«Ընդունված նախագծով ի՞նչ է նախատեսվում ուսումնական հաստատություններում». փոխնախարարի պարզաբանումը
POLITICSՀՀ ԿԳՄՍ նախարարի տեղակալ Ժաննա Անդրեասյանը ֆեյսբուքան իր էջում գրելթ. «COVID 19-ի պայմաններում ուսումնական հաստատություններում անհրաժեշտ պայմաններն ապահովելու նպատակով կառավարության նիստում ընդունված նախագծով նախատեսվում է.
– ապահովել դիմակներով հանրակրթական դպրոցների, այդ թվում՝ հատուկ և մասնագիտացված դպրոցների, արտադպրոցական հաստատությունների, նախնական և միջին մասնագիտական ուսումնական հաստատությունների սովորողներին՝ օրական ընդհանուր թվաքանակի 20%-ի չափով, քանի որ գործում է դիմակով հաստատություն հաճախելու կանոնը և դիմակները նախատեսված են ընթացքում անհրաժեշտության դեպքում փոխելու, ըստ կարիքի տրամադրելու համար
– ապահովել հանրակրթական դպրոցների, արտադպրոցական հաստատությունների, նախնական և միջին մասնագիտական ուսումնական հաստատությունների անձնակազմին դիմակներով 100%-ի չափով՝ օրական 2 հատ.
– ապահովել դիմակներով հատուկ և մասնագիտացված դպրոցների սաների և անձնակազմի 100%-ի չափով՝ օրական 3 հատ:
Նախագծով նախատեսվում է ուսումնական հաստատություններն ապահովել նաև ձեռքերի ախտահանիչներով՝ թե սովորողների, թե անձնակազմի համար, և շենքերի ախտահանման համար նախատեսված միջոցներով: