Աշխարհի հայտնի մարդիկ՝ Հայաստանի ու հայերի մասին

 Past.am-ը ներկայացնում է աշխարհի հայտնի մարդկանց թևավոր խոսքեր և մտքեր`  Հայաստանի ու հայերի մասին:

«Զոհաբերություն. հայոց պատմության անբաժանելի մասը: Ես անհամբեր սպասում եմ այն օրվան, երբ կհամբուրեմ հայոց հողը, որը տաքացել է այդքան շատ զոհերի արյունով»:

(Ջոն Փոլ)

«Եթե սուրբ գրությունները ճիշտ են ընկալվել, Հայաստանն այն վայրն է, որտեղ գտնվել է դրախտը: Բայց ինչ էլ լինի նրանց ճակատագիրը, որը ցավալի է եղել գալիքի համեմատ, նրանց երկիրը միշտ պետք է լինի աշխարհի ամենահետաքրքիրներից մեկը: Հայերենը Աստծո հետ խոսելու լեզուն է»:

(Ջորջ Բայրոն, անգլիացի բանաստեղծ)

«Հայերը պետք է լինեն մեր ուշադրության և ողջ աշխարհի ուշադրության կենտրոնում, որովհետեև նրանք հրաշալի մշակույթ ունեն, որը ստեղծվել է անկախություն վայելող հայերի կողմից դարեր շարունակ: Նաև նրանց բացառապես հարուստ գրականությունը, որը Հայաստանի փառահեղ ներդրումն է մարդկության գանձարանում»:

(Վալերի Բրյուսով, ռուս լեզվաբան)

«Ազգ, որի քրիստոնեական հավատն այնքան հին է, ազգ, ով երես չի թեքել Քրիստոսից նույնիսկ ամենաուժեղ փոթորիկներից ու ամենադաժան հալածանքներից հետո, որի պամությունը գրեթե անվերջ տառապանք է, անկասկած, արժանի է ոչ միայն մեր կարեկցանքին, այլև մեր սիրուն»:

(Մաքս Սաքս, Սաքսոնիայի արքայազն)

«Տպավորիչ տեսարան է բացվում մեր առաջ: Մենք թռչում ենք Հայաստանի ձյունապատ լեռների վրայով: Սա այն վայրն է, որտեղ Նոյը իջել է իր տապանով համաշխարհային ջրհեղեղի ժամանակ: Ականջակալների աղմուկի ու ձայների մեջ մենք լսեցինք հայ դիսպետչերի ձայնը՝ «բարի գալուստ, ընդունեք ողջույնները ամբողջ հայ ազգի կողմից»: Ձայնը այնքա՜ն անկեղծ սիրալիրություն ուներ: Երանի բոլոր երկրներն այդքան հյուրասեր լինեին»:

(Ռիչարդ Բրենսոն, անգլիացի գործարար, ով 1998-ին օդապարիկով թռել է Հայաստանի վրայով)

«Ես կարծում եմ, որ Երևանը, որ կառուցվել է հրաբխային տուֆից և վարդի նման ներդաշնակ է, աշխարհի ամենագեղեցիկ քաղաքներից մեկն է»:

(Փաբլո Ներուդա, 1971թ. գրականության նոբելյան մրցանակակիր)

«Ընդհանուր առմամբ, շատ քիչ բան է հայտնի եղել Հայաստանի մասին, թեև մշակութային առումով Եվրոպան պարտական է նրան շատ բաներում: Պատմության սաղմնավորման ժամանակ Հայաստանը քաղաքակրթության ակունքներից մեկն է եղել: Քրիստոնեական շրջանից հազարամյակներ առաջ Հայաստանի տնտեսությունը, արվեստները և հայտնի ավանդույթները այն աստիճանի են զարգացել, որ նրա մշակույթը քաջալերել է Եգիպտոսին, Հունաստանին ու Հռոմին նյութապես ու հոգեպես»:

(Էլիզաբեթ Բաուեր, ավստրիացի հայագետ)

«Իմ հիշողության մեջ Հայաստանը կմնա աննկարագրելի գեղեցկության երկիր»:

(Մարկո Քլեմենտե, Իտալիայի նախկին դեսպանը Հայատանում)

«Հայաստանը գրավիչ ու յուրահատուկ երկիր է զբոսաշրջության համար և առաջին հերթին իր անվտանգության ու կայունության շնորհիվ»:

(Ջայբրեյլ Բուտրոս Ջաարա, Լիբանանի նախկին դեսպանը Հայաստանում)

«Թեև ես գրում եմ անգլերեն, և չնայած այն փաստին, որ ես Ամերիկայից եմ, ինձ համարում եմ հայ գրող: Բառերը, որ ես օգտագործում եմ, անգլերեն են, շրջապատող իրերը, որոնց մասին ես գրում եմ, ամերիկյան են, բայց հոգին, որը ոգեշնչում է ինձ գրել, հայկական է: Սա նշանակում է՝ ես հայ գրող եմ և խորապես սիրում եմ այն փաստը, որ հայ գրողների ընտանիքի մի մասն եմ կազմում»:

(Վիլյամ Սարոյան)