Սարդի հետ կնոջ հանդիպումն ավարտվել է ոստիկանություն կանչելով
SOCIETYՇոտլանդիայի Լիվինգսթոն քաղաքից մի կին, սարդ տեսնելով, գոռոց է գցել, որից հետո ոստիկանական ջոկատ է ժամանել նրա մոտ: Այս մասին հաղորդում է Daily Mail-ը:
30-ամյա Հոլի Հանթերը ննջասենյակում մահճակալի վրա սարդ է գտել, որը, նրա պնդումներով, ափի չափ է եղել:
«Ես հենց նոր 40 րոպե ծախսեցի ցեցից ազատվելու համար, վերադարձա ննջասենյակ եւ այնտեղ իմ մահճակալի վրա հսկայական սարդ տեսա»,- ասել է կինը:
Նա սկսել է գրքեր նետել սարդի վրա, որից հետո սարդը վազել է նրա մոտ: Հանթերը վախեցել է եւ սկսել է գոռալով վազվզել սենյակներով: Կնոջ հարեւանը ճիչեր է լսել եւ ոստիկանություն է կանչել: «Ես նայեցի դիտանցքից՝ այնտեղ հինգ ոստիկան կար: Ես բացեցի դուռը եւ ասացի. «Կներեք, բայց իմ մահճակալի տակ սարդ կա, եւ ես սարսափած եմ»։
Ոստիկանները հարցրել են, թե արդյոք էլի մարդ կա՞ տանը, ապա բռնել են սարդին ու դուրս տարել: Լիվինգսթոնի ոստիկանությունը հայտնել է, որ ջոկատը կնոջ հասցեով գնացել է այն բանից հետո, երբ հարեւանները հայտնել են այդ բնակարանում «անկարգությունների» մասին: