Բաթումիում տղամարդը տան փլուզման հետեւանքով կորցրել է կնոջը, եղբորն ու երկու երեխաներին
SOCIETYԲաթումի բնակիչը կորցրել է կնոջը, եղբորը եւ երկու երեխաներին, որոնք զոհ են դարձել Բաթումում տեղի ունեցած ողբերգությանը, հայտնում է «Sputnik Գրուզիան»։
Ուրբաթ օրը Բաթումի կենտրոնում փլուզվել է բնակելի բարձրահարկ շենքի մի մասը: Մահացածների թիվն արդեն հասել է ութի, որոնց թվում երեք երեխա կա: Վրաստանում հոկտեմբերի 11-ը սգո օր է հայտարարվել:
Ականատեսները հեռուստատեսությամբ ասում են, որ «տղամարդը երեխաներից մեկին տարել է դպրոց, սակայն նրա կինը, եւս երկու երեխաները եւ արտասահմանից հյուր եկած եղբայրը մնացել են բնակարանում»:
Վրաստանի ՆԳՆ-ը փլուզման գործով բերման է ենթարկել երեք մարդու՝ առաջին հարկում գտնվող բնակարանի սեփականատիրոջը եւ երկու վարձու աշխատողների, որոնք վերանորոգման աշխատանքներ են կատարել: Գերատեսչության տվյալներով, նրանք վերանորոգման աշխատանքները անվտանգության կանոնների կոպիտ խախտմամբ են իրականացրել, ինչը, ամենայն հավանականությամբ, հանգեցրել է բազմաբնակարան շենքի մուտքերից մեկի փլուզմանը:
Հանցագործության համար 2-10 տարվա ազատազրկում է նախատեսվում: