Yerevan, 20.November.2026,
00
:
00
BREAKING

«Ուզում էինք էլի երեխա ունենալ, բայց դերասանի աշխատավարձով 3 երեխայի համար լավ կյանք չես կարող ապահովել». Արաքսյա Մելիքյանը՝ ընտանեկան խնդիրների, լուծման և ժամանակին բաժանման մտքեր ունենալու մասին

LIFE

Դերասան-ամուսիններ Անդրանիկ Զաքարյանի ու Արաքսյա Մելիքյանի ընտանիքը 13 տարեկան է: Զույգը սովորել է նույն կուրսում, աշխատում է նույն թատրոնում, օրվա մեծ մասն անցկացնում միասին: Tert.am Life-ի հետ զրույցում Արաքսյան պատմել է ընտանեկան կյանքի, խնդիրների, իր ուսերին դրված բեռի, տարիներ առաջ բաժանվելու մասին մտածելու և երեխաների մասին:

Արաքսյան վերհիշեց, որ ինքն ու Անդրանիկը ծանոթացել են լսարանում, սովորում էին նույն կուրսում, թեև նա իրենից մեծ էր: «Անդրանիկի համար դերասանական կրթությունը երկրորդն էր: Նա լսարան մտավ դասական հագնված, ես էլ ասացի՝ յախք, ահա և իմ ամուսինը:) Դա ասել եմ առաջին հայացքից, բայց հետո սիրահարվեցի, ու հենց նա դարձավ ամուսինս: Երկուսս էլ նույն  շրջանում տարված էինք իրարով, թեև շատ երկրպագուներ ունեի, ոչ ոքի չէի նկատում: Այսքան տարի անց հետ եմ նայում ու մտածում՝ ինչպե՞ս չեմ նկատել նրանց, նույնիսկ, երբեմն, Անդրանիկն է հուշում, որ այս կամ այն տղան ինձ համար գնացել, խոսել է իր հետ, բայց ես չեմ նկատել»,- պատմեց նա:

Ըստ դերասանուհու՝ քանի որ երկուսն էլ նույն բնագավառից են, ավելի հեշտ է մասնագիտական առումով իրար հասկանալը․ «Երբ նկարահանումներն ավարտում են լուսաբացին, ավելորդ բացատրություններ չեմ տալիս, նա էլ է այդ ամենի միջով անցնում: Այս առումով նույն մասնագիտությունն ունենալու հանգամանքն օգնում է, բայց կան նաև դեպքեր, երբ խանգարում է: Տանն աշխատանքային քննարկումներ հնարավորինս չենք ունենում, չեմ ասում, թե որ դերասանի հետ խաղալիս ինձ ինչպես եմ զգում, որովհետև կարծիքս կարող է ազդել Անդրանիկի կարծիքի վրա»:

Արաքսյան անկեղծացավ, որ երկար տարիների ամուսնական կյանքում հնարավոր են նաև պահեր, երբ տղամարդն ու կինն իրարից ձանձրանան: «Երբեմն ինքս ինձնից եմ ձանձրանում, ուր մնաց կողակցիցս չձանձրանամ: Բնությունը մարդուն այդպիսին է ստեղծել․ մենակ մնալու անհրաժեշտություն ունի, որպեսզի կարողանա վերագտնել ու վերագնահատել կյանքի գույները: Մեզ մոտ նման փուլեր լինում են, ես ավելի արտահայտվող եմ, ամուսինս` ոչ այնքան: Ամեն մեկս մեր տարածքն ունենք, մեր առանձին ժամերը, ինքը կարող է իր ընկերների հետ ժամանակ անցկացնել, ես՝ իմ ընկերուհիների: Երբեք չեմ ասի՝ մի գնա, այդպես է ճիշտ գտնում, այդպես է պետք, չափի զգացում ունի,- ասաց նա և հավելեց, որ ընտանիք պահելը բարդ է,- ամուսնությունից դաժան բան չկա:) Երկու տարբեր տեսակի, մշակույթի, արժեհամակարգի մարդ որոշում են ապրել մեկ հարկի տակ. սա է ամենամեծ խնդիրն ու սկանդալը, ինչպե՞ս կարող է այս ամենը նորմալ անցնել: Մարդիկ, իրար հարգելով, հարմարվելով, ընդունելով, տարիների ընթացքում փորձում են շարունակել միասին ապրել: Շատերի մոտ ստացվում է, շատերի մոտ՝ ոչ: Պետք է ինչ-որ հարցերում զիջել և չզիջել՝ սկզբունքային հարցերում, որովհետև եթե ամեն հարցում զիջես, կտեսնես՝ այլևս երջանիկ չես: Գրված օրենքներ չկան, թեկուզ ամենամոտ մարդու խորհուրդները չեն օգնի, պետք է սեփական փորձով հասկանաս՝ որտեղ զիջել, որտեղ՝ ոչ»:

Դերասանուհին շեշտեց, որ կարողանում են վեճից հետո իրար ասել՝ ով էր սխալ, ով՝ ճիշտ: «Եղել է՝ վեճի ժամանակ ամուսնուս այնպիսի խոսքեր եմ ասել, ում պատմում եմ, ասում են՝ ինչպե՞ս է լեզուդ պտտվել: Ամուսինս լսել է, բայց դրանից հետո ոչ թե հրաժեշտ է եղել, այլ գնահատել է իմ անկեղծությունը: Եղել է նաև, որ որոշել եմ ամուսնուս դարձնել այնպիսին, ինչպիսին ես եմ պատկերացրել: Այդ ժամանակ մորաքույրս ասաց, որ չպետք է փորձեմ փոխել նրան, պետք է  սիրեմ այնպիսին, ինչպիսին կա: Ու հասկացա, որ Անդրանիկի թերություններն այլ տղամարդկանց համեմատ շատ քիչ են: Ինձ համար խաղ էի հորինել. վերլուծում էի ինչ-որ մեկին, հետո մտածում՝ այնքան թերություններ ունի, որոնք ամուսինս չունի: Հասկացա՝ ունեցածս իմն է, լավն է: Ասում են՝ 7-8 տարին մեկ անգամ ընտանիքում անցումային շրջան է լինում, գուցե, ես էլ նման մի շրջանում եմ եղել»,- պատմեց նա:

Հարցին՝ երբևէ մտածե՞լ է բաժանվելու մասին, Արաքսյան պատասխանեց. «Տարիներ առաջ մտածել եմ բաժանվելու մասին, բայց պետք է շրջահայաց լինել, երբ նայում ես, թե շրջապատումդ ինչ է կատարվում, հասկանում ես՝ քո խնդիրը խնդիր չէ: Զույգեր կան, որոնք, իսկապես, լուրջ խնդիրներ ունեն, բայց միասին են ապրում, երբ իմ և նրանց խնդիրները համեմատության մեջ եմ դնում, բաժանվել բառն ինձ համար ծիծաղելի է դառնում: Ոչինչ իմ կյանքում չեմ հերքում, կարող է վաղն էլ լսեք՝ Արաքսյան բաժանվել է ամուսնուց, ուղղակի այս պահին իմ կյանքում դրա մասին խոսք լինել չի կարող: Երբեմն, վեճի ժամանակ ամուսինս կատակում է, որ երբ դատարանում ասեմ, թե ինչի համար եմ ուզում բաժանվել, բոլորը կծիծաղեն: Մեր վեճերի մեջ րոպեներ հետո ծիծաղ է պտտվում, իրարից նեղացած չենք մնում, արագ հաշտվում ենք: Չեմ հիշում, որ իրարից թեկուզ 3 ժամ նեղացած մնանք»:

Արաքսյան նաև ասաց, որ իր ուսերին ծանր բեռ է դրված, բայց դրանից այլևս չի դժգոհում․ «Եթե մի փոքր «կին» լինեի, հոգսերի մասին շատ չէի մտածի, բայց փորձում եմ ամեն ինչ իմ վերահսկողության տակ պահել: Միշտ եմ այդպիսին եղել, հայրս ամուսնությունիցս չորս օր անց ասաց, որ ամեն ինչ իմ ուսերին չվերցնեմ: Ես պատասխանեցի, որ Անդրանիկին չի ճանաչում, նա էլ ասաց՝ ինձ է ճանաչում: Մի շրջան կար, երբ ուզում էի այդ բեռը գցել ուսերիցս ու առաջ անցնել, բայց հասկացա՝ կարողանում եմ տանել: Ի վերջո, ամեն մեկին տրվում է այնքան, որքան ինքը կկարողանա տանել, հիմա խաղաղ եմ: Իմ ներսում բացահայտել եմ, որ կարող եմ ավելին անել, պարզապես չեմ անում, չեմ ուզում: Երկար տարիներ ինձ առաջարկում էին Երևանի թատրոնի և կինոյի պետական ինստիտուտում աշխատել որպես դասախոս, բայց մերժում էի, որովհետև կարծում եմ՝ մանկավարժությունն ինձ տրված չէ: Վերջերս սկսել եմ մտածել, որ եթե այդքան շատ են առաջարկում, գուցե պետք է ընդունե՞մ: Ուղղակի կարծում եմ՝ դասախոսի աշխատանքն ավելի մեծ բազա ունեցող մարդու համար է, եթե մի օր այդպիսին դառնամ, կմտածեմ առաջարկն ընդունելու մասին, եթե ոչ, կշարունակեմ աշխատել այնտեղ, որտեղ աշխատում եմ»,- ասաց նա:

Անդրանիկն ու Արաքսյան ունեն երկու երեխա՝ 13-ամյա Գուրգենն ու 8-ամյա Կարինեն: Արաքսյան նշեց, որ օրերս ինքն ու Անդրանիկը խոսում էին երրորդ երեխա ունենալու մասին: «Ամուսնուս ասում էի՝ այնքան օրհնված եմ, կարող եմ երեխա ունենալ, մարդիկ կան, ուղղակի անպտուղ են: Ուզում ես ևս մեկն ունենալ, բայց երկիրը երեխային պահելու հնարավորությունը չի տալիս, եթե ապրեինք ավելի ապահով երկրում, առնվազն 5 երեխա կունենայի: Եկանք այն եզրակացության, որ պետք է մեր երկու երեխային հասցնենք իրենց նպատակին: Մի քանի տարի հետո տղաս համալսարան կընդունվի, հասկանում ենք, որ դերասանի աշխատավարձով շատ երեխայի համար նորմալ կյանք չես կարող ապահովել: Չնայած այս ամենին՝ սիրում եմ իմ մասնագիտությունը, աշխատանքը, չեմ զղջում, որ այն ընտրել եմ: Ունեցածս ինձ բավարարում է, պարզապես երրորդ երեխայի խնամքն այլ է»,- ընդգծեց դերասանուհին:

Անդրադառնալով երեխաներին՝ մայրիկն ասաց, որ նրանք բավականին ինքնուրույն են, կարողանում են առանց իրենց տանը մենակ մնալ ու հոգալ կարիքները:

«Որդիս վերջերս հայտարարեց, որ ուզում է դերասան կամ ռեժիսոր դառնալ, ինչն իմ ու ամուսնուս համար մեծ սթրես էր: Մտածեցինք, որ այդ թեմայով ընդհանրապես պետք չէ խոսել: Առաջիկայում նրա ուղղությունը կթեքեմ դեպի այդ կողմ, որպեսզի հասկանա՝ ինչ է ուզում: Տղաս նաև ֆուտբոլով է տարված, պարապմունքների է հաճախում,- ասաց նա, ապա հավելեց, որ դուստրն էլ երգի պարապմունքների է հաճախում, շատ լավ ձայն ունի,- Ուղղակի չգիտեմ՝ որքանով է հավանական, որ այդ ուղղությամբ կշարունակի, նաև դաշնամուրի դասերի է հաճախում: Կարինեն նկարել ևս շատ է սիրում, բայց դեռ պարապմունքների չի հաճախում, որոշ ժամանակ անց կգնա: Երեխաներս շատ ինքնուրույն են, ես ու ամուսինս օրվա մեծ մասն աշխատավայրում ենք լինում, նրանք տանը միայնակ են: Կարողանում են ճաշել, հետո հավաքել իրենց հետևից, ինքնուրույն հագնվում են ՝ չնայած խնդրում եմ լուսանկարվել և ինձ ուղարկել, որպեսզի տեսնողը չմտածի՝ ով է այդ երեխայի մայրը»:  

IDBank to Present a Unified Ecosystem Concept at DigiTec 2026Ucom Supports Annual Mini Whoop Drone Racing Armenia 2026 Competition in YerevanIDBank Presents the Rate.Trading Digital Platform at Toon Expo.Invest 2026The Second Khachaturian International Youth Competition Concludes at China National Opera House Under the Artistic Direction of Sergey Smbatyan "The network this time for COP17 was the most one of exceptional network we have ever had." The service quality by Team was highly appreciated by UN representative Rate.Trading: Large Transactions with Digital Management of Exchange Rate RisksVIVA Foundation Named November Beneficiary of “The Power of One Dram”Special Mortgage Offers: IDBank at Toon Expo: Invest 2026Vahe and Vigen Badalyan File Lawsuit Against 1in.am Seeking Protection of Their Business ReputationIDBank at the UBA Regional Conference: From Travel Solutions to Business OpportunitiesJoint statement by the parties consolidatted around the national agenda35% Discount for the 35th Anniversary on Selected IDBank CardsConverse Bank Expands Its International Capabilities Through Cooperation with Citibank N.A.Business loan pre-approval in five minutes — what did Unibank showcase in Gyumri?Converse Bank Expands Its International Capabilities Through Cooperation with Citibank N.A.Bratislava forum to debate Armenia’s strategic future Ucom Service Center in Artashat Reopens at a New Address Ucom and Republican Union of Employers of Armenia Sign Cooperation MemorandumCreate your Visa Digital from Unibank for purchases and transfers Ucom – Main Sponsor of the 21st International Microelectronics Olympiad IDBank and Idram Hold Financial Literacy Session for Young Chess PlayersUcom Supports Silicon Mountains 2026, Driving Innovation and Technological Development IDBank has issued perpetual coupon bonds for the first timeIDBank Supports the Reconstruction of the Spandaryan Canal: Commemorative Plaque Dedicated to the Project SignedIDBank and Idram Presented Several Environmental Initiatives at COP17Ucom Shares Its Experience in Private Sector Engagement in Nature Conservation at COP17 Blue Zone«Here’s the screenshot, the money has been transferred»: IDBank warns of fake payment scamsFirst Steps in Your Career with IDBank: 16th Cycle of IDream LaunchedDigital Architecture for a Sustainable Future: IDBank's Article in Regional Post MagazineRate.Trading. New Digital Culture of Currency ExchangeDigital Future and Sustainable Development: IDBank's Chairman of the Management Board in an Interview with ForbesApplications Now Open: Armenian Virtuosos International Academy-Festival 2027Book Published with Ucom’s Support Presented at COP17: “The Secret Path of Hovazadzor”Ucom Highlights the Role of Technology in Nature Conservation at COP17“The people of Stepanavan will show through their votes that every attempt to deceive them with videos is doomed to fail”: “Strong Armenia” Party With Ucom’s Support, SunChild Brings Cinema and Environmental Conservation TogetherYoung Musicians of the “Armenian Virtuosos” Program Perform in the COP17 A Birthday in Italy with UnibankIdram and IDBank Participated in the Opening of My Forest Armenia’s Pavilion at COP17Unibank Receives B++ Sustainability Alignment Rating from Agents for Impact GmbH Ucom Supported Yerevan Conservation Symposium 2026 as Strategic PartnerIDBank to Showcase Environmental and Innovative Initiatives at COP17New AI-Powered Wildlife Monitoring Camera Installed in Paruyr Sevak with the Support of Ucom35 Years of Trust: IDBank Celebrates with Its CustomersBusiness and mining leader Mark Cutifani to deliver keynote speech at the 3rd Mining Armenia Forum“From Classroom to Orbit”: With Ucom’s Support, “Space 1.0” Is Being Introduced in 15 Schools Across ArmeniaAfeyan Initiatives for Armenia Awards Grant to the Armenia Education Initiative to Expand the Teach For Armenia’s Seroond School Turnaround Program Ucom to Participate in COP17 Together with FPWC, Showcasing Their Environmental Partnership“The Golden Hour”: IDBank explains how to respond effectively to a scam attackNelli Kocharyan Presents Converse Bank’s Vision for Development of International Relations at the BACEE Conference