«Ցավալի է, 6 մարդ կալանավորվել է՝ պատվաստման կեղծ սերտիֆիկատ տալու համար». Նիկոլ Փաշինյան
POLITICS«Այս պահի դրությամբ քրեական գործերով որպես մեղադրյալ ներգրավված մեկ տասնյակից ավել բուժաշխատողներ ունենք, 6 մարդ կալանավորվել է՝ պատվաստման կեղծ սերտիֆիկատ տալու համար»։
«Ամենացավալին այն է, որ այդքան չարչարվում, պատվաստանյութեր ենք ձեռք բերում, բայց երբ կեղծ սերտիֆիկատ են տալիս, պատվաստանյութն ուղղակի փչացնում են։ Այսինքն սրվակը բացում, դատարկում են, և պետական միջոցներով ու չարչարանքի միջոցով ձեռք բերված պատվաստանյութը փչանում է»,-նշեց վարչապետը։
Նիկոլ Փաշինյանն անդրադարձավ նաև այն շահարկումներին, երբ պետական միջոցառումից կամ ընդունելությունից ինչ-որ լուսանկար են տարածում և ասում, որ պաշտոնյաները դիմակ չեն կրում։ Վարչապետը նկատեց՝ քաղաքացիներն էլ հարսանիք են անում, միջոցառումներ անում, բայց սեղանի շուրջ դիմակ կրու՞մ են։
«Պետք է չտրվել այդ էժան շահարկումներին։ Ի վերջո պետք է հստակ ասենք, որ այսօր մահերի պատասխանատվությունը կրում են այն մարդիկ, որոնք հակապատվաստումային քարոզչություն են իրականացնում»,- նշեց Նիկոլ Փաշինյանը։