Արծրուն Հովհաննիսյանը նորություն չի ասել, պարզապես, իրերն իրենց անուններով է կոչել
BLOGՀրանտ Սաֆարյանը Ֆեյսբուքյան իր էջում գրում է.
Այն, որ ՊՆ խոսնակ Արծրուն Հովհաննիսյանը նշել է, որ տերմինաբանության մեջ պետք է օգտագործել «պատերազմ» եւ ոչ թե «հրադադարի խախտում» բառը, որովհետեւ հրադադար մենք, ըստ էության, այլեւս չունենք, դարձավ օրվա թիվ մեկ հիստերիայի առիթը: Բայց, չէր խանգարի մի պահ սառը դատել ու հասկանալ, որ, ըստ էության, Ա. Հովհաննիսյանը նորություն չի ասել, պարզապես, իրերն իրենց անուններով է կոչել: Հետեւաբար, ավելորդ եմ համարում անտեղի խուճապն ու «կասկեքով» դիվանին նստած սոցցանցերում ողբերգություն սարքելը: Եթե այս հայտարարությունը պետք է խուճապ ու հիսթերիա առաջացնի, ապա միայն Բաքվում, ինչը որ այդպես էլ կա: Ավելին` եթե մեզ` ասֆալտաբնակներիս համար, «պատերազմ» բառը նորություն էր, ապա սահմանամերձ գյուղերում ապրող 6 տարեկան երեխան անգամ գիտի, որ իր առջեւ թշնամի է կանգնած ու պատերազմն էլ քթի տակ է: Հիմա էլ հարց է առաջանում, թե ինչու հենց այսօր բարձրաձայնվեց այդ մասին: Դրա պատասխանն էլ կա. մի քանի փսլնքոտ այս օրերին կոկորդ էին պատռում, թե մեր զինվորներն անիմաստ զոհվում են սահմանում: Հիմա թող հասկանան, որ անիմաստն իրենք են, իսկ զինվորը կենաց մահու կռիվ է տալիս սահմանին, որ իր նմանները խաղաղ ապրեն ու ամբախ-զամբախ դուրս տան: Այնպես որ, խնդրում եմ, հորդորում, որ զգոնության կոչը չխառնեք երկչոտության հետ: Այո՛, կռիվ ունենք սահմանին, այո՛, մի բուռ ազգ ենք, բայց որ բռունցքվեցինք վայն եկել է տարել թշնամուն: Կրկնում եմ` այս հայտարարություններից առաջին հերթին մտահոգվելու առիթ ունի Բաքուն, ինչու չէ, նաեւ ՀՀ անվտանգության երաշխավոր ՀԱՊԿ-ը: Իսկ մենք հաղթանակած երկիր ենք, թող պարտվողը մտածի: