Չայլափոխե՛լ ԲՀԿ դիրքորոշումը. Կոչ իշխանություններին և արտախորհդարանական որոշ ուժերին.Շաքե Իսայան
POLITICS -Այսօրվանից մեկնարկում է քարոզարշավը, և փաստացի քաղաքական ուժերից որևէ մեկը «ոչ»-ի շտաբ չձևավորեց: Ի՞նչ եք կարծում, դրանից քարոզարշավի բովանդակությունը կայլափոխվի՞:
-Ինչ վերաբերում է քարոզարշավի ընթացքին, այն միայն այսօր է մեկնարկել, և քարոզարշավի որակն ու բովանդակությունը կարծում եմ հընթացս պարզ կլինի: Մեր կուսակցությունը այլ քաղաքական ուժերի հետ այս հարցում զուգահեռներ չունի, մեր դիրքորոշումը որևէ կերպ նույնական չէ այլ ուժերի դիրքորոշման հետ: Եվս մեկ անգամ ուզում եմ ընդգծել մեր կուսակցության՝ ի սկզբանե ունեցած կառուցողական մոտեցումն այս հարցում, երբ, հայտարարեցինք, որ հանրաքվեի գաղափարը մեզ համար ընդունելի է և իրավական խութերը միասնաբար հաղթահարելու կոչով հանդես եկանք: Ցավոք, մեր կոչը մնաց անարձագանք, այս դեպքում հանրաքվեին չմասնակցելը ԲՀԿ կողմից, կարծում եմ, միանգամայն հասկանալի և ընկալելի որոշում էր: Ես ևս մեկ անգամ պետք է խնդրեմ, որ մեր կուսակցության դիրքորոշումը որևէ կերպ չասոցացվի, ավելին՝ հստակ տարանջատվի գործընթացին չմասնակցելու որոշում կայացրած մյուս ուժերի դիրքորոշումներից: Եվ թե՛ իշխանություններին, թե՛ արտախորհրդարանական որոշ ուժերին կոչ կանեի զերծ մնալ ԲՀԿ դիրքորոշումը այլափոխելու փորձերից: Ի վերջո, պետք չէ մութ սենյակում սև կատու փնտրել: