Yerevan, 21.November.2026,
00
:
00
BREAKING

Վարդան Սարգսյանը՝ վտանգավոր ճանապարհորդությունների, «Խենթ» երգը Ռաֆոյի հետ նորովի ներկայացնելու եւ TikTok-ում գրանցած ռեկորդի մասին

LIFE

Վարդան Սարգսյանի «Աշխարհի համերով» եւ «Տնից հեռու» հաղորդումները շուտով հասանելի կլինեն ոչ միայն հայ, այլեւ օտարազգի ճամփորդասերների համար: Հաղորդավարը մտադիր է դրանք ներկայացնել նաեւ ռուսերեն եւ անգլերեն հնչունավորմամբ: Իսկ նման մտահաղացման առիթ է հանդիսացել այլազգիների ուշադրությունը հայկական հաղորդման նկատմամբ: Վարդանը նշում է, որ իրեն հատկապես զարմացրել է Tik Tok-ում իր անգլալեզու տեսանյութերի ռեկորդային դիտողականությունը: Հաղորդման հատվածներից մեկը հավաքել է 7, իսկ մյուսը՝ 8 միլիոն դիտում:

Ի դեպ, այս շրջանում դեռեւս եթերում են հաղորդաշարերի նոր եթերաշրջանների թողարկումները, որոնք յուրաքանչյուր շաբաթ հեռուստադիտողին ներկայացնում են հաղորդավարի վտանգավոր արկածները: NEWS.am STYLE-ը Վարդան Սարգսյանի հետ զրուցել է ներկայիս առօրյայի, ամենավտանգավոր ճանապարհորդության, Ռաֆայել Երանոսյանի հետ համագործակցության եւ նոր ծրագրերի մասին:

Վարդան, վերջին տարիներին եղե՞լ էր, որ 2 ամսից ավել չճանապարհորդեի՞ր:

Ես վերջին երեք տարիների ընթացքում չեմ հիշում ոչ միայն երկու ամիս, այլեւ, առհասարակ, մի դեպք, որ 20 օրից ավել որեւէ նոր երկիր չմեկնեմ: Սովորաբար կամ նկարահանումներ եմ ունենում, կամ` խմբային տուրեր: Անցած տարի ամեն ինչ այնքան ծանրաբեռնված էր, որ անգամ օրեր են եղել, որ «Զվարթնոց» օդանավակայան ժամանելուն պես ունեցել եմ նոր թռիչք: Բնականաբար, այս առօրյան ինձ համար շատ անսովոր է: Ժամանակին երազում էի, որ գոնե մեկ շաբաթ կարողանայի մնալ տանը, ընտանիքիս հետ ժամանակ անցկացնել, բայց ինչպես ասում են` պետք է մտածել` ինչի մասին ես երազում (ծիծաղում է):

Ե՞րբ ես վերջին անգամ ճամփորդել, ո՞ր երկիրն էր:

Նկարահանումների եմ մեկնել փետրվարին, 21 օր հետո, երբ վերադարձա, երեք օր անց խմբային ճանապարհորդություն ունեցա Հնդկաստանում: Վերադարձել եմ փետրվարի 28-ին, ու ճանապարհները փակվեցին: Իսկ նկարահանումների շրջանակում եղել եմ Նոր Գվինեայում, Բալիում, Ինդոնեզիայում, Վիետնամում... Պետք է մեկնեի նաեւ Սինգապուր, բայց կորոնավիրուսի պատճառով չստացվեց:

Գործի բերումով, կարծես, երկար ժամանակ չէիր ունենում պասիվ կյանքի համար. արդյոք այս պասիվությունը ներքուստ քեզ պե՞տք չէր:

Պասիվությունն ինձ պետք էր, բայց ոչ այսքան երկար: 10-15 օրը բավական կլիներ ինձ համար, չնայած` հիմա էներգիաս այնքան է կուտակվել, որ կարծում եմ` երբ ամեն բան ուղղվի, արդեն ինձ օրվա մեջ երեք կամ, գուցե, ավելի շատ ինքնաթիռ պետք կգա (ծիծաղում է): Հունիսի կեսերից արդեն ծրագրված են իմ բոլոր ճանապարհորդությունները, բայց դեռ հարց է` կստացվի՞ դրանք իրականցնել, թե՞ ոչ: Իսկ դադարն ուներ նաեւ իր դրական կողմերը. ես շատ վաղուց չէի հասցնում զբաղվել նաեւ իմ յութուբյան էջով, չնայած` տեսանյութերը հրապարակվում են եւ հիմա, նույնիսկ, ավելի մեծ տարածում են գտնում, հետեւորդները կրկնապատկվել են, ռեյթինգը` բարձրացել: Ակտիվացել են նաեւ ֆեյսբուքյան ու ինստագրամյան էջերը: Մարդիկ տանն էին, ազատ ու ավելի մեծ հետաքրքրությամբ էին հետեւում նախագծին:

Աշխարհի տարբեր ծայրերում, համոզված եմ, ունես ընկերներ: Հետաքրքրվո՞ւմ ես` տարբեր տեղերում ինչպե՞ս է կյանքն անցնում այս շրջանում:

Իհարկե, աշխարհի տարբեր կետերում ունեմ ընկերներ, ու ամեն օր գրվում ենք միմյանց հետ. նրանցից շատերը զբոսավարներ են կամ աշխատում են տուրիստական ոլորտում: Հետաքրքիրն այն է, որ ամեն անգամ խոսակցության վերջում միմյանց ասում ենք՝ «Քեզ լավ կնայես»: Իրականում այս վիրուսն ամենածանրն անդրադարձել է տուրիզմի եւ այն մարդկանց վրա, որոնք աշխատում են այս ոլորտում: Այսօր նրանք չեն աշխատում եւ երեւի՝ կսկսեն աշխատել ամենավերջինը: Չամփորդելու համար նախ՝ պետք կլինի, որ իրավիճակը հարթվի, բացի այդ՝ որ մարդիկ գումար ունենան այն իրականացնելու համար:

Դեռ նոր թողարկումներ մնացե՞լ են «Տնից հեռու» եւ «Աշխարհի համերով» հաղորդումների համար:

Ընդհանրապես ես տարվա մեջ երկու անգամ եմ գնում նկարահանումների ու գնում են երկար օրերով: Այս անգամ էլ, ինչպես նշեցի՝ 21 օրով էի գնացել. 16  հաղորդում նկարահանել ենք «Արմենիա TV»-ի «Աշխարհի համերով» նախագծի համար, իսկ 12-ը՝ ATV-ի «Տնից հեռու»-ի համար: Դեռ մոտ 8 հաղորդում է հեռարձակվել «Արմենիա TV»-ով, մոտավորապես այդքան էլ՝ ATV-ով: Դեռ երկու ամսվա համար ունենք նկարահանած թողարկումներ: Եթերի խնդիր չունենք, մոնտաժային աշխատանքներն իրականացնում ենք շատ ինտենսիվ կերպով, հասցնում ենք ամեն ինչ: Եթերաշրջանը կավարտվի հուլիսին, որից հետո ինչպես ընդունված է այդ շրջանում՝ կլինեն կրկնություններ: Մյուս նկարահանումները նախնական դրությամբ ծրագրված են սեպտեմբերին: Ամեն ինչ կախված կլինի նրանից, թե որ երկրում ավելի ապահով կլինի նկարաանումներ իրականացնելու համար:

Մտածե՞լ ես ինչ-որ ալտերնատիվ տարբերակ հաղորդման համար:

Չեմ կարծում՝ մինչեւ սեպտեմբեր չլինեն բաց երկրներ, որտեղ կկարողանամ նկարահանումներ իրականացնել: Եթե, օրինակ, Եվրոպան բաց լինի, այնտեղ նկարահանումներ կանեմ, կգտնվի ինչ-որ մի երկիր, որտեղ կկարողանանք մեկնել: Չեմ անհանգստանում ու ալտերնատիվ տարբերակներ չեմ մտածում, ուղղակի բախտս բերեց այն առումով, որ նկարահանած նյութեր շատ ունեի եւ մինչ ամռան կեսը կունենանք նոր թողարկումներ:

Վերջին եթերաշրջանը, կարծես, ամենավտանգավորն էր: Քո գաղափա՞րն էր տարբեր ցեղերին այցելելը:

Բոլոր նկարահանուների մտահաղացումն իմն է՝ ինքս եմ որոշում՝ որտեղ գնալ եւ ինչ նկարել: Ես սիրում եմ նկարահանել այն ամենը, ինչը կարող է լինել հետաքրքիր: Տարբեր վայրեր մեկնելուց առաջ արդեն պատկերացնում եմ այդ ամենը եթերում, թե որքանով մարդկանց հետաքրքիր կլինի եւ այլն: Կարծում եմ՝ ծրագիրը հենց դրանով է գրավում մարդկանց ու լինում այդքան ռեյթինգային: Ընհանրապես ռեկորդային թվեր ենք գրանցում  նաեւ Facebook-ում. տեսանյութեր կան, որոնք, գրեթե, հասնում են 1 միլիոն դիտումի, ինչը Հայաստանի պայմաններում, իսկապես, լուրջ թիվ է: Ինչ վերաբերում է եթերաշրջանի վտանգավոր լինելուն՝ ես փորձում եմ այնպես անել, որ ամեն նորը լինի էլ ավելի վտանգավոր ու օրիգինալ, որպեսզի երբ հաջորդը նկարահանեմ, ինձ գրեն, որ սա ամենավտանգավոր եթերաշրջանն էր, որովետեւ, եթե սկսես ավելի թույլ բաներ նկարել, բնական է՝ ծրագիրն այլեւս այդքան գրավիչ չի լինի հեռուստադիտողի համար:

Այս եթերաշրջանում ներկայացնում ես Պապուա Նոր Գվինեան. ինչպե՞ս են անցել նկարահանումները:

Ես, առհասարակ, վաղուց էի ցանկանում հայտնվել Պապուա Նոր Գվինեայում, սակայն գիտակցում էի՝ որքան դժվար կլինի այդ ճանապարհորդությունը, բացի դրանից՝ այն բավական թանկ արժե: Տարիներ անց կարողացա իրականացնել այդ շրջագայությունն, ու այն,  ինչ նկարահանեցին, վտանգավոր էր, բայց նաեւ՝ ավելի հետաքրքիր: Կան բաներ, որոնք մտածում եմ որոշակիորեն փոփոխել: Օրինակ՝ ինձ շատ են գրում, որ 25 րոպեն կարճ է այս ծրագրի համար: Իհարկե, դա գալիս է հետաքրքրությունից, բայց իրականում այդ 20-25 րոպեի նկարահանումներն իրականացնելը շատ բարդ է, բայց քանի որ Սինգապուր չմեկնեցինք, կրճատեցինք նկարահանումների քանակը, այդ պատճառով էլ այս նկարահանումները կարճ թողարկումներով են եթեր գնում: Շատ եմ ուզում այնպես անել, որ «Աշխարհի համերով» եւ «Տնից հեռու» նախագծերի նոր եթերաշրջանները հետագայում ավելի երկար լինեն՝ 45-50 րոպե տեւողությամբ, որպեսզի մարդիկ շատ ավելին տեսնեն: Կարծում եմ՝ այս եթերաշրջանում էլ չեք գտնի մի ծրագիր, որը հետաքրքիր չլինի՝ անսովոր ուտեստներ, պայմաններ, ռեստորաններ… ամեն բան հետաքրքիր է: Ամեն վայրում նկարել ենք այն, ինչն անսովոր է շատերիս համար:

Ծրագրի ռեժիսորն ու պրոդյուսերը ես եմ, ունեմ հրաշալի թիմ՝ օպերատոր, մոնտաժող՝ Արտակը, որը հանրապետությունում լավագույն մասնագետներից մեկն է: Նրա շնորհվ ծրագիրը դառնում է ավելի գունեղ եւ գրավող: Ինձ հետ աշխատում են նաեւ սցենարիստներ, որոնք գրում են տեքստերն ու թարգմանությունները: Նաեւ կան հնչոււնավորողներ. ուզում եմ շնորհակալություն հայտնել իմ ամբողջ թիմին:

Հիմա, երբ դեռ չես ճամփորդում, ինչպե՞ս է անցնում առօրյադ: Ինչո՞վ ես հիմնականում զբաղվում այս շրջանում:

Ինձ մոտ առաջին հերթին փոխվել է արթնանալու գրաֆիկը: Վերջին տարիներին առավոտյան 9-ին կամ 10-ին պարտադիր արթուն եմ լինում, եթե Հայաստանում եմ, իսկ ես հիմնականում Հայաստանում չեմ լինում, քանի որ նկարահանումների եմ լինում, ինչը նշանակում է, որ առավոտյան պետք է արթնանամ շատ շուտ՝ 5-ին, 6-ին... կապ չունի՝ երբ ենք գիշերը քնել: Նույնը նաեւ խմբային ճանապարհորդությունների դեպքում է: Հիմա, սովորաբար, քնում եմ առավոտյան 6-ին, արթնանում՝ ցերեկը 13:00-ին, երբեմն՝ նաեւ ավելի ուշ, հետո գնում եմ գործերով՝ մոնտաժային աշխատանքներ, տուրերի պլանավորում: Հոկտեմբերին իմ երազանքներից մեկը կիրականանա՝ ես մեկնելու եմ Ռիո դե Ժանեյրո, այնտեղ խումբ եմ տանելու: Մի խոսքով՝ տարբեր բաներով եմ զբաղված լինում, բայց ամենահետաքրքիր մասը երեկոյան է լինում, երբ ընտանիքով ընթրում ենք միասին, ինչը մեզ համար ամենասպասված պահն է, քանի որ տարիներ շարունակ աշխատանքի բերումով չէր ստացվում ընթրիքի շուրջ միասին հավաքվել: Հիմա նաեւ երկար քայլում եմ:

Ինչպես ավելի վաղ նշել ես՝ մտադիր ես նորովի ներկայացնել «Խենթ» երգը: Ե՞րբ այն հասանելի կլինի, եւ արդյոք կունենա՞ տեսահոլովակ:

Այո, այդ երգը, կարծես, չի հնանում, շարուակում է ապրել: Հետաքրքիր է, որ, նույնիսկ, նոր սերունդը, որը այդ երգի ստեղծման ժամանակ դեռ չէր էլ ծնվել, գիտի այն, երգում է: Երգը նաեւ լավ հիշում են Ռաֆայել Երանոսյանի շնորհիվ, որը ժամանակին այն ներկայացրեց «Կարգին հաղորդման» մեջ՝ կատարելով իմ նմանակումը: Անցած տարվա մեջ մեզ մոտ միտք առաջացավ այն նորովի ներկայացնելու, բայց հումորային տարբերակով: Մենք արդեն ձայնագրվել ենք, եւ մարտի 9-ին ծրագրոմ էինք մեկնել Շրի Լանկա՝ տեսահոլովակը նկարահանելու համար, բայց ճանապարհները փակվեցին: Ամեն դեպքում, վստահեցնում եմ՝ շատ հետաքրքիր բան է լինելու, ռեժիսորն Արեն Բայադյանն է:

Երբ իրավիճակը կարգավորվի, ո՞ր երկիր առաջինը կայցելես:

Ըստ ծրագրի՝ առաջին երկիրը կլինի Իսրայելը: Խումբն արդեն հավաքված է ու սպասում ենք մեկնելու հնարավորության: Բացի այդ, մտադիր ենք նաեւ Արարատ բարձրանալ, կմեկնենք Եգիպտոս, իսկ հոկտեմբերին՝ Բրազիլիա:

Ucom and Impact Hub Yerevan Wrap Up the Third Edition of Their Green Entrepreneurship Program SoftConstruct and the French University in Armenia Sign A New Memorandum of UnderstandingIDBank to Present a Unified Ecosystem Concept at DigiTec 2026Ucom Supports Annual Mini Whoop Drone Racing Armenia 2026 Competition in YerevanIDBank Presents the Rate.Trading Digital Platform at Toon Expo.Invest 2026The Second Khachaturian International Youth Competition Concludes at China National Opera House Under the Artistic Direction of Sergey Smbatyan "The network this time for COP17 was the most one of exceptional network we have ever had." The service quality by Team was highly appreciated by UN representative Rate.Trading: Large Transactions with Digital Management of Exchange Rate RisksVIVA Foundation Named November Beneficiary of “The Power of One Dram”Special Mortgage Offers: IDBank at Toon Expo: Invest 2026Vahe and Vigen Badalyan File Lawsuit Against 1in.am Seeking Protection of Their Business ReputationIDBank at the UBA Regional Conference: From Travel Solutions to Business OpportunitiesJoint statement by the parties consolidatted around the national agenda35% Discount for the 35th Anniversary on Selected IDBank CardsConverse Bank Expands Its International Capabilities Through Cooperation with Citibank N.A.Business loan pre-approval in five minutes — what did Unibank showcase in Gyumri?Converse Bank Expands Its International Capabilities Through Cooperation with Citibank N.A.Bratislava forum to debate Armenia’s strategic future Ucom Service Center in Artashat Reopens at a New Address Ucom and Republican Union of Employers of Armenia Sign Cooperation MemorandumCreate your Visa Digital from Unibank for purchases and transfers Ucom – Main Sponsor of the 21st International Microelectronics Olympiad IDBank and Idram Hold Financial Literacy Session for Young Chess PlayersUcom Supports Silicon Mountains 2026, Driving Innovation and Technological Development IDBank has issued perpetual coupon bonds for the first timeIDBank Supports the Reconstruction of the Spandaryan Canal: Commemorative Plaque Dedicated to the Project SignedIDBank and Idram Presented Several Environmental Initiatives at COP17Ucom Shares Its Experience in Private Sector Engagement in Nature Conservation at COP17 Blue Zone«Here’s the screenshot, the money has been transferred»: IDBank warns of fake payment scamsFirst Steps in Your Career with IDBank: 16th Cycle of IDream LaunchedDigital Architecture for a Sustainable Future: IDBank's Article in Regional Post MagazineRate.Trading. New Digital Culture of Currency ExchangeDigital Future and Sustainable Development: IDBank's Chairman of the Management Board in an Interview with ForbesApplications Now Open: Armenian Virtuosos International Academy-Festival 2027Book Published with Ucom’s Support Presented at COP17: “The Secret Path of Hovazadzor”Ucom Highlights the Role of Technology in Nature Conservation at COP17“The people of Stepanavan will show through their votes that every attempt to deceive them with videos is doomed to fail”: “Strong Armenia” Party With Ucom’s Support, SunChild Brings Cinema and Environmental Conservation TogetherYoung Musicians of the “Armenian Virtuosos” Program Perform in the COP17 A Birthday in Italy with UnibankIdram and IDBank Participated in the Opening of My Forest Armenia’s Pavilion at COP17Unibank Receives B++ Sustainability Alignment Rating from Agents for Impact GmbH Ucom Supported Yerevan Conservation Symposium 2026 as Strategic PartnerIDBank to Showcase Environmental and Innovative Initiatives at COP17New AI-Powered Wildlife Monitoring Camera Installed in Paruyr Sevak with the Support of Ucom35 Years of Trust: IDBank Celebrates with Its CustomersBusiness and mining leader Mark Cutifani to deliver keynote speech at the 3rd Mining Armenia Forum“From Classroom to Orbit”: With Ucom’s Support, “Space 1.0” Is Being Introduced in 15 Schools Across ArmeniaAfeyan Initiatives for Armenia Awards Grant to the Armenia Education Initiative to Expand the Teach For Armenia’s Seroond School Turnaround Program Ucom to Participate in COP17 Together with FPWC, Showcasing Their Environmental Partnership