ԽԱՉԻԿ ՄԱՅԻՍԻ ԱՍՐՅԱՆ` «Հայոց Արծիվներ. Միասնական Հայաստան» կուսակցության հիմնադիր նախագահ. կենսագրություն

Համառոտ կենսագրություն.

Ծնվել է 1970թ-ի փետրվարի 13-ին` Սյունիքի մարզի Գորիս քաղաքում:
1977-87թթ-ին սովորել է Գորիսի թիվ 2 միջն. դպրոցում:
1988-91թթ-ին ծառայել է Խորհրդային բանակում` Հեռավոր Արևելքում, Ճապոնական ծովի
հարևանությամբ` ծովային հետևակ:
1991թ. Սյունիքում, իր նախաձեռնությամբ ստեղծել է ամենաերիտասարդ ջոկատը`
«Նժդեհյան գայլախումբ» անվամբ, որտեղ էլ ընդգրկվել են 15-18 տարեկան պատանիներ և
երիտասարդներ, որոնք էլ Տաթևում և Հալիձորում ստացել են ֆիզիկական և
տակտիկական խիստ մասնագիտացված դասընթացներ: «Նժդեհյան գայլախումբ» ջոկատով
մասնակցել է (1992-1994թթ.) Լաչինի, Սաֆյանի, Սվարասիի, Գորիսի և Կապանի սահմանների
պաշտպանությանը:
1991-95թթ. սովորել և ավարտել է Գորիսի «Սյունիք» ինստիտուտի իրավաբանական
ֆակուլտետը, միաժամանակ մարզելով թվով 100-120 պատանիների և երիտասարդների`
արևելյան մարտարվեստով:
1992-93թթ-ին նկարահանել է «Արյան հետքերով» գեղարվեստական տեսաֆիլմը` նվիրված
արցախյան հերոսամարտին:
1994թ-ի աշնանը Կապանում, Սյունիքի մարզական օլիմպիադայում 3 կմ վազքատարածքում
դարձել է բացարձակ չեմպիոն:
1996-97թթ-ին աշխատել է Սյունիքի մարզային ոստիկանությունում` որպես ուղեկցող խմբի
հրամանատար:
1998թ-ին Սանտկ-Պետերբուրգում մասնակցել է ՅՈՒՆԵՍԿՕ-ի եռամսյա ռեժիսորական և
պրոդյուսերական դասընթացներին և ստացել համապատասխան վկայական:

1991թ-ի սեպտեմբերից մինչև 1999թ-ի սեպտեմբերը Սյունիքի մարզում
կազմակերպել է 180 հայրենասիրական բազմաբովանդակ միջոցառումներ:

1999թ-ի հոկտեմբերի 9-ին Սյունիքում հիմնադրել է արցախյան պատերազմի
ազատամարտիկ-հրամանատար, նահատակ Սամվել Գևորգյանի անվան «Սյունիք»
կիոընկերությունը:
1999թ-ի հոկտեմբերի 9-16-ը Կապան քաղաքում կազմակերպել է հայ-ռուսական
բարեկամության միջազգային 1-ին կինոփառատոնը:

1999-2002թթ-ին «Սյունիք» կինոընկերությունը դպրոցականների,
ուսանողների և երիտասարդների շրջանում իրականացրել է մշակութային,
սպորտային, արվեստին վերաբերող 230 բազմաբովանդակ միջոցառումներ:

ԽԱՉԻԿ ՄԱՅԻՍԻ ԱՍՐՅԱՆ
«Հայոց Արծիվներ. Միասնական
Հայաստան» կուսակցության
հիմնադիր նախագահ

2002թ-ի սեպտեմբերի 26-ին Սյունիքում հիմնադրել է «Սյունյաց Արծիվներ»
երիտասարդական հասարակական կազմակերպությունը (www.hayocartsivner.am):

2002թ-ի նոյեմբերի 10-ից մինչև 2008 թվականի նոյեմբերի 23-ը ՀՀ Սյունիքի մարզկենտրոն
Կապանում կազմակերպել է «Սյունյաց Արծիվներ» երիտասարդական հասարակական
կազմակերպության ինչպես հիմնադիր, այնպես էլ հինգ համագումարներ:

2005 թվականի սեպտեմբերից մինչև 2008 թվականի դեկտեմբերը Հայաստանի
Հանրապետության հարավային մարզերում և Լեռնային Ղարաբաղի Հանրապետությունում
իրականացրել է երիտասարդական հասարակական կազմակերպությունների, մարզերի
երիտասարդների խնդիրների լուծման, նրանց դերի և կյանքի ակտիվացմանը վերաբերող,
երիտասարդների զբաղվածության խնդիրների լուծման և մշակութային կյանքի ակտիվացմանը
վերաբերող, երիտասարդների հայրենասիրական դաստիարակությանը վերաբերող,
հասարակության շրջանում առողջ ապրելակերպի խթանմանը վերաբերող յոթ միջոցառումների
ծրագիր:

2009թ-ի նոյեմբերի 20-ին Երևան քաղաքի «Մոսկվա» կինոթատրոնում կազմակերպել է
«Սյունյաց Արծիվներ» երիտասարդական հասարակական կազմակերպության հիմնադրման և
գործունեության 7-րդ տարեդարձը:

2002թ-ի սեպտեմբերից մինչև 2009թ-ի դեկտեմբերը Լեռնահայաստանում
կազմակերպել է 821 հայրենասիրական բազմաբովանդակ միջոցառումներ
(www.hayocartsivner.am):

2010թ-ի հունվարի 27-ին Երևան քաղաքում հիմնադրել է «Հայոց Արծիվներ»
հայրենասիրական հասարակական կազմակերպությունը (այսուհետ՝ Կազմակերպություն),
(www.hayocartsivner.am):
2010թ-ի փետրվարից մինչև 2012թ-ի նոյեմբերի 30-ը Հայաստանի Հանրապետության 300
համայնքներում հիմնադրել է «Հայոց Արծիվներ» հայրենասիրական հասարակական կազմակերպության 300 մասնաճյուղեր-գրասենյակներ:
2010թ-ի մարտի 27-ին, Երևան քաղաքի Մատենադարանի բացօթյա հրապարակում
կազմակերպել է «Հայոց Արծիվներ» հայրենասիրական հասարակական կազմակերպության 1-
ին Համագումարը, որին մասնակցել են Կազմակերպության 5000 անդամներ:
2011թ-ի փետրվարի 19-ին, Երևան քաղաքի Մատենադարանի բացօթյա հրապարակում
կազմակերպել է «Հայոց Արծիվներ» հայրենասիրական հասարակական կազմակերպության
հիմնադրման 1-ին տարեդարձը, որին մասնակցել են Կազմակերպության 57 մասնաճյուղերից
ժամանած 7000 անդամներ:
2011թ-ին Հայոց Անկախության 20-րդ տարեդարձի կապակցությամբ ազգային բանակի
տարբեր զորամասերում իրականացրել է 20 խոշոր հայրենասիրական միջոցառումներ:
2012թ-ի մարտի 4-ին, Երևան քաղաքի Ազատության հրապարակում կազմակերպել է «Հայոց
Արծիվներ» հայրենասիրական հասարակական կազմակերպության 2-րդ Համագումարը, որին
մասնակցել են Կազմակերպության 216 մասնաճյուղերից ժամանած 12.000 անդամներ:
2012թ-ին Հայոց ազգային բանակի 20-րդ տարեդարձին նվիրված ռազմահայրենասիրական
20 խոշոր միջոցառումներ է կազմակերպել և անցկացրել ՀՀ և ԼՂՀ ՊՆ տարբեր զորամասերում:
2013թ-ին Հայաստանի Հանրապետության և Լեռնային Ղարաբաղի Հանրապետության 1800
