens & Halske» ընկերությունը, որը ներկայումս հայտնի է որպես «Siemens AG»: Ընկերության գործունեության հետ են կապված այնպիսի նորարարություններ, ինչպես դինամո-մեքենան, տրանսատլանտյան հեռագրային կապը, տրամվայը, տրոլեյբուսը, էլեկտրաքարշը, լսողական սարքը, կարդիոստիմուլ յատորը և այլն:

1871 -ամերիկյան մորմոնների առաջնորդ Բրիգամ Յանգը ձերբակալվել է 16 կանանց հետ կենակցելու մեղադրանքով: 1880 - Թոմաս Էդիսոնը բացել է էլեկտրալամպերի առաջին գործարանը:

1881 -Ֆրանսիայում ստեղծվել է «Բորդո» ֆուտբոլային ակումբը:

1911- վախճանվել է գերմանացի փիլիսոփա Վիլհելմ Դիլթայը:

1912-ծնվել է ռուս գիտնական, պատմաբան-ազգագրագետ, պատմական և աշխարհագրական գիտությունների դոկտոր Լև Գումիլ յովը:

1924- ծնվել է Միացյալ Նահանգների 39-րդ նախագահ Ջիմի Քարտերը:

1927 –ծնվել է ռուս խորհրդային դերասան և ռեժիսոր Օլեգ Եֆրեմովը:

1930 - Կրեմլում բոլշևիկների կողմից պայթեցվել է 1365 թվականին կառուցված Չուդով եկեղեցին:

1949 – հայտարարվել է Չինաստանի Ժողովրդական Հանրապետության ստեղծման մասին:

1958 –վախճանվել է ռուս նկարիչ Ռոբերտ Ֆալկը:

1960 -ԽՍՀՄ-ում հոսքագծից իջել է առաջին «Զապորոժեցը», որը ժողովրդի մոտ ստացել է «սապատավոր» մականունը:

1964 -Ճապոնիայում շահագործման է հանձնվել առաջին արագընթաց մայրուղին՝ Տոկայդո-Սինկենսենը:

1969– բացվել է Պեկինի մետրոպոլիտենը, որը ներկայումս մեկ օրում տեղափոխում է մոտ 7 միլիոն մարդ:

1971 -ԱՄՆ-ի Ֆլորիդա նահանգում բացվել է աշխարհում ամենամեծ զվարճավայրը՝ «Դիսնեյ ուորլդը»:

1992-Լիտվայում շրջանառության մեջ է դրվել ազգային դրամը՝ լիտը:

-Ռուսաստանում սկսել են տրամադրել սեփականաշնորհման սերտիֆիկատներ՝ վաուչերներ:

1996 -ՄԱԿ-ի Անվտանգության խորհուրդը հանել է 1992 թվականից գործող պատժամիջոցները Հարավսլավիայի վրայից:

2009– վախճանվել է վրացի բանաստեղծ Օթար Ճիլաձեն:

2017-իսպանական Կատալոնիայում կայացել է անկախության հանրաքվե:

Կամո Խաչիկյան