ՊԱՏՄՈՒԹՅԱՆ ԱՅՍ ՕՐԸ (19 ՓԵՏՐՎԱՐԻ). Եր­կու ան­գամ նա­խա­գահ է ընտր­վել Սերժ Սարգ­սյա­նը

ՏՈՆԵՐ

Կետ ձկան համաշխարհային օր, Թուրքմենստան՝ Դրոշի օր, Իսլանդիա՝ Կանանց օր, Հայաստան՝ Գիրք նվիրելու օր, Հնդկաստան՝ Շիվաջիի օր, Մեքսիկա՝ Զինված ուժերի օր, Ղըրղըզստան՝ ֆինանսական ոստիկանության օր, Թուրքմենստան՝ Պետական դրոշի օր։

ՀԱՅ-ՀԱՅԱՍՏԱՆ

1851- Թավրիզում հիմնադրվել է Արամյան դպրոցը։ 

1869 - ծնվել է Ամենայն հայոց բանաստեղծ Հովհաննես Թումանյանը։ 

1878– կնքվել է Սան Ստեֆանոյի պայմանագիրը, որի 16-րդ հոդվածով Օսմանյան կայսրությունը պարտավորվում էր բարեփոխումներ անցկացնել հայաբնակ մարզերում։ 

1885 - ծնվել է կինոդերասան, սպա Արշավիր Շահխաթունին։ 

1928– վախճանվել է նշանավոր ռազմական գործիչ, գեներալ Թովմաս Նազարբեկյանը։ 

1946 - ծնվել է ֆրանսահայ դիզայներ Ալեն Մանուկյանը։ 

1992- Հայաստանը դիվանագիտական հարաբերություններ է հաստատել Հյուսիսային Կորեայի, Հարավային Կորեայի և Մոնղոլիայի հետ։ 

1992- Ղարաբաղյան պատերազմի ժամանակ առաջին անգամ օդում հայտնվել են ադրբեջանական ուղղաթիռներ, որոնք հարվածներ են հասցրել Կարագալի գուղի դիրքերի վրա։ 

2003- պարզվել է, որ, ըստ նախնական տվյալների, Հայաստանի նախագահական չորրորդ ընտրություններում երկրորդ փուլ են դուրս եկել գործող նախագահ Ռոբերտ Քոչարյանը և ընդդիմության միացյալ թեկնածու Ստեփան Դեմիրճյանը։ 

2004-Բուդապեշտում ադրբեջանցի զինծառայող Ռամիլ Սաֆարովը գիշերը կացնահարել է քնած հայ սպա Գուրգեն Մարգարյանին։ 

2008-տեղի են ունեցել Հայաստանի նախագահական ընտրություններ։ Ընտրություններին մասնակցած 9 թեկնածուների մեջ են եղել ՀՀ առաջին նախագահ Լ. ՏերՊետրոսյանը և վարչապետ Սերժ Սարգսյանը. առաջին փուլով նախագահ է ընտրվել Սերժ Սարգսյանը։ 

2013- ամփոփվել են Հայաստանի նախագահական ընտրությունների նախնական արդյունքները, որոնց համաձայն, Սերժ Սարգսյանը վերընտրվել է` ստանալով քվեների 58,64 տոկոսը: Րաֆֆի Հովհաննիսյանն ստացել է ձայների 36,75 տոկոսը:

ԱՇԽԱՐՀ

197– տեղի է ունեցել Լուգդունի ճակատամարտը Հին Հռոմի կայսրեր Կլոդիուս Ալբինուսի և Սեպտիմիուս Սևերուսի միջև, որի արդյունքում Կլոդիուս Ալբինուսը սպանվել է։ 

356 - Կոստանդիոս 2-րդ կայսրի հրամանագրով Հռոմում փակվել են հեթանոսական տաճարները:

1473 -ծնվել է գերմանացի աստղագետ, մաթեմատիկոս, մեխանիկ, աշխարհի հելիոցենտրիկ կառուցվածքի վարկածի հեղինակ Նիկոլայ Կոպերնիկոսը։ 

1525 -ծնվել է հոլանդացի (նիդերլանդացի) և ֆրանսիացի բուսաբան, սոխուկային բույսերի հոլանդական արդյունաբերության հիմնադիր Կարլ Կլուզիսը։ 

1743 –ծնվել է իտալացի կոմպոզիտոր Լուիջի Բոկերինին։ 

1800 -Նապոլեոն 1-ին Բոնապարտը իրեն հայտարարել է Ֆրանսիայի առաջին կոնսուլ։ 

1855 -ֆրանսիացի մաթեմատիկոս և աստղագետ Ուրբեն Լևերիեն Փարիզի գիտությունների ակադեմիայում ներկայացրել է աշխարհում առաջին եղանակի քարտեզը, որը եղել է առավոտյան եղանակի կանխատեսում Եվրոպայի համար։ 1878 -ամերիկացի գյուտարար Թոմաս Էդիսոնը արտոնագրել է ֆոնոգրաֆը։ 

1897 –վախճանվել է գերմանացի մաթեմատիկոս Կարլ Վեյերշտրասը։ 

1905– սկսվել է Մուկդենյան ճակատամարտը, որը ռուս-ճապոնական պատերազմի նշանավոր մարտերից մեկն է։ 

1915– Առաջին համաշխարհային պատերազմի ժամանակ սկսվել է Դարդանել յան գործողությունը։ 

1928-տեղի է ունեցել երկրորդ Ձմեռային օլիմպիական խաղերի փակումը (Սանկտ Մորից, Շվեյցարիա) 

1938 -վախճանվել է գերմանացի մաթեմատիկոս Էդմունդ Լանդաուն, որը զգալի ավանդ ունի թվերի տեսության ստեղծման գործում։ 

1948 - ծնվել է անգլիացի կիթառահար Թոնի Այոմին։ 

1951– վախճանվել է ֆրանսիացի գրող, դրամատուրգ, բանաստեղծ, Նոբելյան մրցանակի դափնեկիր Անդրե Ժիդը։ 

1954 - Ղրիմի մարզը Ռուսաստանի կազմից փոխանցվել է Ուկրաինայի կազմ։ 

1981 - ծնվել է ռուս երգիչ-երգահան Վիտասը։ 1984-տեղի է ունեցել 14-րդ Ձմեռային օլիմպիական խաղերի փակումը (Սարաևո, Հարավսլավիա)։ 

1986– տիեզերք է ուղարկվել «Միր» խորհրդային ուղեծրային կայանը։ 

2000-վախճանվել է քաղաքական գործիչ, պրոֆեսոր, Սանկտ Պետերբուրգի նախկին քաղաքապետ Անատոլի Սոբչակը։

 2003 -Կերմանի մոտ (Իրան) վթարվել է Իսլամական հեղափոխության պահապանների Ил-76МД ինքնաթիռը, զոհվել է 275 մարդ։ 

2006 - Մեքսիկայում ածխահանքում մեթանի պայթյունից զոհվել է 65 ածխահատ: 

2008-տեղի է ունեցել բազմանպատակ կործանիչ Су-35БМ-ի առաջին թռիչքը։ 

-Կուբայի առաջնորդ Ֆիդել Կաստրոն հայտարարել է մեծ քաղաքականությունից հեռանալու մասին։ 

2019 - վախճանվել է գերմանացի մոդելիեր, լուսանկարիչ, կոլեկցիոներ և հրատարակիչ Կարլ Լագերֆելդը։