կրթօջախներին նվիրել է 1800 օդաճնշիչ հրացան:
2014թ-ի մարտի 15-ին ՀՀ Արմավիրի մարզում տեղակայված ՊՆ Մարշալ Հ. Բաղրամյանի
անվան զորավարժարանում կազմակերպել է «Հայոց Արծիվներ» հայրենասիրական
հասարակական կազմակերպության բացօթյա 3-րդ համագումարը, որին մասնակցել են
Կազմակերպության 300 մասնաճյուղերից ժամանած 1.100 պատվիրակներ:
2014թ-ի հունիսի 15-ին Վայոց Ձորի մարզի Հորբատեղ գյուղական համայնքում հիմնադրել է
«Հայոց Արծիվներ» հայրենասիրական հասարակական կազմակերպության 301-րդ մասնաճյուղգրասենյակը:
2015թ-ի փետրվարի 27-ին Երևան քաղաքի «Մոսկվա» կինոթատրոնում կազմակերպել է
«Հայոց Արծիվներ» հայրենասիրական հասարակական կազմակերպության հիմնադրման և
գործունեության 5-րդ տարեդարձին նվիրված պաշտոնական միջոցառումը:
2016թ-ի ապրիլի 4-ից 28-ը «Հայոց Արծիվներ» հայրենասիրական հասարակական
կազմակերպության «Հայոց Արծիվներ» կամավորական մարտական ջոկատի 60 անդամները
ջոկատի հրամանատար, գնդապետ Խաչիկ Ասրյանի գլխավորությամբ ՀՀ պաշտպանության
նախարարության N զորամիավորման հրամանատարության ներքո մասնակցել են Արցախի
հարավարևելյան շրջանի պաշտպանությանը՝ բարձր կարգապահությամբ, մեծ
պատասխանատվությամբ և անթերի կատարելով իրենց առջև դրված մարտական խնդիրները:
2016թ-ի հունիսի 18-ին, Երևան քաղաքի «Մոսկվա» կինոթատրոնում կազմակերպել է
«Արծիվների» գործունեության 13-րդ տարեդարձին և Կազմակերպության 9-րդ համագումարին
նվիրված պաշտոնական միջոցառումը:
2016թ-ին Հայոց Անկախության 25-րդ տարեդարձին նվիրված ազգային բանակի տարբեր
զորամասերում և տարբեր մարտական հենակետերում, ինչպես նաև ՀՀ սահմանամերձ
համայնքներում կազմակերպել և անցկացրել է 25 հայրենասիրական միջոցառումներ:
2017թ-ի մարտի 4-ին, Երևան քաղաքի «Մոսկվա» կինոթատրոնում կազմակերպել է
«Արծիվների» գործունեության 14-րդ տարեդարձին նվիրված պաշտոնական միջոցառումը
(«Հայոց Արծիվներ» հայրենասիրական հասարակական կազմակերպությունը 7 տարեկան է.
2010 թվականի հունվարի 27-ից մինչև 2017 թվականի մարտի 4-ը կազմակերպել է 616
միջոցառում: «Սյունյաց Արծիվներ» երիտասարդական հասարակական կազմակերպությունը 7
տարեկան է. 2002 թվականի սեպտեմբերի 26-ից մինչև 2009 թվականի նոյեմբերի 20-ը
կազմակերպել է 821 միջոցառում):
2017թ-ին Հայոց ազգային բանակի 25-րդ տարեդարձին նվիրված ռազմահայրենասիրական
25 խոշոր միջոցառումներ է կազմակերպել և անցկացրել ՀՀ և ԱՀ պաշտպանության
նախարարությունների տարբեր զորամասերում և տարբեր մարտական հենակետերում:

