Հայաստանը և Գերմանիան շահագրգռված են երկկողմ համագործակցության առավել զարգացմամբ

Գերմանիայի ԱԳ նախարար Ֆրանկ-Վալտեր Շտայնմայերի հրավերով Բեռլին այցելած ՀՀ արտգործնախարար Էդվարդ Նալբանդյանն դեկտեմբերի 9-ին Գերմանիայի արտաքին գործերի նախարարների հետ։ Հայաստանի և Գերմանիայի արտաքին քաղաքական գերատեսչությունների ղեկավարները գոհունակություն են հայտնել երկու երկրների միջև հաստատված բարձր մակարդակ ի ակտիվ քաղաքական երկխոսության կապակցությամբ և ընդգծել, որ երկու երկրներն էլ շահագրգռված են երկկողմ համագործակցության առավել զարգացմամբ։

Ինչպես «Արմենպրես»-ին տեղեկացրին ՀՀ արտաքին գործերի նախարարության մամուլի, տեղեկատվության եւ հասարակայնության հետ կապի վարչությունից, շնորհակալություն հայտնելով Բեռլին այցելելու հրավերի համար՝ նախարար Նալբանդյանը նշել է, որ վերջին շրջանում տարբեր բնագավառներում հայ-գերմանական համագործակցությունը նոր թափ է ստացել։ Նախարարը վստահություն է հայտնել, որ համատեղ հետևողական ջանքերով երկու երկրների միջև հարաբերությունները հնարավոր է առավել խորացնել և ընդլայնել։ Հայաստանի արտգործնախարարը շ եշտել է, որ Գերմանիան Հայաստանի գլխավոր տնտեսական գործընկերներից է, և շնորհակալություն հայտնել Հայաստանի զարգացմանն ուղղված ծրագրերին ԳԴՀ շարունակական աջակցության համար:

Գոհունակությամբ ընդգծվել է, որ առկա է շուրջ չորս տասնյակ պայմանագիր և համաձայնագիր ներառող ամուր իրավապայմանագրային դաշտ, զարգանում է փոխգործակցությունը միջազգային կազմակերպություններում, բարձր մակարդակի վրա են գտնվում միջխորհրդարանական շփումները, ակտիվանում է գիտակրթական և մշակութային համագործակցությունը, ընդլայնվում են գործարար կապերը. Հայաստանում գործում են գերմանական կապիտալով շուրջ 100 ընկերություն:

Զրուցակիցները նշել են, որ Հայաստանն ու Գերմանիան արդյունավետ համագործակցում են խաղաղապահ գործողությունների շրջանակներում, մասնավորապես՝ Աֆղանստանում։

Հայաստանի և Գերմանիայի արտգործնախարարներն անդրադարձել են միջազգային և տարածաշրջանային մի շարք խնդիրների՝ Իրանի միջուկային ծրագրի շուրջ համաձայնությունների իրականացմանը, Ուկրաինայում տեղի ունեցող զարգացումներին, Միջին Արևելքում իրավիճակին, սիրիական ճգնաժամին, ահաբեկչության դեմ պայքարի ուղղությամբ միջազգային հանրության ջանքերին:

Նախարարները քննարկել են Հայաստան-Եվրոպական միություն հարաբերությունները: Կարևորվել են նախօրեին մեկնարկած Հայաստան-ԵՄ նոր իրավական շրջանակային փաստաթղթի շուրջ բանակցությունները։ 

Գալիք տարի ԵԱՀԿ-ում Գերմանիայի նախագահության համատեքստում Հայաստանի և Գերմանիայի արտաքին քաղաքական գերատեսչությունների ղեկավարները մտքեր են փոխանակել կազմակերպության օրակարգային հարցերի, Բելգրադի նախարարական խորհրդի նիստի արդյունքների, գերմանական նախագահության առաջնահերթությունների վերաբերյալ։

Նախարար Նալբանդյանը գերմանացի գործÕ �նկերոջը ներկայացրել է ղարաբաղյան հիմնախնդրի խաղաղ կարգավորման ուղղությամբ Հայաստանի և ԵԱՀԿ Մինսկի խմբի համանախագահների կողմից ձեռնարկվող ջանքերը:

Հայաստանի ԱԳ նախարարը հրավիրել է Գերմանիայի արտգործնախարարին այցելել Հայաստան։

Նույն օրը Էդվարդ Նալբանդյանը հանդիպում է ունեցել կանցլեր Անգելա Մերկելի արտաքին քաղաքականության և անվտանգության հարցերով գլխավոր խորհրդական Քրիստոֆ Հոյսգենի հետ: Զրուցակիցները հանգամանալից քննարկել են Հայաստան-Եվրոպական միություն համագործակցությունը։ Հանդիպմանը մտքեր են փոխանակվել նաև մի շարք հրատապ տարածաշրջանային հարցերի շուրջ։

Դեկտեմբերի 9-ին Էդվարդ Նալբանդյանը հանդիպում է ունեցել Գերմանիա-Հայաստան ֆորումի ներկայացուցիչների հետ՝ Բունդեսթագի պատգամավոր, ֆորումի նախագահ Ալբերտ Վայլերի գլխավորությամբ։

Հանդիպմանը Ալբերտ Վայլերը Էդվարդ Նալբանդյանին ներկայացրել է ֆորումի կողմից կատարվող աշխատանքները և կառույցի ծրագրերը։

Հայաստանի արտգործնախարարը բարձր է գնահատել ֆորումի գործունեությունն՝ ուղղված հայ-գերմանական բարեկամական հարաբերությունների առավել ամրապնդմանն ու ընդլայնմանը։

Մտքերի փոխանակում է ծավալվել հայ-գերմանական հարաբերությունների, Հայաստան-ԵՄ համագործակցության, արդի միջազգային և տարածաշրջանային խնդիրների, ղարաբաղյան հիմնախնդրի խաղաղ կարգավորման ուղղությամբ գործադրվող ջանքերի շուրջ։