ՊԱՏՄՈՒԹՅԱՆ ԱՅՍ ՕՐԸ (17 ՀՈՒՆՎԱՐԻ). Հա­յաս­տա­նի և Վրաս­տա­նի մի­ջև կնքվել է չե­զոք գո­տի ստեղ­ծե­լու հա­մա­ձայ­նա­գիր

ՀԱՅ-ՀԱՅԱՍՏԱՆ

1791 –ծնվել է ֆրանսիացի հայագետ Անտուան Ժան Սեն-Մարտենը: 

1820- Թեհրանից վերադառնալիս Էջմիածին է ժամանել Ա. Ս. Գրիբոյեդովը (մնացել է մինչև հունվարի 19-ը): 

1894– ծնվել է բանաստեղծ, դրամատուրգ, գրականագետ, թարգմանիչ և պրոֆեսոր Տիգրան Հախումյանը: 

1917 - ծնվել է արձակագիր, թատերագետ, թարգմանիչ Իսահակ Ալավերդյանը: 

1919- Հայաստանի և Վրաստանի միջև կնքվել է չեզոք գոտի ստեղծելու համաձայնագիր, որը ենթարկվելու է անգլիական գեներալ-նահանգապետին: 

1921 - ծնվել է բժիշկ, վնասվածքաբան Սեպուհ Թումյանը: 

1924 - ծնվել է գծանկարիչ Ռաֆայել Նանուշյանը: 1930- Երևանում բացվել է Գրողների տունը: 

1939- անցկացվել է համամիութենական մարդահամար, ըստ որի, Հայաստանի բնակչությունը կազմել է 1 մլն 282 հազար մարդ, որից 1 մլն 62 հազարը՝ հայ, 130 900-ը՝ ադրբեջանցի, 51 400-ը՝ ռուս, 20 500-ը՝ քուրդ: Երևանն ունեցել է 200 031 բնակիչ: 

1952- Հայաստանի ԳԽ հրամանագրով ստեղծվել են Երևանի, Կիրովականի և Լենինականի օկրուգները: 

1979- սկսվել է համամիութենական հերթական մարդահամարը: 

1992-Հայաստանը դիվանագիտական հարաբերություններ է հաստատել Մեքսիկայի և Արգենտինայի հետ: 

2001-Եվրոպայի խորհրդի նախարարների պատվիրակների կոմիտեի նիստը միաձայն որոշում է կայացրել Հայաստանի և Ադրբեջանի ԵԽ լիիրավ անդամակցության վերաբերյալ: 

2005- ուժի մեջ է մտել Երևանի քաղաքապետարանի որոշումը փողոցային առևտուրն արգելելու մասին, որի կիրառումն ամանորյա տոների կապակցությամբ մայրաքաղաքի որոշ փողոցներում ժամանակավորապես հետաձգվել էր: 

2006-Իրաքում գրոհայինների կողմից շուրջ 130 օր պատանդ պահված կիպրոսահայ Կարապետ Ջեքերջյանը վերադարձել է Նիկոսիա: 

2007- ամերիկյան Կոնգրեսի շենքում՝ Կապիտոլիումում ցուցադրվել է «Ճչացողները» (Screamers) փաստավավերագրական ֆիլմը, որը պատմում է ինչպես Մեծ եղեռնի, այնպես էլ աշխարհում տեղի ունեցած մյուս ցեղասպանությունների մասին: 

2008- վախճանվել է Hay FM ռադիոկայանի հիմնադիրներից մեկը հանդիսացող, Հայաստանի հանրային հեռուստատեսության «Բարի ախորժակ» հաղորդման վարող Սեդրակ Դավիդյանը (DJ Սեդրակը): 

- իր տան մոտ անհայտ անձանց կողմից ծեծի է ենթարկվել գրող և հրապարակախոս Ռոբերտ Կարայանը:

 2014- Հայաստանում ռուսական ռազմակայանում, բացի կործանիչներից, ստեղծվել է Ми-24П, Ми-8МТ, Ми-8СМВ ուղղաթիռների էսկադրա: 

2015- Երևանի կենտրոնում ծեծի է ենթարկվել քաղաքացիական ակտիվիստ Վիլեն Գաբրիելյանը, որը սոցիալական ցանցերում ներկայանում է «Նավակ ճոճողը» անունով։ 

2017-Գագիկ Ծառուկյանը բացել է իր «քաղաքական գործունեության փակված էջը» և հայտարարել, որ մասնակցելու է առաջիկա ընտրություններին՝ ձևավորելով լայն դաշինք:

ԱՇԽԱՐՀ

395 – Հռոմեական Կայսրությունից բաժանվել է Բյուզանդական Կայսրությունը: 

1462 -պորտուգալացի նավագնաց Դիեգո Ալֆոնսոն Ատլանտիկ օվկիանոսում հայտնաբերել է Սանտու-Անտան (Կաբո-Վերդե) կղզին: 

1562 -ուժի մեջ է մտել Սենժերմենյան վճիռը, որը պաշտոնապես ճանաչում է հուգենոտների իրավունքը Ֆրանսիայի տարածքի նկատմամբ: 

1706 –ծնվել է ամերիկացի քաղաքական գործիչ Բենջամին Ֆրանկլինը: 

1773 -նավապետ Ջեյմս Կուկի Resolution նավը դարձել է առաջինը, որ հատել է Հյուսիսային բևեռային շրջանը: 

1820 –ծնվել է անգլիացի գրող և պոետ Էնն Բրոնտեն: 1860 –վախճանվել է ֆրանսիացի նկարիչ Դոմինիկ Էնգրը: 

1863- ծնվել է ռուս դերասան, ռեժիսոր Կոնստանտին Ստանիսլավսկին: 1912 -նորվեգացի բևեռախույզ Ռաուլ Ամուդսենից մեկ ամիս անց բրիտանացի ճանապարհորդ Ռոբերտ Սքոթը հասել է Հարավային բևեռ: 

1913 - Ռայմոն Պուանկարեն ընտրվել է Ֆրանսիայի նախագահ: 1920 -Խորհրդային Ռուսաստանում պաշտոնապես վերացվել է մահապատիժը: 

1933 - ծնվել է երգչուհի Դալիդան: 1942– ծնվել է ամերիկացի աշխարհահռչակ բռնցքամարտիկ Մուհամեդ Ալին։ 

1959 -Սենեգալը և Ֆրանսիական Սուդանը կնքել են Մալիի Դաշնություն ստեղծելու համաձայնագիր: 

1961– ծնվել է վրացի նշանավոր շախմատիստուհի Մայա Չիբուրդանիձեն: 

1961 - վախճանվել է Կոնգոյի Հանրապետության ազատագրական շարժման գործիչ Պատրիս Լումումբան: 

1962– ծնվել է կանադացի հանրահայտ կատակերգակ դերասան Ջիմ Քերրին: 

1966– Իսպանիայի օդային տարածքում լիցքավորում կատարելիս իրար են բախվել իսպանական KC-135 տանկերը և ամերիկյան B-52G մակնիշի կործանիչը, որի մեջ եղել է ջերմամիջուկային ռումբ: 

1991– Պարսից ծոցի պատերազմի ժամանակ սկսվել է «Փոթորիկ անապատում» ռազմական գործողությունը: 

1995 -ճապոնական Կոբե քաղաքում տեղի է ունեցել հզոր երկրաշարժ, որի արդյունքում զոհվել է մոտ 6400 մարդ: 

2002– Կոնգոյի Դեմոկրատական Հանրապետությունում ժայթքել է Նիարագոնգո հրաբուխը, որի հետևանքով զոհվել է 147 մարդ, մոտ 120 000-ը մնացել է անօթևան: 

2008 -վախճանվել է աշխարհի շախմատի չեմպիոն Ռոբերտ Ջեյմս Ֆիշերը:

 Կամո Խաչիկյան