Ինչո՞ւ ամերիկացիները չեն սիրում 2 դոլարանոց թղթադրամը

Այսօր երկու դոլարանող թղթադրամի դժար է հանդիպել, չնայած այն թողարկվում է 1775 թվականից ի վեր Նյու Յորքում և Հյուսիսային Կարոլինայում, իսկ որոշ նահանգներում նույնիսկ դրանից ավելի վաղ է թողարկվել: 

Օրինակ՝ Մերիլենդում այդ թղթադրամը գործածության մեջ է մտել 1770 թվականից: Այն ժամանակ միասնական արժույթ չկար, և ամերիկյան քաղաքացիական պատերազմի ընթացքում որոշ նահանգներ թողարկել են իրենց թղթադրամները, ներառյալ երկու դոլարանոցները: 

Դոլարի՝ որպես արժույթի վերջնական ձևավորումը ավարտվել է միայն 1929 թվականին, երբ փոխվել են այդ թղթադրամի չափերը և արտաքին տեսքը: 

Այդ ժամանակվանից ի վեր դոլարը միայն աննշան է փոխել իր դիզայնը: Երկու դոլար արժողությամբ թղթադրամի դիմերեսին Միացյալ Նահանգների երրորդ նախագահ, Անկախության հռչակագրի հեղինակ Թոմաս Ջեֆֆերսոնի դիմանկարն է, իսկ դարձերեսին՝ Ջոն Թրամբուլոնի կողմից ստեղծված «Անկախության հռչակագիր» կտավի արտատպությունը: 

ԱՄՆ-ում երկու դոլար արժողությամբ թղթադրամի շուրջ մի շարք առասպելներ և սնոտիական նախապաշարումներ կան: 

Անգամ որոշ նահանգներում երկու դոլարանոց թղթադրամով վճարում կատարելը կարող է խնդիրներ առաջացնել: 

Պարզապես այն ձեզանից չեն վերցնի: 1925 թվականին ԱՄՆ-ի կառավարությունը փորձել է շտկել իրավիճակը և մասսայականացնել երկու դոլարանոցը: 

Ի հավելումն այլ թղթադրամների, պետական ծառայողներին աշխատավարձ վճարելիս պարտադիր երկու դոլարանոցներ են տվել: 

Պետական ծրագրին միացել են նաև որոշ լրատվամիջոցներ իրենց քարոզչությամբ, սակայն այդ բոլոր փորձերը չեն բերել ցանկալի արդյունքի: 

Ամերիկացիները իրենց թշնամանքը երկու դոլարանոցի նկատմամբ բացատրում են մի շարք հանգամանքներով: 

Նախ՝ ընտրություններում ձայն առնելու գինը՝ ընտրակաշառքը, ժամանակին արժեցել է ուղիղ երկու դոլար (ինչպես Հայաստանում ժամանակին 5 000, ապա 10 000 դրամ էր): Ստացվում է, որ եթե ինչ-որ մեկի մոտ երկու դոլարանոց կա, նա ծախել է իր ձայնը: Երկրորդ՝ երկու դոլարով կարելի էր օգտվել մարմնավաճառի ծառայություններից, և եթե կնոջ մոտ երկու դոլարանոց լիներ, կարող էր դիտարկվել, որ մարմնավաճառ է: 

Եվ երրորդ՝ մրցավազքներում երկու դոլարը ընդունված խաղադրույքն էր, և եթե մարդու գրպանում երկու դոլարանոց կա՝ դա կարող էր վկայել նրա խաղամոլության մասին: 

Բացի այս ամենը, երկու դոլարանոց թղթադրամը շատ հաճախ առօրյա կյանքում կոչվում է «երկուսնոց» (deuce), որը անգլերեն ժարգոնում նաև նշանակում է սատանա: 

Ծայրահեղ սնահավատ մարդիկ երկու դոլարանոց ձեռքին ունենալու դեպքում պոկում են թղթադրամի մի անկյունը, որպեսզի պաշտպանեն իրենց անհաջողություններից: 

Նյութը հրապարակման պատրաստեց Past.am-ը