Վերջս եկել է, ես մահանում եմ․ նոր բացառիկ մանրամասներ՝ ՌԴ-ի ծննդատանը մահացած հայուհու մասին (լուսանկարներ)

Տուափսեում տեղի ունեցած ողբերգության մասին խոսում է ողջ համացանցը։ Ինչպես արդեն տեղեկացրել է Past.am-ը, ազգությամբ հայ, 24-ամյա Յանան ծննդաբերական ցավերով գնացել է ՌԴ Կրասնոդարի մարզի Տուասպեի ծննդատուն, սակայն այնտեղ մահացել է թե ինքը, թե նրա փոքրիկը։

Աղջկա հարազատները նշում են, որ մրա մահվան մեջ մեղավոր են բժիշկները, ովքեր ծննդկանին թողած՝ հիվանդանոցի գլխավոր բժշկի ծննդյան տոնն են նշել։ Որոշել են արհեստական ցավեր տալ «Յանան հիվանդանոց է պառկել բժշկի ցուցումով, ով հետեւում էր նրա հղիությանը։ Յանան ասաց, որ ստուգելուց հետո բժիշկը որոշել է արհեստական ցավեր տալ ու ծննդաբերություն առաջացնել»,- պատմել է աղջկա բարեկամուհին՝ Անյուտա Ավջիյանը։

Երբ դեռ ցավերն ուժեղ չէին, Յանան զանգահարել է մորը, ամուսնուն, զրուցել նրանց հետ։ «Մենք գիտեինք, որ ժամը 4-ի մոտերը նրա ջրերը գնացել էին։ Աղջիկս զանգեց ու ասաց, որ ուժեղ ցավեր ունի։ Ես նրան աջակցում էի, խնդրում էի ուժ հավաքի, դիմանա»,- պատմում է աղջկա մայրը՝ Մանուշակ Մելքոնյանը։

«Բժիշկները գնացել են թեյ խմելու»: Հետո Յանան ասել է հարազատներին, որ իրեն «Տրամալ» են սրսկել, որը ցավազրկող է։ «Յանան զանգեց ու ասաց, որ հիվանդասենյակում միայնակ է։ Ասաց, որ բժիշկները գնացել են թեյ խմելու։ Ես նրան ասացի, որ հետն եմ, որ էլի զանգի ինձ, սակայն դա մեր վերջին խոսելն էր․․․»,- պատմում է Յանայի ամուսինը՝ Վլադիմիրը։

Երբ հարազատներին տվել են Յանայի իրերը, նրանք ուսումնասիրել են նրա հեռախոսը՝ պարզելու համար՝ ինչպես է անցել նրա վերջին րոպեները։ Մայրն ասել է, որ աղջիկը վերջինը փորձել է զանգահարել իր բժշկուհուն, սակայն նա չի պատասխանել։

Վերջս եկել է, ես մահանում եմ:

Ինչպես պարզվել է, Յանան վերջին հաղորդագրությունը, որ ուղարկել է, մորաքրոջն է եղել․ «Վերջս եկել է, մահանում եմ»,- գրել է աղջիկն ու այլեւս կապի մեջ չի եղել։ Աղջկա մորաքույրը, ով նույնպես հղի է, մտածել է, որ Յանան պարզապես տանջվում է ծննդաբերական ցավերից։ Երբ Յանան դադարել է զանգերին պատասխանել, հարազատները գնացել են հիվանդանոց ու այնտեղ իմացել ողբերգության մասին։

Խառը մեկնաբանություններ Ծննդատանը

Յանայի բժշկուհի Լարիսա Առաքելովան նրա հարազատներին ասել է, որ Յանան վայրկյանական է մահացել, իբր «Տրամալ» տեղից վայրկյանական շնչահեղձ է եղել ու մահացել։ Սակայն բժիշկը խառնվել է իրար ու չի կարողացել հստակ ասել, Յանայի փոքրիկը մոր արգանդում է մահացել, թե հասցրել է ծնվել, հետո մահանալ։ «Սկզբում Առաքելովան ասում էր, որ երբ երեխային կեսարյանով հանեցին, նա արդեն մահացել էր։ Մի րոպեից ասաց, որ երբ նրան հանեցին, սիրտը դեռ աշխատում էր, բայց թույլ էր, չկարողանան փրկել»,- պատմում է Յանայի քույրը։

Փորձաքննություն էլ լրիվ այլ բան է ցույց տալիս, ըստ դրա՝ կնոջ մահը վրա է հասել 19։20-ին, իսկ երեխան մեկ ժամ առաջ է մահացած եղել։ «Մենք կարծում ենք, որ աղջկաս թողել են ու գնացել գլխավոր բժշկի ծնունդը նշելու»,- ասում է աղջկա մայրը։

«Խնդիրներ դիահերձարանում»

«Բժշկուհին ասաց, որ քրոջս մորգ են տարել, որպեսզի դիահերձում անեն։ Թե ինչու էին նախքան մեզ՝ նրա մահվան մասին տեղեկացնելը տեղափոխել մորգ, առանց մեր համաձայնության, հայտնի չէ»,- ասում է Անյուտան։

Յանայի եղբայրները գնացել են դիահերձարան, որ զգուշացնեն, որ իրենք չեն ցանկանում, որպեսզի դիահերձում իրականացվի։ Սակայն զարմացած են եղել, երբ դիահերձարանից իրենց ասել են, որ Յանան իրենց մոտ չի եւ չի էլ ուղարկվել։ Նրանք հետ են գնացել հիվանդանոց, որտեղ Առաքելովան ասել է, որ իրոք աղջկա դին դիահերձարան չի ուղարկվել։ Թե ինչու է բժշկուհին խառը բաներ ասում, պարզ չէ։

«Ինչու էր երիտասարդ կինը ճերմակել»

Այս դեպքի հետ կապված բազմաթիվ հարցեր կան։ Յանայի հարազատները հասկանում են, որ նրան այլեւս վերադարձնել չի լինի, սակայն պատրաստվում են մինչեւ վերջ գնալ, հասնել նրան, որ մեղավորները պատժվեն։ 24-ամյա Յանան, ինչպես ասել են բարեկամները, դագաղում բացարձակ ճերմակած մազերով է եղել։ Հարազատներն ասում են, որ երիտասարդ աղջիկը կյանքում գոնե մեկ անգամ մազերը չէր ներկել, մեկ սպիտակ մազ էլ չուներ։ Աղջկա շրթունքները այնպիսի կծոտված վիճակում են եղել, որ դիմահարդարումն էլ չի ծածկել։

«Ինչ է կատարվել երեխայիս հետ վերջին րոպեներին, անհայտ է, բայց մենք պայքարելու է ենք մինչեւ վերջ, մինչեւ պարզենք, թե ինչու է Յանան մահացել»,- ասում է Յանայի մայրըէ Մանուշակը։ Յանան նաեւ մեկ որդի ուներ՝ 3 տարեկան Տիգրանը, ում դաստիարակությամբ այսուհետ կզբաղվի հայրը։