Վարդան Մամիկոնյանի ձին և Զուրաբյանը
BLOGԿարեն Մկոյանը Ֆեյսբուքյան իր էջում գրում է.
Քիչ առաջ լրատվամիջոցներից մեկում տեսա, որ մարդու իրավունքների օրվան նվիրված ՀԱԿ-ի ու «Նոր Հայաստանի» նախաձեռնած երթից առաջ ՀԱԿ խմբակցության ղեկավար Լևոն Զուրաբյանն ասել է, որ պետք է ստեղծվի «Ազնվության բանակ»: Վերջինս նշել է, որ ստեղծվելիք ճակատը պետք է ունենա վիդիոկամերաներ, որպեսզի ընտրությունների ժամանակ ապահովի օնլայն նկարահանում:
Հետաքրքիր են մեր ընդիմադիրները, մի օր որոշում են ճակատ ստեղծել, մի օր բանակ, չնայած որ ամենամեծ գումարտակն ու ճակատի անդամների թիվը չի գերազանցում 12 մարդու սահմանագիծը:
Բանակ ձևավորելը Զուրաբյանի միակ և վերջնական պլանը չէ այս իշխանություններից ազատվելու համար: Խոսակցություններ կան, որ 2017 թվականի ընտրություններին պարտվելուց հետո, 2022 թվականի պառլամենտական ընտրություններին, Զուրաբյանն իր կողքը մնացած 6 հոգու հետ միասին ծրագրում են միջգալակտիկյան լեգիոնների ձևավորումը, որոնց գլխավորելու է զորավարը՝ նույն ինքը Լևոն Զուրաբիչը:
Հ.Գ. Արդեն պատկերացնում եմ Ազնվության բանակը ղեկավարող Լևոն Զուրաբյանին՝ Վարդան Մամիկոնյանի ձիու վրա նստած, սուրը կողքից կախված, Նապոլեոնի գլխարկով: