IDpay. Փոխանցումներ Հայաստանից Ռուսաստան և հակառակը

SOCIETY 28 April, 2021 19:13

IDpay հավելվածով արդեն հնարավոր է գումար ստանալ Հայաստանից, իսկ Ռուսաստանից փոխանցումները կատարելագործվել են և աննախադեպ մատչելի են։ Թե՛ առաջին, թե՛ երկրորդ դեպքում ընդամենը անհրաժեշտ է իմանալ ստացողի հեռախոսահամարը։

Եթե ի սկզբանե IDpay բջջային հավելվածով Ռուսաստանից IDBank-ի հաճախորդներին կարող էին գումար փոխանցել միայն ՌԴ քաղաքացիները, ապա այժմ ծառայությունն արդեն հասանելի է նաև ՀՀ քաղաքացիների համար։ Սկզբունքը հետևյալն է․ անհրաժեշտ է անցնել հեռավար նույնականացում ՀՀ անձնագրով, IDpay հավելվածին կցել Ձեր VISA, Mastercard և MИР համակարգերի ռուսաստանյան ցանկացած բանկի քարտ և իրականացնել IDBank-ի հաճախորդների քարտերի/հաշիվների ակնթարթային համալրում աննախադեպ մատչելի պայմաններով՝ ընդամենը 0․5% միջնորդավճարով։

Անհրաժեշտ է միայն հեռախոսի հասցեագրքից ընտրել կամ ձեռքով մուտքագրել ստացողի բջջային այն հեռախոսահամարը, որը կցված է IDBank-ի քարտին կամ հաշվին: IDBank-ի հաճախորդները ցանկացած պահի կարող են հեշտությամբ կցել կամ փոխարինել իրենց քարտին կամ հեռախոսահամարին կցված բջջային հեռախոսահամարը IDBanking.am հարթակի «Հաշիվներ» բաժնում։

Հայաստանից Ռուսաստան, ավելի ստույգ՝ Idram&IDBank հավելվածից IDpay հավելվածին գումար փոխանցելու համար նույնպես ուղարկողը պետք է իմանա միայն ստացողի այն հեռախոսահամարը, որը գրանցված է IDpay հավելվածում։ Բացի այդ, այս պահին անհրաժեշտ է ունենալ ՌԴ ռուբլով հաշիվ IDBank-ում, որը կարելի է հեշտությամբ բացել առցանց ընդամենը մի քանի վայրկյանում։ Այս ծառայության միջնորդավճարը նույնպես առավելագույնս շահավետ է՝ ընդամենը 0․9%. Ստացողը կարող է IDpay հավելվածին ստացված գումարը փոխանցել ցանկացած ռուսական բանկային քարտի և հետո տնօրինել՝ ինչպես կցանկանա։

IDBank-ի թվային բանկինգի տնօրեն Սերգեյ Առաքելյանի խոսքով ծառայությունը ստեղծելիս ռուս գործընկերների հետ հաշվի են առել հաճախորդներից ստացած հիմնական արձագանքները․ ««Ամեն ինչ հաճախորդի շուրջ և հաճախորդի համար» սկզբունքը գործում է նաև այս դեպքում․ այսուհետ IDBank-ի հաճախորդները հնարավորություն ունեն ոչ միայն ՌԴ-ից արագ, ակնթարթային փոխանցում ստանալ, այլ նաև նույն արագությամբ գումար փոխանցել Ռուսաստան։ «Զանգից էլ արագ»․ ասում ենք մենք, որովհետև IDpay-ը տեխնոլոգիական, ժամանակակից լուծում է, որը տարածությունն ու հեռավորությունը դարձնում է աննկատ»,- ասել է Սերգեյ Առաքելյանը։

«Վճարային ունիվերսալ տեխնոլոգիաներ» («Универсальные платежные технологии» (ООО «УПТ») ընկերության գործառնական տնօրեն Ֆելիքս Խաչատրյանը շեշտել է, որ խոստացված բարելավումները երկար սպասել չտվեցին և այսօր արդեն IDpay հավելվածով կարող են նույնականացվել և փոխանցում կատարել ինչպես Ռուսաստանի, այնպես էլ Հայաստանի քաղաքացիները, ինչը ծառայությունն էլ ավելի պահանջված կդարձնի։

IDpay-ը գործում է «Սովկոմբանկ» ՓԲԸ-ի հարթակում և հանդիսանում է ռուսական «Վճարային Ունիվերսալ տեխնոլոգիաներ» («Универсальные платежные технологии») ընկերության, Idram-ի և IDBank-ի համատեղ նախագիծը։

ԲԱՆԿԸ ՎԵՐԱՀՍԿՎՈՒՄ Է ՀՀ ԿԲ ԿՈՂՄԻՑ