ՊԱՏՄՈՒԹՅԱՆ ԱՅՍ ՕՐԸ (16 ՍԵՊՏԵՄԲԵՐԻ)․ Ուղևորներով տրոլեյբուսն ընկել է Երևանյան լիճը․ «Փաստ»

SOCIETY 16 September, 2021 13:04

«Փաստ» օրաթերթը գրում է

ՏՈՆԵՐ ԵՎ ՀԻՇԱՐԺԱՆ ՕՐԵՐ

Օզոնային շերտի պահպանման միջազգային օր, Պապուա Նոր Գվինեա՝ Անկախության օր, Մալազիա՝ Մալազիայի օր, Մեքսիկա՝ Անկախության օր, Ղազախստան՝ Մայրերի օր։

ՀԱՅ-ՀԱՅԱՍՏԱՆ

1822– ծնվել է գրող և հրապարակախոս Ծերենցը։

1931– ծնվել է արձակագիր, դրամատուրգ, թարգմանիչ, հրապարակախոս, լրագրող, երգիծաբան Արտաշես Քալանթարյանը։

1943 –Երկրորդ համաշխարհային պատերազմի ժամանակ վախճանվել է ԽՍՀՄ հերոս Հունան Ավետիսյանը։

1944 –ծնվել է քաղաքական գործիչ, ՀՀ Ազգային ժողովի նախկին նախագահ Բաբկեն Արարքցյանը։

1945 -ծնվել է ազգությամբ հայ ռուսաստանցի հումորիստ, հաղորդավար Եվգենի Պետրոսյանը։

1976–Երևանում ուղևորներով տրոլեյբուսն ընկել է Երևանյան լիճը, լողորդ Շավարշ Կարապետյանը փրկել է 20 ուղևորի՝ հանելով նրանց ջրից։

1980- վախճանվել է խորհրդային ռադիոֆիզիկոս Էմիլ Միրզաբեկյանը։

2005-Միացյալ Նահանգների Կոնգրեսի Ներկայացուցիչների պալատի արտաքին հարաբերությունների հանձնաժողովը ձայների ճնշող մեծամասնությամբ ընդունել է Հայոց ցեղասպանությունը ճանաչելու մասին՝ կոնգրեսական Ադամ Շիֆի ներկայացրած օրինագիծը երկու բանաձևերի տեսքով:

2008-Տիգրան Թորոսյանը հրաժարական է ներկայացրել Ազգային ժողովի նախագահի պաշտոնից:

2010- ազգային ավիափոխադրող «Արմավիա» ընկերությունը դադարեցրել է թռիչքները, իսկ պատճառը եղել է կուտակած պարտքերը «Զվարթնոց» օդանավակայանին:

2014- Գերմանիայում բնակվող հայ աստղագետ Ֆելիքս Ահարոնյանը արժանացել է Վիկտոր Համբարձումյանի անվան միջազգային մրցանակի:

2019-ԱԱԾ տնօրեն Արթուր Վանեցյանը հրաժարական է ներկայացրել և ուղղակիորեն ակնարկել, որ քաղաքական ղեկավարության որոշումները դեմ են սպայի արժանապատվությանը և հայրենիքի հանդեպ պարտքին։

ԱՇԽԱՐՀ

1386 –ծնվել է Անգլիայի թագավոր Հենրիխ 5-րդը։

1492 -Կոլումբոսի առաջին նավարկության ժամանակ հայտնագործվել է Սարգասյան ծովը։

1736 -վախճանվել է գերմանացի ֆիզիկոս Գաբրիել Դանիել Ֆարենգեյթը, որը առաջինն է սնդիկը օգտագործել ջերմաչափերում և ստեղծել Ֆարենգեյթի սանդղակը։

1745- ծնվել է ռուս զորավար, իշխան Միխայիլ Կուտուզովը։

1773 -Նոր Շոտլանդիա (Կանադա) է ժամանել «Հեկտոր» նավը շոտլանդացի վերաբնակիչներով, որից հետո սկսվել է նոր միգրացիոն ալիք Շոտլանդիայից Կանադա։

1782 -ծնվել է մանջուրական Չինաստանի Ցին դինաստիայի 8-րդ կայսր Դաոգուանը։

1810– Մեքսիկան հայտարարել է իր անկախությունը Իսպանիայից և սկսել է ազատագրական պայքարը։

1821 -Ռուսական Կայսրությունը հաստատել է Ալ յասկայի նկատմամբ իր բացառիկ իրավունքը։

1857 -բոստոնցի Ջեյն Պիրպոնտը ստացել է հեղինակային իրավունք «One Horse Open Sleigh» երգի նկատմամբ, որը առավել հայտնի է որպես «Jingle Bells»։ Այդ երգն առաջին անգամ ներկայացվել է կիրակնօրյա դպրոցում, իսկ ներկայումս ամբողջ աշխարհում անհնար է պատկերացնել Ամանորն առանց այդ երգի։

1858 –ծնվել է բրիտանացի քաղաքական գործիչ, վարչապետ Էնդրյու Բոնարը։

1859 -անգլիացի ճանապարհորդ Դավիթ Լիվինգստոնը Աֆրիկայում հայտնաբերել է
Նյասա լիճը։

1885 – ծնվել է հոգեբան, հոգեթերապևտ և հոգեվերլուծաբան Կարեն Հորնին։

1889 -Վաշինգտոնում բացվել է առաջին համաամերիկյան գագաթաժողովը։

1908– ստեղծվել է «Ջեներալ Մոթորս» ամերիկյան ավտոմոբիլային միջազգային
ընկերությունը։

1916 -կանադական Օնտարիոյում մտցվել է «չոր օրենք»։

1956 -ծնվել է ամերիկացի աճպարար և իլյուզիոնիստ Դևիդ Կոպերֆիլդը։

1963- կազմավորվել է Մալազիա պետությունը։

1965 -ԽՍՀՄ Քրեական օրենսգրքում մտցվել են նոր հոդվածներ, որոնք հեշտացրել են այլախոհների դատապարտումը։

1970 – ստեղծվել է «Սև սեպտեմբեր» պաղեստինյան կազմակերպությունը։

1973- վախճանվել է պարագվայցի ռազմական և քաղաքական գործիչ Ռաֆայել
Ֆրանկոն։

1977– վախճանվել է ազգությամբ հույն, ամերիկյան հանրահայտ օպերային երգչուհի Մարիա Կալասը։

1978– Իրանում տեղի է ունեցել հզոր երկրաշարժ, որի հետևանքով զոհվել է մոտ 15
հազար մարդ։

1987 -ստորագրվել է օզոնային շերտի պահպանման վերաբերյալ Մոնրեալ յան արձանագրությունը։

1993 -վրաց-աբխազական պատերազմի ժամանակ սկսվել են մարտերը Սուխումիի
համար։

1999 -Ռոստովի մարզի Վոլգոդոնսկ քաղաքում տեղի է ունեցել ահաբեկչական գործողություն՝ պայթեցվել է բնակելի շենք, որի արդյունքում զոհվել է 19, վնասվածքներ
ստացել՝ 200 մարդ։

Մանրամասները՝ «Փաստ» օրաթերթի այսօրվա համարում