Ձեր ուշադրությանն ենք ներկայացնում կանացի թերությունների առաջին եռյակը՝ ըստ տղամարդկանց, որոնց կարծիքը պարզվել է վերջերս անցկացված մի հարցման արդյունքում։

 

 

 

1. Հիմարություն

 

Պարզվում է, որ կանանց հիմարությունը սխալ տեղաբաշխված գերակայություններն են։ Օրինակ՝ այն տեսակետը, որ եթե դու հրաշալի տեսք ունես, ուրեմն բոլորովին պարտադիր չէ, որ կարողանաս խոսակցություն վարել, լայն մտահորիզոն ունենալ, մտքերը շարադրելու ունակություն, կարևորը միայն լավ տեսքն է: Նույնը վերաբերում է նաև չարչրկված կանացի տրամաբանությանը, երբ անհասկանալի է, թե ինչու է օրինակ. «Սիրելիս, արի որևէ մեկին հյուր կանչենք» առաջարկին հաջորդում ոչ թե «Մենք պետք է ուտելիք գնենք», այլ «Դու հենց հիմա պետք է վարսավիրանոց գնաս» հետևությունը: Ընդ որում, կանայք կարող են թեկուզ երեք բարձրագույն կրթություն ունենալ ու գլխավոր տնօրենի պաշտոն, բաց միևնույն է լինել հիմար և հենց այդ հիմարությունն է նրանց հիմնական խնդիրը:

 

2. Անտեղի զգացմունքայնություն

 

Հարի Փոթերի մասին գրքում կերպարանափոխությունը մոգության ամենաբարդ տեսակն էր համարվում, բայց կանայք հեշտությամբ ճանճը փիղ են դարձնում, իսկ փիղը՝ մի մեծ մայրցամաք: Ընդ որում ցանկացած առիթով: Այս մասին հիշատակած տղամարդկանց կարծիքով առաջին և երկրորդ թերությունների համագումարը սարսափելի է և կարող է սարեր շուռ տալ: Վերջերս ինչ -որ տեղ մի պատմություն եմ կարդացել՝ աղջիկը մեքենայում սկանդալ էր սարքել, բացել դուռը, դուրս եկել մեքենայից ու սկսել փախչել: Տղամարդը, ինչպես վայել է տղամարդուն, վազել է նրա հետևից ու ընկել մեքենայի տակ: Եթե չընկներ մեքենայի տակ, եթե չվազեր, աղջիկը հավանաբար կվիրավորվեր: Իսկ հիմա այդ նույն աղջիկը հիվանդանոցում իր սիրելիին է խնամում ու խոստովանում, որ այդ վեճի պատճառը ինչ -որ անէական մանրուք էր: Պարզապես վիճելու ցանկություն ուներ:

 

3. Տրամադրության կտրուկ փոփոխություն

 

Կանայք ասես թմրամոլ լինեն: Քիչ առաջ ուրախ էր, իսկ հիմա հուզված հեկեկում է՝ բողոքում են հարցմանը մասնակցած տղամարդիկ: Առհասարակ, այս հատկանիշը վաղուց է համարվում կանացի վարքագծի էտալոնը՝ հիշո՞ւմ եք հայտնի երգի տողերը «Սիրելիս, փորձիր ինքդ կռահել»: Հորմոնների մասին որևէ բան բացատրելն անօգուտ է: Այո, իրոք կանանց հետ այդպես հաճախ է պատահում: Պատճառները կարող են շատ տարբեր ձևակերպումներ ունենալ « Աստված իմ, քիչ առաջ ինձ այնքան լավ էի զգում, որ սկսեցի ամաչել իմ երջանկությունից» կամ «այնքան լավ էր ամեն ինչ, ես հիշեցի, որ իմ նախկինի հետ էլ էր նույնքան լավ ու լացս եկավ, քանի որ կյանքում ամեն ինչ այնքան փոփոխական է, իսկ ես չեմ հասցնում հետևել այդ փոփոխություններին, չնայած, ըստ էության, ամեն ինչ նույնն է»: Իմ կարծիքով կանայք տարերային փիլիսոփաներ են: Տեսնում են մահացած թռչունի՝ ամբողջ օրը անտրամադիր են, մտախոհ, հանկարծ հիշել են կյանքի ունայնության մասին: