Վանո Սիրադեղյանի աճյունը մոտ օրերս Հայաստան կտեղափոխվի
SOCIETYՊետական գործիչ Վանո Սիրադեղյանի աճյունը մոտ օրերս Հայաստան կտեղափոխվի։ Այս մասին առցանց մամուլի ասուլիսի ժամանակ հայտարարեց ՀՀ վարչապետ Նիկոլ Փաշինյանը։
Հարցին, թե ինչու Վանո Սիրադեղյանի աճյունի նրա մահվանից մեկ ամիս անց դեռ Հայաստանում չէ, Նիկոլ Փաշինյանն ասաց, որ թաղման կառավարական հանձնաժողով է ստեղծվել, որը խորհրդակցել է Վանո Սիրադեղյանի ընտանիքի անդամների հետ։
«Հանձնաժողովը որոշումներ է կայացրել, և կարծում եմ առաջիկայում Սիրադեղյանի աճյունը կտեղափոխվի ՀՀ։ Ես այցելել եմ Սիրադեղյանի ընտանիքին, և իմ ցավակցությունն եմ հայտնել։ Սիրադեղյանին ես ճանաչել եմ, որոշակի հարաբերություններ ունեցել»,–ասաց վարչապետը։
Հարցին մտածե՞լ է Վանո Սիրադեղյանին Հայաստան վերադարձնելու մասին, Նիկոլ Փաշինյանը նշեց, որ 2018 թվականից հետո Վանո Սիրադեղյանը կարող է ՀՀ իրավապահներին հանձնվել, քանի որ որոշակի օբյեկտիվ դատավարական պայմաններ կարող էին լինել։