Գյումրիում գտնված փոքրիկ Արենը խնամակալության է հանձնվել
SOCIETYԵրկու շաբաթ առաջ Գյումրու Շահումյան փողոցի առանձնատներից մեկի ցանկապատերի տակ հայտնաբերված, այնուհետեւ Գյումրու Մոր և մանկան ավստրիական հիվանդանոց տեղափոխված նորածին տղային Գյումրու քաղաքապետարանի խնամակալության և հոգաբարձության հանձնաժողովը հանձնեց խնամակալության։
Գյումրու քաղաքապետարանի խնամակալության և հոգաբարձության հանձնաժողովի նախագահ Էդուարդ Բաղրամյանը Aravot.am-ի հետ զրույցում նշեց, որ շատերն են հետաքրքրվել երեխայով, սակայն գրավոր դիմում ներկայացրել են երկու ընտանիքներ։
Երկուսն էլ, ըստ նրա, նորմալ ընտանիքներ են՝ լուրջ, գիտակ, սակայն հանձնաժողովը նպատակահարմար է գտել երեխային տալ խնամակալության այն ընտանիքին, որի կինն աշխատում է հասարակական կառույցում ու մասնագիտության բերումով երկար տարիներ զբաղվում է երեխաների խնամքով։ Նրանք երեխաներ չունեն։ «Չեմ կարող բառերով նկարագրել այդ մարդկանց երջանկությունը, երբ երեխային գրկեցին՝ տուն տանելու»,-ասաց Էդուարդ Բաղրամյանը։