Հոկտեմբերի 19-ին Նիկոլ Փաշինյանին խնդրել եմ դադարեցնել պատերազմն ու իմ համաձայնությունն եմ տվել փոխզիջումներին. Արայիկ Հարությունյան
POLITICSԵրեկ Ստեփանակերտում տեղի ուենցած հավաքի ժամանակ Արցախի նախագահ Արայիկ Հարությունյանը, խոսելով այն հարցին մասին, թե ինչու պատերազմն ավելի շուտ չի դադարել, ասաց, որ նախ Ադրբեջանի ու Թուրքիայի կողմից ագրեսիվ դիրքորոշումը տապալել է երեք գերտերությունների ղեկավարների միջնորդությամբ կայացած հրադադարի երեք պայմանավորվածությունները. «Ինչ վերաբերում է հայկական կողմից ադրբեջանական պահանջներն ընդունելու միջոցով պատերազմը դադարեցնելու տարբերակներին, ապա դրա մասին քանիցս պարզաբանումներ եղել են»։
«Այնուամենայնիվ կուզեի ընդգծել, որ պատերազմի ընթացքում ու քանիցս հստակորեն կողմ եմ արտահայտվել պատերազմի դադարեցմանը:
Ավելին՝ մի քանի անգամ դա կատարել եմ հրապարակայնորեն: Օրինակ, արդեն հրապարակվել է հոկտեմբերի 19-ին ՀՀ վարչապետին ուղղված իմ նամակը, որտեղ պարզորեն խնդրում եմ դադարեցնել պատերազմն ու իմ համաձայնությունն եմ տվել փոխզիջումներին:
Օրեր անց հրապարակվել էր նաև ՌԴ նախագահին ուղղված նամակս՝ խնդրելով աջակցելու դադարեցնել պատերազմը: Էլ չեմ ասում, թե որքան ոչ հրապարակային խնդրանքներ ու հորդորներ են եղել իմ կողմից»,-ասել է նա:
Ինչ վերաբերում է հարցին, թե ինչու նոյեմբերի 9-ին կանգնեցվեց, Հարությունյանը նշել է, որ Շուշիի ընկնելուց հետո, երբ Ստեփանակերտն ու հազարավոր այլ զինծառայողներ իրական վտանգի տակ էին, խնդրել ու պահանջել է Նիկոլ Փաշինյանից ժամ առաջ կանգնեցնել պատերազմն ու փրկել Արցախի մնացած մասը: