Երասխում կտեղադրվի ՀՀ-ում ամենամեծ դրոշը (լուսանկար)
SOCIETYՍեպտեմբերի 21-ին՝ ժամը 12։00-ին, Արարատի մարզի Երասխ համայնքում տեղի կունենա Հայաստանի Հանրապետությունում՝ այս պահին եղած ամենամեծ եռագույնի բարձրացման հանդիսավոր արարողությունը: Այս մասին ֆեյսբուքյան իր էջում տեղեկացրել է ՀՀ պետական գույքի կառավարման կոմիտեի նախագահ Գարիկ Սարգսյանը:
Գարիկ Սարգսյանի գրառումը՝ ստորև.
«Սիրելի հայրենակիցներ, սեպտեմբերի 21-ին՝ ժ. 12։00-ին, Արարատի մարզի Երասխ համայնքում տեղի կունենա Հայաստանի Հանրապետությունում՝ այս պահին եղած ամենամեծ եռագույնի բարձրացման հանդիսավոր արարողությունը։ (Դրոշի չափսերը՝ 6մ×12մ, դրոշակաձողի բարձրությունը՝ 35մ):
Նախաձեռնությունն իմն է, և այն նվիրված է ՀՀ անկախության 30 ամյակին, ինչպես նաև նրա ազատության և ինքնիշխանության համար իրենց կյանքը զոհած բոլոր հերոս հայորդիների Սուրբ հիշատակին։ Խորին շնորհակալությունս եմ հայտնում այս նախաձեռնությանը միացած իմ բոլոր ընկերներին։