«Պատերազմը խախտում է սովորական կյանքը»․ Times պարբերականի ֆոտոանդրադարձը ԼՂ հակամարտությանը

SOCIETY 24 October, 2020 16:04

Հեղինակավոր Times պարբերականը լուսանկարների շարք է ներկայացրել Լեռնային Ղարաբաղում տեղի ունեցող ռազմական գործողությունների, դրա հետևանքների վերաբերյալ, ինչպես նաև հակամարտության պատմության, ռազմական գործողությունների մեկնարկի և ընթացքի մասին ակնարկ կատարել։

Ռազմական գործողությունների առաջնագիծ մեկնած, ինչպես նաև թիկունքում ծավալվող աշխատանքներին ականատես եղած ֆոտոլրագրող Էմանուել Սատոլիի խոսքով՝ Եվրոպայում ամենահին «սառը պատերազմ» կոչվող այս հակամարտությունը հավաքական բնույթ ունի, քանի որ յուրաքանչյուրը փորձում է ինչ-որ կերպ աջակիցը լինել ընդհանուր գործին։

Հոդվածում նշվում է, որ 1994 թվականի զինադադարից հետո սեպտեմբերի 27-ից սկսված ռազմական գործողությունները ամենախոշորն են հակամարտության պատմության ընթացքում:

Հեղինակն ընդգծում է, որ հայկական կողմն այս հակամարտությանը որպես գոյամարտի ընկալում։

իշատակվում է նաև հոկտեմբերի 2-ին Նիկոլ Փաշինյանի՝ նույն պարբերականին տված հարցազրույցը, որում վերջինս նշում է, որ Լեռնային Ղարաբաղը «քաղաքակրթական առաջնագիծ» է և Թուրքիային մեղադրում է հակամարտությանը Սիրիայից վարձկաններ ներգրավելու համար։

«Պատերազմը խախտում է սովորական կյանքը, և դա կարող է միանգամից պատահել»,- նշում է լրագրողը։

Հիշեցնենք, որ սեպտեմբերի 27-ին Ադրբեջանի զինուժը լայնածավալ հարձակում է սկսել Արցախում՝ թիրախավորելով նաև խաղաղ բնակչությանը։ Հոկտեմբերի 23-ի դրությամբ Արցախի զինուժը խոցել է հակառակորդի՝ 16 ուղղաթիռ, 24 ինքնաթիռ, 206 անօդաչու թռչող սարք, 588 միավոր զրահատեխնիկա, հիմնականում տանկեր, 86 ավտոտրանսպորտ, 10 զրահափոխադրիչ, 4 «ՏՕՍ-1Ա» ծանր հրանետային համակարգ, 4 «Սմերչ» և 1 «Ուրագան» տիպի համազարկային կրակի ռեակտիվ կայանքներ: Հակառակորդն ունի ավելի քան 6539 զոհ։ Հայկական կողմից, նախնական տվյալներով, կա 963 զոհ։

Ադրբեջանի զինված ուժերը թիրախավորել է նաև Արցախի և Հայաստանի Հանրապետության զինվորական և քաղաքացիական ենթակառուցվածքները, որի հետևանքով Գեղարքունիքում զոհվել է 2 քաղաքացիական անձ, Արցախում զոհվել է 36 քաղաքացիական անձ, վիրավորվել է 115 քաղաքացիական անձ, նախնական տվյալներով՝ լրջորեն վնասվել է ավելի քան 6700 մասնավոր սեփականության անշարժ գույք, ավելի քան 640 մեքենա, շուրջ 1110 ենթակառուցվածքային, հանրային և արտադրական նշանակության օբյեկտներ:

Ադրբեջանական զինուժի հրետակոծության հետևանքով վիրավորվել են ինչպես արտասահմանյան, այնպես էլ տեղական լրատվամիջոցների լրագրողներ։ Հայաստանում և Արցախում սեպտեմբերի 27-ին հայտարարվել է ռազմական դրություն։ Արդեն երկու անգամ հայտարարվել է մարդասիրական հրադադարի մասին, սակայն ադրբեջանական զինուժը դիվերսիոն գործողություն է իրականացրել, նաև հրթիռակոծել խաղաղ բնակավայրեր Արցախում։

An Armenian soldier sits inside a vehicle near the town of Karmir Shuka. A woman speaks with a man through an open window of a shelled building in Stepanakert. Dust blankets the yard of a house hit by shelling in Stepanakert. Strings of empty ration cans hang in a frontline trench near the town of Askeran. A vehicle destroyed by shelling in the town of Martakert. An Armenian soldier talks on a radio inside a bunker on a frontline position near Askeran. A man scans the sky after the sound of a drone is heard in Karmir Shuka. An Armenian soldier lights candles inside the Holy Savior Cathedral, which was damaged by shelling, in the town of Shusha outside Stepanakert. Rows of seating were destroyed in a theater in Shusha. Flowers rest on the fresh grave of an Armenian soldier who was buried in Stepanakert.

Armenian volunteers in Stepanakert sew uniforms and sleeping bags for soldiers on the frontline. Civilians gather in the basement of a building used as a bomb shelter in Stepanakert. Armenian soldiers eat their rations inside a bunker on a frontline position near the town of Askeran.