Էջմիածնի ՋՕ ընկերությունում խառնաշփոթ է. Վարչության անդամները պահանջում են տնօրեն Սամվել Համբարձումյանի պաշտոնավարման շարունակություն

Ոռոգման ջրից օգտվող գյուղացիները մշտապես տուժող կողմ են դառնում , մի կողմից բնության աղետների ( կարկուտ , ցուրտ ) , մյուս կողմից մարդկային գործոնի պատճառով: Էջմիածնի ՋՕ ընկերության աշխատակիցները , վարչության խորհրդի անդամները ունեին անհանգստանալու հիմնավոր պատճառ:

Նրանք ստացել էին ծանուցագրեր , որում նշված էր , որ ջրօգտագործողն ունի պարտք օգտագործված ջրի դիմաց: Ընդ որում այդ պարտքերը սկսվում և ավարտվում էին այնպիսի խոշոր թվերով, որ կասկած էր առաջանում թե որտեղից է ստացվել այդ չափի գումարները : Առկա խնդրի շրջանակներում վարչության խորհրդի անդամները արտահերթ նիստ էին հրավիրել: Տասնհինգ հոգի անդամից ներկա էին տասներեքը:

Past.am-ի լրագրողը պատրաստակամությամբ մեկնեց նիստին ներկա գտնվելու , վիճելի խնդիրը լուսաբանելու նպատակով:

Արդեն ութ ամիս ՋՕ - ի տնօրեն աշխատող Սամվել Համբարձումյանը դուրս եկավ իր աշխատասենյակից , այն տրամադրելով խորհրդի անդամներին (օրենքն է այդպիսին տնօրենը չպետք է ներկա լինի քննարկմանը ) :

Արմավիրի մարզի Էջմիածին ՋՕ- ը սպասարկում է 50 գյուղ : Վարչության խորհրդի անդամները ընտրված էին հենց այդ գյուղերից իրենց գյուղացիների կողմից ու հույսով եկել էին նիստին, որպեսզի պայքարեն իրենց իրավունքների պաշտպանության համար:

Նրանց առողջ դատողությունները , հիմնավորված փաստերով քննարկումները , գործող տնօրենի աշխատանքից գոհ լինելը , թերևս ապացում էր մի կասկածելի հանգամանք , այստեղ ո՞ւմ է շահեկան ՋՕ - ի տնօրենից ազատվելու անսպառ ցանկությունը:

Խորհրդի նախագահ Բագրատ Հովհաննիսյանը նախապես ասաց , որ ներկա պահին ինքը հրաժարվում է նիստը վարել , քանի որ այն ոչ լեգիտիմ է, խորհուրդը պետք է լուծարել: Ապա հավելեց , որ ինքը օրեր առաջ նամակ է ստացել կանոնակարգող խորհրդից , որը ձևավորվել է նոյեմբերի 21- ին , հավանաբար կառավարության իմացությամբ : Սակայն Բաբկեն Հովհաննիսյանը չկարողացավ ցույց տալ իրեն ուղարկված նամակը , որն էլ հիմք դարձավ , որպեսզի այնուամենայնիվ ներկաները քվեարկություն ացկացնեն : 12 կողմ ձայնով ընտրեցին իրենց միանձնյա թեկնածուին , զուգահեռ կազմվեց արձանագրուն, նրանց ստորագրություններով, պահանջվող վայր ներկայացնելու համար:

Մոտ երկու ժամ տևած ժողովից պարզ էր մի բան ` ժողովրդի կողմից ընտրված խորհրդի անդամները միասնական կողմ էին գործող նախագահի պաշտոնավարման շարունակությանը , իսկ թե ում ձեռնտու չէ այդ անձի տվյալ պաշտոնում մնալը կփորձենք պարզել , կամ ժամանակը ցույց կտա:

Թերևս նշենք , մոտ 150 աշխատակից ունեցող հիմնարկը այս տարի կարողացել է նորմալ վճարել աշխատավարձերը , որոնք չէր եղել նախկին տնօրենների օրոք : Ժողովի մասնակիցների առանցքային խոսակցությունն այն էր , որ նրանք գիտակցում էին վերին ատյանների իշխող ուժը և այն, որ վերադասները կարող են նույնիսկ կանոնադրություն փոխել : Գյուղացիների միլիոների հասնող պարտքերի մասին խոսեցինք ՋՕ- ի տնօրեն Սամվել Համբարձումյանի հետ:

- Պրն. Համբարձումյան հնչեց խոսք , որ գյուղացի կա հող չունի , սակայն նրա վրա էլ են պարտք գրել , դա հնարավոր է՞ :

- Ես չեմ բացառում , որ այդպիսի դեպքեր եղած կլինեն: Անկողմնակալ լինելու համար ասենք , որ այդ ոչ օբյեկտիվ պարտքերը կուտակվել են տարիների ընթացքում նաև ջրբաշների ու նրանց ղեկավարների անփույթ , անբարեխիղճ աշխատանքի արդյունքում : Ինչպես նաև կլինեին դեպքեր , երբ դեր կխաղար ջրբաշի հետ ունեցած ընկերական , բարեկամական կապը , որից անվճար ջրով կօգտվեին որոշ գյուղացիներ:

Ի վերջո խնդրահարույց հարցին բազմակողմանի անդրադառնալու համար հեռախոսակապ հաստատեցինք ՀՀ ՏԿԵՆ ՋԿ- նախագահ Վարդան Մելքոնյանի հետ վերջինս էլ նշեց, որ գործուղման մեջ է եղել , երեկ ուշ ժամի է վերադարձել Հայաստան , սակայն տեղյակ է , որ Արմավիրի մարզի Էջմիածին ՋՕ- ում վարչության խորհրդի նիստ է եղել :