2010թ-ի փետրվարից մինչև 2018թ-ի մայիսը Հայաստանի
Հանրապետությունում և Արցախի Հանրապետությունում կազմակերպել է 679
հայրենասիրական բազմաբովանդակ միջոցառումներ (www.hayocartsivner.am):

Հիմնադրել է. 26.04.2003թ.` «Նժդեհյան մրցանակ» ամենամյա մրցանակաբաշխությունը,
16.05.03թ.` Գ. Նժդեհի անվան կարատեի մանկապատանեկան ամենամյա բաց առաջնությունը,
22.04.04թ.` «Լեռնահայաստանի Արծիվ» ոսկյա հուշամեդալը, 09.06.05թ.`
«Ռազմահայրենասիրական ծրագրերի իրականացման կենտրոնը», 09.06.05թ.` «Սյունիքի
ուսանողների միությունը», 27.01.10թ.` «Հայոց Արծիվ» ոսկյա հուշամեդալը:

1991 թվականի սեպտեմբերից մինչև 2018 թվականի մայիսը Հայաստանի
Հանրապետությունում և Արցախի Հանրապետությունում կազմակերպել է 1.910
հայրենասիրական բազմաբովանդակ միջոցառումներ:

2005-09թթ. սովորել և ավարտել է ՀՀ ֆիզիկական կուլտուրայի հայկական պետական
ինստիտուտը` «Փրկարար գործ» մասնագիտությամբ:
2007թ-ի հուլիսի 14-ից մինչև 2018 թվականի մայիսի 10-ը աշխատել է որպես ՀՀ սպորտի և
երիտասարդության հարցերի փոխնախարար:
2007թ-ի հուլիսի 14-ից մինչև 2018թ-ի մայիսը Հայաստանի
Հանրապետությունում և Արցախի Հանրապետությունում կազմակերպել է 95-
ից ավել մարզական մասսայական միջոցառումներ:
2018 թվականի հունիսի 23-ին Հայաստանի Հանրապետությունում (Երևան
քաղաքում) հիմնադրել է «Հայոց Արծիվներ. Միասնական Հայաստան»
կուսակցությունը:
2020 թվականի սեպտեմբերի 29-ից մինչև հոկտեմբերի 29-ը «Հայոց
Արծիվներ. Միասնական Հայաստան» կուսակցության «Հայոց Արծիվներ»
կամավորական ջոկատը (վաշտը), ջոկատի (վաշտի) հրամանատար,
գնդապետ Խաչիկ Ասրյանի գլխավորությամբ, Արցախի ՊԲ Մարտունի 2-րդ
պաշտպանական շրջանի հրամանատարության ներքո, մասնակցել է Արցախի
Մարտունու շրջանի առաջնագծի պաշտպանությանը` մեծ
պատասխանատվությամբ և բարձր կարգապահությամբ իրականացնելով
մարտական ծառայություն և մարտական հերթապահություն։

Քիք-բոքսինգի միջազգային ֆեդերացիայի Պատվավոր անդամ է:
Շոտոկան կարատեի ֆեդերացիայի անդամ է, ունի սև գոտի:

Պարգևատրվել է.
Հայաստանի Հանրապետության նախագահի կողմից շնորհակալագրերով (15.12.2008թ.,
21.08.2011թ.):
Հայաստանի Հանրապետության նախագահի կողմից «Մովսես Խորենացի» մեդալով
(29.12.2013թ.):
2014թ-ի դեկտեմբերի 22-ին ՀՀ սպորտի և երիտասարդության հարցերի նախարարի կողմից
արժանացել է ֆիզիկական կուլտուրայի և սպորտի «Պատվավոր աշխատողի» կոչմանը:
Հայաստանի Հանրապետության վարչապետի կողմից Հայաստանի Հանրապետության
վարչապետի հուշամեդալով (19.02.2015թ.):
Հասարակական պարգևների և կոչումների միջազգային կազմկոմիտեի (քաղաք Մոսկվա)
կողմից «Եվրասիական միության պետությունների Պատվավոր քաղաքացի» բարձրագույն
շքանշանով (25.02.2018թ.):

Պարգևատրվել է.
«Լեռնահայաստան. Գարեգին Նժդեհ» ոսկյա հուշամեդալով /14.11.04թ./, Երկրապահ
Կամավորական Միության հուշամեդալով /19.03.05թ./, ՀՀ ՊՆ «Գարեգին Նժդեհ» հուշամեդալով
/23.09.05թ./, «Մահապարտ» ոսկյա հուշամեդալով` «Արծիվ Մահապարտներ» միության կողմից
/18.01.07թ./, «Հանուն հայրենիքի» հուշամեդալով /06.03.07թ./, ՀՀ Քիք-բոքսինգի ազգային
ֆեդերացիայի ոսկե հուշամեդալով /23.12.07թ./, Երևանի օլիմպիական հերթափոխի պետական
մարզական քոլեջի ոսկե հուշամեդալով /23.12.07թ./, «Ոսկե աստղ. ի պատիվ բարձր հարգանքի»
հուշամեդալով` Միջազգային Ոստիկանության կորպորացիայի կողմից /31.01.08թ./,
ՀՀ ՊՆ «Անդրանիկ Օզանյան» հուշամեդալով /01.02.08/, «Ախթալա» ԼՀԿ հուշամեդալով
/20.09.08թ./, «Մայրական երախտագիտություն» հուշամեդալով /ԼՂՀ, 23.11.08թ./, «Վազգեն
Սարգսյան» շքանշանով` «Արծիվ մահապարտներ» միության կողմից /20.05.09թ./, ԼՂՀ Պաշտպանության բանակի հուշամեդալով /20.11.2009թ./, ՀՀ Ոստիկանության «Համագործակցության ամրապնդման համար» մեդալով /19.12.2009թ./, «Հայոց Արծիվ» մեդալով` «Անմար կրակներ» ռազմահայրենասիրական բարեգործական հասարակական կազմակերպության կողմից
/28.01.2010թ./, Երևանի ճարտարապետության և շինարարության պետական համալսարանի ոսկե մեդալով /20.04.2010թ./, ՀՀ կրթության և գիտության նախարարության բարձրագույն պարգևով` «Ոսկե հուշամեդալով» /25.12.2010թ./, ՀՀ ՊՆ «Վազգեն Սարգսյան» հուշամեդալով
/05.02.2011թ./, ՀՀ սպորտի և երիտասարդության հարցերի նախարարության ոսկե մեդալով
/11.02.2011թ./, «Զորավար Անդրանիկ» հայրենասիրական հասարակական կազմակերպության
«Անդրանիկ Զորավար» մեդալով /07.05.2011թ./, Ռուսաստանի անվտանգության դաշնային ծառայության սահմանապահ ծառայության կողմից «Արտաշատի սահմանապահ ջոկատի 55 ամյակ» հուշամեդալով /16.05.2011թ./, «Միջազգային Անվտանգության Ասպետաց Ակադեմիա»-ի
կողմից «Հայրենիքի պաշտպանության» համար կրծքանշանով /24.09.2011թ./, ՀՀ ՊՆ «ՀՀ Զինված Ուժեր 20 տարի» հոբելյանական մեդալով /24.12.2011թ./, ՀՀ ՊՆ «Ծովակալ Հ.Ս. Իսակով»
մեդալով /30.09.2013թ./, Հայաստանի «Դինամո» մարզական հասարակական կազմակերպության հուշամեդալով /24.10.2013թ./, Հայաստանի Հանրապետության մշակույթի նախարարության
«Ոսկե մեդալով» /13.12.2013թ./, «Ոստիկանության միջազգային ասոցիացիայի 1-ին աստիճանի
մեդալով» /05.02.2014թ./, «Միասնություն» Միջազգային Հասարակական Իրավապաշտպան
Շարժում» կազմակերպության կողմից «Միասնություն» շքանշանով /30.12.2014թ./, Հայաստանի
Ազգային Պարարվեստի միության բարձրագույն պարգևով՝ «Վահրամ Արիստակեսյան» ոսկեզօծ
հուշամեդալով /15.05.2015թ./, Ղարաբաղյան պատերազմի վետերան «Միջազգային
Անվտանգության Ասպետաց Ակադեմիա»-ի կողմից «Մեծն Տիգրան» շքանշանով /21.09.2015թ./,
Հայաստանի ազգային օլիմպիական կոմիտեի «Տրդատ III Արշակունի» մեդալով /28.12.2015թ./,
Ղարաբաղյան Պատերազմի Վետերանների Միության «Հայրենիքի պաշտպանության համար»
մեդալով /18.06.2016թ./, ՀՀ ՊՆ «Մարշալ Հ.Ք. Բաղրամյան» մեդալով /01.07.2016թ./,
Ռուսաստանի Դաշնության ԴՕՍԱԱՖ-ի նախագահ, գեներալ-գնդապետ Ա.Պ. Կոլմակովի կողմից
«ԴՕՍԱԱՖ-ի 90 տարի» մեդալով /10.10.2017թ./, Ռուսաստանի Դաշնության Նախագահին կից
Ռուսաստանի Դաշնության Հանրային պալատի պարգևատրման հանձնաժողովի նախագահ,
գեներալ-մայոր Վ. Ն. Վելիչկոի կողմից «Ռազմահայրենասիրական ակտիվ գործունեության
համար» մեդալով /12.06.2018թ./, «Միջազգային Անվտանգության Ասպետաց Ակադեմիա»-ի կող
մից Հայրենիքի պաշտպանության համար Ասպետաց «Վարդան Մամիկոնյան» փառքի
շքանշանով /23.08.2019թ./, Հայաստանում Ռուսաստանի Դաշնության 102-րդ ռազմաբազայի
հրամանատարի կողմից «Հայրենական Մեծ Պատերազմի հաղթանակի 75 ամյակ»
հոբելյանական մեդալով /22.12.2020թ./, ինչպես նաև 250-ից ավել պատվոգրերով:

Պահեստազորի գնդապետ է:

Մի շարք հասարակական, քաղաքական հոդվածների հեղինակ է:

Ամուսնացած է, ունի մեկ որդի և երկու դուստր: