Սխալ խնամելու արդյունքում, կվնասվեն ձեր վարսերը (լուսանկարներ)

 Տարատեսակ կոսմետիկ միջոցներով խնամքն այնքան էլ օգտակար չէ, քանի որ մազերը հաճախ վնասվում են, ու անհնար է անմիջապես վերականգնել։ 

 

Սանրը, ինչպես ատամի խոզանակը, խորհուրդ է տրվում փոխել ամեն կես տարին մեկ անգամ, քանի որ ժամանակի ընթացքում սանրի վրա հավաքվում են բակտերիաներ և սնկային հիվանդությունների հարուցիչներ։ Դրանք կարող են վնասել մազերը։ Խորհուրդ է տրվում նաև ամեն սանրվելուց հետո հեռացնել մազերը սանրից և այն լվանալ օճառաջրով։ 

 

Շատ կիպ կապած մազերն ուժեղ ճնշում են գործադրում մազարմատներին և թուլացնում դրանք։ Կիպ կապած «պոչը» խախտում է արյան շրջանառությունը, որի հետևանքով առաջանում է մազաթափություն։ 

 

Շատերը կարծում են, որ որքան շատ խնամքի միջոցներ օգտագործեն, այնքան իրենց մազերն  ավելի առողջ կլինեն։ Իրականում չափից ավելի խնամքը ճիշտ հակառակ էֆեկտն է տալիս և վնասում է մազերը։ 

 

Ջերմային ցանկացած ներգործություն մազերի վրա որոշ չափով վնասում է դրանց ամրությանը, քանի որ այն «այրում» է օգտակար բնական յուղերը և շերտերը որոնցով պատված է մազը։ Եթե հաճախակի ֆենեք կամ «արդուկեք» ձեր մազերը, ապա դրանք կդառնան ավելի փխրուն և բարակ։ 

 

Մազերը սխալ ձևով սանրելու դեպքում դրանք կարող են վնասվել և դառնալ ավելի դյուրաբեկ։ Եթե երկար մազեր ունեք, ապա աշխատեք դրանք չսանրել ծայրից ծայր՝ այլ մաս-մաս։ 

 

Երբ մազերը թաց են դրանք ավելի ծանր են և խոցելի են դառնում վնասվածքների համար։ Եթե ինտենսիվորեն դրանք չորացնեք սրբիչով, ապա կվնասվեն։ Ոչ մի դեպքում թաց մազերը չի կարելի սանրել։ 

 

Եթե օգտագործում եք խնամքի և ձևավորման միջոցներ, ապա օգտագործեք դրանք առանձին-առանձին՝ տարբեր ժամանակահատվածներում։ Եթե խնամող և վերականգնող միջոցն օգտագործելուց հետո անմիջապես ֆենեք կամ լաք փչեք, ապա խնամքի միջոցն արդյունք չի տա։